غصيت بك ياماي ويش ابلعك به

[قائد الجنوب]

هذه قصيدة لشاعر قطري بعنوان ( غصيت بك يا ماي ويش ابلعك به )
وهي تبين تعامل بعض الاصحاب وقت الشدائد
قد يغص الشخص ببعض لاكل ويبلعه بالماء ولكن اذا غص بالماء بماذا يبلعه


يا بايع الرفقه تعلمك الايام !!!
قدري .. بدون آجيك وآعلمك به


ان قاله الله لا اترك عيوني تنام
وأحد عن درب السهر واتركك به


جروحك .. اللي مهمله قدلها عاااام
زادت على القلب الذي مسكنك به


تبغيني ارجع لك .. موافق !! اذا قام
يرجع لك الماء لا انتثر عقب سكبه


الله يقطع بيننا وصل الارحام !
دام الثقه في اقرب الناس نكبه


تبيعني .. وآنا اللي آعدك حزام !!!
غصيت بك يا ماي ويش ابلعك به