, :+: آخ ـر مراسيـ / لي :+: , لـ مشعان البراق

[غموض القدر]

مقتطفات للشاعر مشعان البراق




http://up.mergab.com/uploads_pic/5cc41d0669.jpg (http://up.mergab.com)


:
:



نادوا سميّك .. وارتبكت وتغيّرت
كذا ولا ادري وقتها ويش جاني !


سكّت ,
حتى أتصدّق اني
تباشرت
كنت احسب انك جيت يمّي / عشاني


وأنا من الموقف :
ضحكت وتكدّرت ,
وبشايري : ( مرت مرور الثواني ) !


مع السوالف يوم طروّك سافرت ,
سافرت لك .. وأنا مكاني / مكاني


قصّيت للضيق التذاكر
وغادرت
وقدّمت شكري لـ القدر وامتناني ,


أثر ( الفراق ) ,
أصعب من اللي تصوّرت
بدت جيوشه .. [ تستحل المحاني ] ,


آمالي ان عاشت كذا
مالها كرت ,
طاحت .. من عيون البحور / المواني


ماني بـ قايل :
ليه بالوصل قصّرت ؟
وليه أنت متقلّب , وهادم , وباني ؟


اقول لك :
يوم انك لـ صدك اخترت
نسيتني ؟ .. والا [ نساني زماني ] ؟


في سكتك واقف
وفي سيري آحترت
قلي : [ ترى ماعاد لي عمر ثاني ] ,


تراي في قيود الرجاء ما تحررت
علّقت في ذمتك ( كل الاماني ) !



http://www.vip1vip.com/vb/images/smilies/icon26.gif

[غموض القدر]

,



أنت جيت وجابك الله وداويت الجروح
الدواء شوفتك .. والوصل ما آستغني عنه ,


ليه ما اروّق ؟ على شوفة الوجه الصبوح ,
صبح هذا اليوم .. عيد ٍ من اعياد السنه !


http://www.vip1vip.com/vb/images/smilies/icon26.gif

[غموض القدر]

خل الإعجاب
ما آبغى منك إعجاب !
كان الإعجاب منّك ؟ ما آنتظرته ,


صح كنا ثنين
أكثر من آحباب ,
لين .. خنت الغرام ولا أعتبرته ,


من تركني وصداته بلا أسباب
والله أني لا أموت ..ولا ذكرته


يحفظ اللي بقى له :
وين ما غاب !
لا يجيني بعد [ ما طاح كرته ] ,


كل جرح ٍ قدرت أعالجه طاب ,
الا جرح المشاعر .. ما قدرته !

,

[غموض القدر]

كثر ما أشتقت لك . ,
والا كثر ما كنت [ أفكر فيك ] !
كثر ما طالت دروبي معاك .. وتعبت آقدامي ,



على ويش آحرجك ؟
وأنت الغلا منك , وبين يديك !
لاوالله جفّت أوراق الكلام .. ورفعت آقلامي ,



( على راحتك ) ,
شوف اللي تبيه ,
وشوف وش يرضيك !
لو أنك تقطع حبال الوصال وتقتل آحلامي ,


لكن :
تكفى وتكفى طالبك ,
( يا جعلني ما أبكيك ) !
[ لا تترك فرصه لـ غيرك , يداوي :
جرحي الدامي ,



لا تترك لـ السهر ,
ماطآ قدم , في عين من يغليك !
وأنا عزالله آحتاج لـ دفاك .. فـ بارد أيامي ,



أنا :
لاهبت هبوب الغرام , وجتني
بـ طاريك !!
آفلّ لها شراع ٍ ما طويته .. وآرفع آعلامي ,



آجل وشلون ؟
( لا استحليت مرّك ) في رجاء :
حاليك ,
بـ عذري :
لا نسيت الكون كله .. وأنت قدامي ,



تبي تبقى :
( مراسي ) عهدي الاول ,
على شاطيك ,
ما هزّتها العواصف ,
والبحور وموجها الطامي ,



آحبك ,
وأن وقف فيني طريقك / ماني بـ ناسيك !
يابهجة خاطري ,
وآحساس روحي ,
وآكذب آوهامي !



