المساعد الشخصي الرقمي

مشاهدة النسخة كاملة : يا مسافره

الهمس
15/06/2008, 10:48 PM
يا مسافره وش له بعد نعشق الدار=دامك تركتي الدار وش عاد فيها
تحرم علي الدار من بعد الأخيار=دارٍ تركتيها ابد ما ابيها
خذي معك قلبي وخليه تذكار =والروح خليها معك واحفظيها
وانا على ذكراك باعيش بحار=مالي بلد غيرك ودارٍ اجيها
باسكن بظفة ذكرياتك بلا جار=اغمض عيونٍ شوفتك ترتجيها
في وحدتي عايش مع الشوق محتار=غريب في دارٍ تربيت فيها
ارسلك اشواقي مع الطير لا طار=اظن وناتي بعد تسمعيها
احسد هبوب الريح لا جاك باعصار=واحسد ديارٍ يالغلا تسكنيها
البعد يقتل ما بقى بيدي اختار=الروح تنزف والمخاطر تجيها
العقل شارد فيك والجسم منهار=خوفي حياتي ترجعي تندبيها
لكن لو عمري فني او سار ما سار=قصة غرامي دوني واكتبيها
المعلوي
15/06/2008, 11:22 PM
مشكوره أخي الهمس على القصيده الرائعه

الله يعطيك العافيه
علي السبيَه
15/06/2008, 11:41 PM
صح لسانك ياالهمس واشتقنا لابداعتك يامبدع
ابو صالح
15/06/2008, 11:55 PM
صح لسانك يا صاحبي ويا صديقي بل يا اخي
انت شاعر ورجل بكل ماتحمله الكلمه من معنا.

الله يديمك شامخ(ن) وافي الاشبار=وشيمتك بين البشر تحتميها
ماتمشي الشينه ولا تقبل العار=والهينه في سكتك ماتبيها
بدوية
16/06/2008, 12:32 AM
صح لسانك .. صح أحساسك .. صح الأبداع يامبدع

لك كل الأحترام والتقدير
الهمس
16/06/2008, 09:47 PM
المعلوي اشكر لك وحظورك
مرور عزيز وغالي لاهنت
الهمس
16/06/2008, 09:51 PM
السبيه
بارك الله فيك
ولا حرمني ربي تواجدك وابداعك
لك مني اجمل تحيه
الهمس
16/06/2008, 10:00 PM
ابو صالح
وش اقول لك اخ وعزيز وغالي ولا يوفيك حقك قصائد الشعراء كلهم
وشهادة صدق اخوتك تنشرى
وشرف كبير لي مصافحتك وستكون قريبا


مثلك سند والعقل بالحق جبار=تخضع رقاب اهل الخطا او تحتنيها
الجود بيدك والكرم عقد واسوار=نارك مع الاجواد دايم تريها
الهمس
16/06/2008, 10:05 PM
الأخت بدويه
اشكرك على مرورك الغالي
واطارك الغير مستغرب على الأصاله العربيه

واسمحي لي بمداخله على نغم التوقيع

لا ماغدت بالبدو كلمات الأشعار=تنقد وتغدي بالقصايد رديه
حي البدو ياحيهم ناسٍ اخيار=قلت ابدوي قال العرب يا هنيه
صقر الجنوب
20/06/2009, 01:57 AM
من القديم الرائع .. صح لسان قائلها
بن شاقول
20/06/2009, 03:51 AM
شكرا .. من القلب !!!

العزيز الشاعر .. الجهبذ والمبدع الحقيقي وعضو الشرف اللوذعي
(( الهمس )) .. !!!
طاب يومك .. وعملك سيدي ..!!!

اشكرك على معلقتك اعلاه .. وماشاء الله عليك .. وفيت وكفيّـت
بارك الله فيك
لاهنت .. وصح لسانك عزيزي ..!!!

+++++++++++++++++++++++++++

لا حرمنا .. من يرااااااااااع قملك
ابدااااااااااااااااع × ابداااااااااااااااااااع

+++++++++++++++++++++++++++

هذا .. ويسعدني .. ان انتظررررر نثرررر دررررك
الى ذلك الحين
وكل حين .. تقبّـل مشكووورا .. من الودّ اصفاااااااااااه
ودمت سعيدا في ظل محبيك
ودمت لي صديقا وفيا ...!!!!
همسة شوق
20/06/2009, 09:22 AM
صح لسانك واعتلا شانك
كلمات جميله و اكثر من راائعه
دمت ودام بوحك الرااقي
يعافيك ربي .
لاهنت.///