واقول يا قاضي احكم بالنقا والعدالة

[محارب]

بسم الله الرحمن الرحيم

أولا أنا كلي شرف أن أنضم لكم في هذا النادي العريق , وأن أكون بينكم كي أستفيد منكم , وهذه أول مشاركة لي بهذا المنتدى الرائع بمن فيه ...

هذه قصيدة على طرق اللعب , وهي مجرد محاولة مني وأنا لست بالشاعر ولكن تقدرون تقولون "متمعرف" !!
عموما آهي على ارجول واحدة , وأتمنى من أحد الشعراء الرد عليها ...

الله من علة(ن) فـ القلب عيّت تهوني
حسبي على من حرم عيني تشاهد عيونه
حتى لذيذ المنام اصبح عسير المنالي
باشكيه للمحكمة واخرج بعهد(ن) وميثااق
واقول يا قاضي احكم بالنقا والعداله ....



وسلامتكم ...

[علي السبيَه]

الله يحييك تراحيب الغلا ياالمحارب وصح لسانك وانحن
كلنا نتمعرف واسمح لي بهذا الرد المتواضع وان كان
مااعجبك فلك حرية الحذف


الرد:علي السبيه=
.=
ترى المحبه على اصحاب الهوى ما تهوني=
يزهيك نبع المحبه لو تشاهد عيونه=
ياكم تمنيت لكن ما يفيد المنى لي=
حبل الرجا والموده بين الاحباب ميثاق=
واللي يدوّر رضانا ما نرد العدا له=

[صقر الجنوب]

محارب
علي السبيه

صحت السنتكم يا المطاليق

[عاشق المها]

حياك الله يامحارب وصح لسانك على البدع الرائع...

صح لسانك يابوطلال على الرد الجميل والعذب ...

[مسفرالفضيلى]

صحت السنتكم والله يعطيكم العافيه يا النشاما

الله يوفقكم

[محارب]

الله يا علي السبيـّــة .....

واللي يدور رضانا ما نرد العدا له .....

أستاذ ..
الله يبيض وجهك ويعطيك العافية ....
صقر الجنوب ,, عاشق المها ,, والفضيلي ,, لا عدمناكم ...

لي عودة ان شاء الله ...

[محارب]

البــــــدع :: محـــــارب ::

الله يستــــــر مــن الحسـّـــاد ما يلمـــزونــي
خصوص لا مــن قـروا ما قد كِتب لي بدونــه
يارب تعطينـــي الحظ والفـُقـُـــه والمجالــــي
وارد لك يا السبيـّـــــه ما كتبتـــه بالاوراق
ياصاحــب العِــرف والمعروف واهل الجــزالة ....

[نديم القوااافي]

الله الله

محارب

السبيه

صحت السنتكم وابدانكم واصلو الابداع والكم الف تحيه

[علي السبيَه]

صح لسانك يا محارب واشكرك على كلامك الطيب ياطيب
ويشرفني مجاراتك والى مااعجبك الرد فلك حرية الحذف


الرد:علي السبيه=
.=
ابتبرد الارض الى من هل ماي المزوني=
وانحن هل المدح والله مابنحيا بدونه=
ياصاحبي جالت الاقوال والعلم جالي=
يلين قلب المعذّب لا بلي من بلا اوراق=
كلن بقدر العمل والنيه يلقا الجزاء له=

[محارب]

عافاك الله , ولست أنا من يحذف أو ينتقد أمثالك فأنا أستفيد منك بارك الله فيك ....