هذا يكفيك ؟
والا ياعديل الروح مايكفيك !
عزاي :
أنك ما تجهل منزلتك .. وقدرك السامي ,

[غموض القدر]

ايه أنا أدري .. ما يخون الا الزمان
وأنت صادق في عهودك ما تخون
ايه أنا أدري .. ما على الدنيا أمان
والدليل : اللي يجون , ويرحلون
ايه أنا مصدّقك لكن كيف هان
الغلا اللي كان في نون العيون !
روح , لو تأخذ معك حتى المكان
لأن ماله طعم من بعدك ولون
روح ما أنت أول من استؤمن وخان
وخلني .. بين المواجع والطعون !




http://up.mergab.com/uploads_pic/ceea7ebcc0.gif (http://up.mergab.com)







حنا آنتهينا من زمان ,
وآعذارنا : [ خان الزمان ] !
والا الزمن ؟ ماله خطاء .. لكنها ( زلة لسان ) ,

جفّت :
ينابيع المحبه والغرام
وآخترت .. لـ آحلامي ( طريق ) .. , .. ما آخترت لـ غيابي ( رفيق ) !

آيّة غلا ؟
وآيّه وفاء ؟
وآيّه كلام ؟


تبي الصحيح :
تشوفني لكن ترى ماني بـ / حي ! .. , .. ميّت : وأنا [ وسط الزحام ] ,
ماهو ضروري نتفق !
لكن ضروري نفترق ,

تبي الصحيح :
حنا اتفقنا : (نختلف ) في كل شي !

أقدّم :
( آيّات التعازي ) لـ الغرام ,
وآشعل شموع البعد .. وآطفّي شموع !

قل ما تبي , ومسامحك !
فضفض : ترى ما باقي وقت ,

خذ ما تبي , ومسامحك !
آسامحك ؟ لا ما صدقت ,

ما أظني آقدر لو ( قدرت ) ,
وإذا قدرت أسامحك : ايه انكسرت ,

الله يسامح دمعتك :
( هذا كلام ) ؟
آصارحك ؟ ما جاء على بالي رجوع !

إلى هنا وأستسمحك ,
أبآخذ أوجاعي وآروح !
لـ أول مشاوير العتب ,
وآخر مسافات الجروح !

ماعاد لـ حضوري مكان , ولا لك بـ قلبي مكان !
حنا انتيهنا من زمان ,

http://up.mergab.com/uploads_pic/0fe413a88d.jpg (http://up.mergab.com)







قص التذاكر لـ( تقديري ) ولـ( اعجابي ) !
على خطوط الغياب .. ورحلة الفرقا
عزّمت اسكّر عن ضيوف الهوى بابي
حفظاً لـ( دّم ) البحر من زلة الغرقا
افضل / ولا ابقى كذا عايش على اعصابي
ماغير احوّل من رجوم التعب وارقا
لي الشرف .. لو يموت الحب بـ( اسبابي )
لأنه كسر خاطري مع نوحة الورقا
من يوم مات الوفاء .. في عالم احبابي
سمحت من ماطرك .. يالغيمه الزرقا
يكفيني اعيش عندي : شيمة اعرابي
ما تنحني هامته .. للجادل الطرقا !

[غموض القدر]

أرفع يدي لـ السنين اللي تعدتني ,
وآحداثها .. لا تزال تمّر قدامي ,

خانتني الذاكره من يوم قادتني ,
لكل درب ٍ .. يمّر بـ حلمي السامي ,

آنقدت معها ولا أدري وين ودتني :
بـ أسباب حلم ٍ ما يشبه باقي أحلامي ,

والله ما قلت الظروف اللي تحدتني
لكنها هي حكاية ( جرحي الدامي ) ,

وقفت : وسنيني الجايات , نادتني
مع السلامه يـ أجمل وأصعب أيامي ,

[غموض القدر]

في وقت :
تضخيم الاسامي والألقاب
وين العجب ؟ لا قلت ( كلش تغيّر ) ,


لو يزعلون :
آخوان وأحباب وأصحاب
حنا : نعرف أن الصغيّر ( صغيّر ) ,


نشوف ,
ونعرف الدوافع والاسباب
ماعاد في الموضوع : شي ٍ يحيّر ,


ماهو بـ عيب :
إذا انها قصة إعجاب ,
لكن : كذب ( يطوّلون القصيّر ) ,

[غموض القدر]

بيني وبينك .. موعد ٍ ما نسيته ,
آخلّي ( الأشغال ) .. ماني مخليه !


