مشعر منى (الهجير)

[علي السبيَه]

كل عام وانت طيب ياالهجير هذا بدع متواضع ودي تشرفني بالرد عليه ان كان ناسبك

البدع:علي السبيه
.
الو ياكفي لفعل الجمايل والو فود
وان رما رميه يصيب الهدف منكل صوب
نفرض التقدير في كل معنى فيرضاه
لو تجرّدنا من الحب واسباب المشاعر
ارمنا ياليل باالشهب يوم اشع ارمنا

مالقيت التنسيق مدري وين اختفى والضاهر جهازي مهرقل

[فهد قزعه]

كل عام وانت طيب ياعلي وصح لسانك فرش ولااجمل ننتظر الهجير

[الهجيــــر]

كل عام وأنت بألف خير يابو طلال
وأعاده الله عليك أعواما مديده
وصح لسانك ملايين


الرد
أفرحي يا مكه وأستقبلي جمع الوفود
جا لك الحجاج من كل حدب وكل صوب
ذاكرين الله ولا جو لك الا في رضاه
الطواف وليلة النفره والوقفه مشاعر
والمبيت ورمية الجمره في مشعر منى

[عبدالله غازي]

الأساتذه الكرام علي السبيه والهجير
صحت الأفكار التي أنتجت لنا مثل هذا الكلام الجميل واصلوا ونحن متابعين بإهتمام تقبلوا تحياتي.

[جبل هادا]

يوم اشع ارمنا
فرش رائع

بدع منسّق و رد كالغيث
صحت السنتكم جميعاً

تقبلوا حضوري في هذا المتصفّح العطر

[عاشق المها]

بدع ورد في غاية الروعه

صحّت ألسنتكم وأبدانكم وكل عام وأنتم بخير...

[علي السبيَه]

صح لسانك ياالهجير على الرد الوافي والمجمل وشكري وتقديري لكل من شرفنا
بمروره الكريم وانت ياالصاعقه والبراكين لا ترد على قصيده مردود عليها وانا
حذفت ردك والى عندك قصايد افتح لك صفحه وقصد فيها جهدك


البدع:علي السبيه=
.=
ياالهجير اصويحبي عاد في حبه جحود=
يوم قلت افتح لنا ابواب واجد والح بوب=
وقضاة اهل الهوى ما يجازون الجناة=
كملك ياقلبي بدنيا الهوى والحب صابر=
ماعد ندري من كرهنا ومنهو حبنا=

[نديم القوااافي]

ما عاد ندري من كرهنا ومنهو حبنا
ما عاد ندري من كرهنا ومنهو حبنا

ايوه ايوه ايوه ايوه ايوه


محاوره رائعه بمعنى الكلمه يا ليت تواصلوها لين يشيب قافها .. لله دركم ثنائي مميز وراقي

[شاعر بالمفضل]

الله الله الله

علي السبيه
الهجير

صحت السنتكم وبيض الله وجيهكم

كل عااام والجميع بخير

[بن خضران]

ابو طلال

الهجير

صحت السنتكم وابدانكم وكل عام وانتم بخير

[الهجيــــر]

آسف يابو طلال على التأخير


الرد=
كل مزرع ياعلى عاد في حبه جحود=
أنت لا تشبر نتاجه وطلعه والحبوب=
أصحابه من جورهم ما يجازون الجناه=
وأنت وآنا ياعلي عندنا للحب صابر=
يبطي أصحاب الضلالات مانهو حبنا=

[علي السبيَه]

شكرا لكل من شرفنا بمروره الكريم كلن بااسمه
وصح لسانك وبدنك ياالهجير ولا فيه مشكله تأخر
وخذ راحتك


البدع:علي السبيه=
.=
اتعبت الاقدام واقف وخلق الله قعود=
واشغلت النضرات بين المشارق والغروب=
يوم زاع الصوت باالطرق والحادي حداه=
راعي الميلان يسرف من امواله وهادر=
واكثر الاسواق ودي لها ادرج مالنا=

[الهجيــــر]

الرد=
ليش تتعجل بعد بكره تكبر يا قعود=
وأبيضلي وسمنا تحت زورك والغروب=
كم جمل قبلك هدر لكن الحادي حداه=
كم برًكنا من جمالٍ لها صيح وأهادر=
والله انا ما وقفنا لهدر جمالنا=

[عبدالله اللبيدي]

علي السبيه

الهجير

صحت السنتكم وقلوبكم عسى الله يوفقكم

كل عــــــــــــــــــــــــــــــــــام وانتم بخير

[علي السبيَه]

علي السبيه

الهجير

صحت السنتكم وقلوبكم عسى الله يوفقكم

كل عــــــــــــــــــــــــــــــــــام وانتم بخير

حىلله اللبيدي معلمنا وتاج روسنا اشتقنا لك ولحضورك المميز
والف شكر على مرورك الكريم وكل عام وانت طيب

[علي السبيَه]

البدع:علي السبيه=
.=
الجبل ثابت ولا تحسب انه يابا نود=
والبحر هادي بموجه وفيه الملح سوب=
يامتى تتثبّتون الحقايق ياالغواه=
لو بنوقد نارنا تاكل اليابس والاخضر=
لا تتجاهل علمنا ياالذي تدري بنا=

[صقر الجنوب]

علي السبيه
الهجيــــر

صحت السنتكم ملايي يا المطاليق وكل عام وانتم بخير وسعادة

[علي السبيَه]

علي السبيه
الهجيــــر

صحت السنتكم ملايي يا المطاليق وكل عام وانتم بخير وسعادة

صح بدنك ياابواحمد ونشكر لك مرورك الكريم
وكل عام وانت طيب

[الهجيــــر]

الرد=
يالحوثي لا عد تدور مواثيق وبنود=
أمركم محسوم من غير عد ولا حسوب=
واللي مثلك ما حسبنا كلامه والغواه=
قبلك السيفين والنخله فوق اللون الاخضر=
بعد كم يوم ابنقول أنتهى تدريبنا=

[علي السبيَه]

حصلت البركه ياالهجير وصح لسانك وبدنك
تشرفت بمجاراتك واعذرني ان حصل مني قصور