الــبــدع :: محــــــــارب ::

علي وانا اخوك كم في داخلي شي غبــونــي
والقلــب من مـابــه ابتــدا يبيّــح سُـدُونـــــه
والقهْـــــر كسـّــر مجاديــفي ودمّــر رحـالــي
كُــثُــر بذا الوقت حـَـسّــاده وقطـّــاعة السـّـاق
اللــــه لا يبـتــليـنــا بالــذي بــــه جهــالـــة

[هاوي الشعر]

المحارب شاعر وابياته تشهد وردود محكمه من ابو طلال

وبعض الابيات تعادل قصيده
واللي يدوّر رضانا مـا نـرد العـدا لـه
كلن بقدر العمل والنيه يلقا الجزاء لـه

ومن ابيات المحارب
اللــــه لا يبـتــليـنــا بالــذي بــــه جهــالـــة
ياصاحــب العِــرف والمعروف واهل الجــزالة

مشكورين على هذا الابداع





__________________

[شاعر بالمفضل]

بيض الله وجيهكم على هذا الايداع

صحت الالسن وتعافت الابدان

[علي السبيَه]

تسلم يا محارب وصح لسانك وعلى شانك وكلنا واحد نفيد ونستفيد من بعض
وشكري وتقديري لكل من شرفنا بمروره الكريم كلن باأسمه

الرد:علي السبيه=
.=
كم بهذلوني هل الفتنه وكم شيغبوني=
حتى الذي ملتزم للدين بيّ يحسدونه=
لكن مهما حصل ما يصبح المر حالي=
ما ساقو الخير للعالم وقطاعة الساق=
والوقت لا شان زال الفرح والبهج هاله=

[محارب]

عذرا على التأخير .....
أبو طلال ما شاء الله ردود ولا أروع ..
الشكر الجزيل لمن شرفنا برده , ولن يضيرنا بعض الانتقادات فنحن نبحث عن كل مفيد ...



البـــــــــــدع ::: محـــــــــــارب :::

انا سمعــت النـّيـَامـــس بعـدهــــا زاع لـــونــي
ومَـيـْــزر(ن) رِشْـقها مـن يــوم تسمع ونـونــه
الله محْــــلاه لا منـّـــــه توجـّـــه وصـــــالـــــي
خصوص لى مِـن عَمَد فــ ايد العريفين الاحـذاق
لاجل الخِطِـل بايــر(ن) سوقــه ولا ينـْجَبَى لـــه

[علي السبيَه]

تسلم ياالمحارب وصح لسانك والله يحيي من ينتقد ودنا باالنقد لعلنا نستفيد
وانت الى ما ناسبك الرد اعمل له حذف نهائي


الرد:علي السبيه=
.=
احباب قلبي ورى ذاك الغلا زاعلوني=
الجادل اللي حياتي بين رمشه و نونه=
ماكنت اضنه يجافيني ويقطع وصالي=
ارهقني الشوق وارهى الدمع مابين الاحداق=
لو كان برمي به ارض التهم طاحت جباله=

[محارب]

اسلم يا ابو طلال اسلم ....


البــــــــــــدع ::: محـــــــــــــارب :::::::::

يقول ضيف الله مـرّات القمَـــر ما يبيني
حسْبي على الغيمتين اللي وَرَاهم وزينه
سهرت ابارع نجوم الليـْل وآلوك حالــي
ماعاد عيني تنوم وما لطعم الكرى اوذاق
من غيبته صار جسمي ما يحسّ بوصاله

[محارب]

أسعدتني با ابو طلال بتواصلك ..
وشرفتني بردودك ..

لا زلت انتظر الرد في هذه القصيدة ولتكن الأخيرة ........

[علي السبيَه]

والله اني دوبي شفت القصيده يا محارب لا تشره عليه وانا اخوك
واعذرني على التاخير وتبغى نواصل واصلنا لاكن من ذلحين
الى مالا نهايه الا ان كان ردودي مااعجبتك


الرد:علي السبيه=
.=
الشين ماابيه يااصحابي وهو مايبيني=
مااريد غير الذي يفرق جماله وزينه=
اللي عيونه مكحّلها بليا كحالي=
الزين ياكم تعنى منه قلبي وكم ذاق=
والشين قلبي يعافه مايحسّب وصاله=