لو ينشرى ؟
من حرّ مالي .. شريته !
وشلون وأنت اللي تمناني .. أجيه ,

http://www.vip1vip.com/vb/images/smilies/icon26.gif

[غموض القدر]

لو [ قست ] !
(قدر المحبه ) بـ المسافات ,
غيرك ما يأخذ بـ قلبي : ( ربع سانتي ) ,


ولو هو بـ :
الاحجام والا بـ المساحات ,
من بعد : وسعتي الصدر وسكنتي :-


لك الاراضي . ,
ولك سبع المحيطات ,
وأن هانوا الناس ( في عيني ) ما هنتي ,


العمر رحله ,
وانا سنيني محطات .. ,
وآجمل محطات عمري / عمرك انتي ,

[غموض القدر]

[ انتي ] !
لو تحبين نفسك ماهو عيب ,
ياجعل يوم المنتقد
........ " قبل يومك " ,


[ حلوه ] ,
ومملوحه ولا بك عذاريب ,
, الله .. يلوم اللي :-
... بـ " نفسك يلومك " ,

[غموض القدر]

,


لآوآلله إلآ [ نسيت ] .؛ و بآن تقصيري .؛
.................. ونسيآني ؛ آخر قضآيا / وقتي الرآهن .!


قدّمت عذري بـ مقصودي / و تبريري .؛
................. حتى آلعذر يعتذر عن حيله آلـ وآهنـ .!
................. حتى آلعذر يعتذر عن حيله آلـ وآهنـ .!



http://www.vip1vip.com/vb/images/smilies/icon26.gif

[غموض القدر]

,


ألهى عن العالم مثل ماتشوفين
لكن معك , والله ما أحب اتلهوا


كني على شوفك محرر فلسطين
وحاط ٍ رجل على رجل واتقهوى

[غموض القدر]

,


:
:


( قصيد ٍ حيّ ) ,
فـ أوراق الدفاتر !
عن : عيون العرب
ساتره ساتر ,


( آبيه ) :
يعيش لي , ويموت عندي !
ولا ودي مع الناس .. إيتواتر ,


حرام ان الشعر روّح فـ يدّها ,
مريض ٍ من دكاتر لـ سساتر ,


ولو ماهو مريض :
( آشهد شهاده ) !
ما سمّوا فيه شعاره : دكاتر ,


من اللي :
( مبتليّنه / عزتي له ) !
نزل قدره إلى حد المهاتر ,


وش أذكر ؟
ويش أقول ؟
وويش أخلي ؟
عزومه ميّته .. والحيل فاتر ,


مثل :
ما يلّزم الشعار ( فلتر ) ,
الإعلام : ( ألّزم بـ كل الـ فلاتر ) !


صحيح :
إن كل ْ ساقط وله لاقط ,
ومن ما بان لي : سترك ياساتر ,


وأنا :
لو ماتت آحلامي بـ صدري !
( قصيدي حيّ ) :
فـ إوراق الدفاتر . ,


:
:

[غموض القدر]

,



ما عليّ :
من السوالف والعلوم ,
كل علم يصير له ( باب وجواب ) !


الستر :
مجال شاسع لـ , العموم
ماهو بـ واقف على : ستر الثياب ,


انتعلّم :
كل ليل / وكل يوم .. ,
والخطاء يدلّنا : [ عين الصواب ] ,


صحبة ٍ على المصالح ,
ما تدوم !
آترك اللي صحبته : هم وعذاب ,


إن رضى عليك :
وصلّك النجوم ,
وإن زعل عليك : ساواك التراب ,

[علي السبيَه]

شكرا على هذا النقل الرائع ياغموض القدر

نادوا سميّك .. وارتبكت وتغيّرت
كذا ولا ادري وقتها ويش جاني !

