الزير سالم شرب كاس(ن) وقد حاني

[نديم القوااافي]

شرفني بردك يا ابو طلال ان جاز لك وتراه على نفس لحنك اللي قبل شوي



البدع : نديم القوااافي=
الزير سالم شرب كاس(ن) وقد حاني=
سكران لكن يصيد اسود ونمارا=
وكليب رجال له حكمه وشيماتي=
لكن ربعه على القسوه يحدونه=

[عاشق المها]

بدع رائع يانديم القوافي ...صح لسانك وننتظر أبوطلال ليكمل الإبداع ...

[علي السبيَه]

صح لسانك يانديم القوافي وماعليش على التاخير دوبي فتحت الصفحه


الرد:علي السبيه=
.=
العولمه وقتها قبّل وقد حاني=
عاد استوى في الحساب اعداد ونمارا=
يعيش في المزرعه شيً وشي ماتي=
وخنجر الغدر ماودي يحدونه=

[نديم القوااافي]

صح لسانك يا ابو طلال



بدع نديم القوااافي=
هب للقضيه مجاريماً وجنحاني=
واصبر على حكم قاضينا ولوبارا=
الله يعينه يقلب في الملفاتي=
وبقاعة المحكمه المجرم يودونه=

[علي السبيَه]

صح بدنك يانديم القوافي


الرد:علي السبيه=
.=
لكل طاير مخاليبً وجنحاني=
والصيد ما كلها غزلان ووبارا=
ليش الندم ماانقضى شي(ن) ولا فاتي=
من ينقل الود للعالم يودونه=

[ملك الليل999]

نديم القوافي
على السبيه
بيض الله وجيهكم وصح السنتكم
ابداع وتألق وروعه
مع اطيب تحياتي

[الهجيــــر]

نديم القوافي
ابو طلال
صحت السنتكم ملايين

[نديم القوااافي]

وين افلحت ضحكتي

بدع نديم القوااافي=
0=
لكل واحد مشاريباً وحدّاني=
واللي كشط في القضيه لازم ايدانا=
واحد قرا الفاتحه بعد التحياتي=
تسبحو ينتبه والا تردونه=

[عاشق المها]

صحّت ألسنتكم يالنشامى ...متابعين ومستمتعين ...

[مسفرالفضيلى]

صحت السنتكم والله يعطيكم العافيه

[علي السبيَه]

الرد:علي السبيه=
.=
البارحه في فضاء من غير حداني=
اخيّل البدر يدّه لازم ايدانا=
حتى نجوم السماء ردو تحياتي=
واما عيون الدنا لازم ترى الدونه=

[نديم القوااافي]

بدع نديم القوااافي=
0=
مدري تموزح معي والا انت بلعاني=
المزح والجد يا الدندون بيبانا=
ان كان طاوعت فينا اهل الوشياتي=
امرت ربعي على قبري يعدونه=

[علي السبيَه]

الرد:علي السبيه=
.=
البي اهل المثايل وانتبي العاني=
لكل بيتً شبابيكً وبيبانا=
شيً تقدم من الهجره وشي ياتي=
والمال ياصاحبي للي يعدونه=

[قائد الجنوب]

موفقين بإذن الله ... لكم مني أجمل تحية .

[نديم القوااافي]

الرد:علي السبيه=
.=
البي اهل المثايل وانتبي العاني=
لكل بيتً شبابيكً وبيبانا=
شيً تقدم من الهجره وشي ياتي=
والمال ياصحبي للي يعدونه=



صح لسانك يا ابو طلال ..وبيض الله وجهك يالنشمي محل ما تروح تجمل وتكمل

[almooj]

نديم القوافي : الله يسعدك يا تاج راسي
أبو طلال : لا هنت يالحبيب الغالي .

[شاعر بالمفضل]

نديم القوافي

علي السبيه

صحت السنتكم يا النشاما كلام يجمل بيض الله وجيهكم

[علي السبيَه]

صح لسانك يا ابو طلال ..وبيض الله وجهك يالنشمي محل ما تروح تجمل وتكمل

صح بدنك يانديم القوافي تشرفت بمجاراتك في هذه المحاوره
واعذرني ان حصل مني قصور وشكري وتقديري لكل من
شرفنا بمروره الكريم كلن باأسمه