سكّت ,حتى أتصدّق اني تباشرت
كنت احسب انك جيت يمّي / عشاني

وأنا من الموقف : ضحكت وتكدّرت ,
وبشايري : ( مرت مرور الثواني ) !

مع السوالف يوم طرّوك سافرت ,
سافرت لك .. وأنا مكاني / مكاني

قصّيت للضيق التذاكر وغادرت
وقدّمت شكري لـ القدر وامتناني ,

أثر ( الفراق ) ,أصعب من اللي تصوّرت
بدت جيوشه .. [ تستحل المحاني ] ,

آمالي ان عاشت كذا مالها كرت ,
طاحت .. من عيون البحور / المواني

ماني بـ قايل :ليه بالوصل قصّرت ؟
وليه أنت متقلّب , وهادم , وباني ؟

اقول لك :يوم انك لـ صدك اخترت
نسيتني ؟ .. والا [ نساني زماني ] ؟

في سكتك واقف وفي سيري آحترت
قلي : [ ترى ماعاد لي عمر ثاني ] ,

تراي في قيود الرجاء ما تحرّرت
علّقت في ذمتك ( كل الاماني ) !

[غموض القدر]

,

آستح على دمّ وجهك يا ( جميل الصبر ) ,
طوّلتها لين صرت اليوم ما أنت بـ جميل ,

كنك : بـ يمنى الرجاء / تقودني لـ القبر ,
لأني آستشفيت منك إني آرجي المستحيل ,

: (

[غموض القدر]

,


والله ان الحب :
شي ٍ خارج حدود الإراده ,
والمحبه واقع ٍ : فيه آفترضنا ما آفترضنا ,




الشعر : فنجال مر ,
وفي الغزل [ سكر زياده ] !
ومجمل اغراض الشعر تقول : [ ما غيرك غرضنا ] ,




كان ,
مآ آعلْقه في صدر الزمن ..
مثل القلاده ,
قلت وبحوري معي تقول : عند الله عوضنا ,




جيت ..
فـ آحلى مناسبات العام ,
والافراح عاده ,
جيّتك عيدي , وبعدك كم قتلني صبر , وآضنا !




[ ( عيد ميلادك ) ] :
سعيد وعآدت آعيادك سعاده ,
الله يعيده علينا كل { .. عام ٍ مع بعضنا .!



http://www.vip1vip.com/vb/images/smilies/icon26.gif

[غموض القدر]

,


ولا ألتفّت ,
ولا حسبت لهم حساب ,


لو :
. قالوا ,
وقالوا ,
وقالوا ,
وقالوا ,


يكفيني إذا غبت ,
طاريّ ماغاب !
عنهم , وكم صالوا بـ ذكري وجالوا ,


اقزام ,
في ثياب الاحبه والاصحاب !
تسلقوا : على [ أكتافي ] .. وطالوا ,

[غموض القدر]

ياحايره :
في خاطري من ليل الاوّل ,
كلمتين :
الحق ما عمره هدّم ,
والهجر ما عمره بنا !

اصارحك وانا ادري انك من كلامي تزعلين
آكذب عليك ان قلت لك تراك في قلبي هنا ,


انتي مكانك :
. بين قلب
وبين روح
وبين عين

الا اليدين :
اللي من اللهفه تقول ( الله لنا ) ,


عزالله اني ما كشفت ستارة السر الدفين ,
حسبي عليها الكلمه اللي فرّقت من بيننا !


ناديت بـ أعلى الشوق
لكن الصدى صوته حزين ,
بالله شوفي كم خسر صوتي وكم صمتك جنا !


كنك تقولين ..
بـ تطلعك القمر والفرقدين :-
راحت مراويح السحاب ,
وراحت : ( أيام الهنا ) !


( الحب ) :
لو طال الجفا والصد , إذا ما تعرفين ؟
غصن ٍ تلاعبه الهبايب كل ما طال / انحنا ,


ياحايره :
غدر البحر ,
عرفت سرّه هالحين !
من أزرقه ..
يوم أزرق دموعك مثل زَرق القنا ,


غدرني وحطّم قواي ,
ولان عزم ٍ ما يلين !
ووقفت مثل اللي قبل لا ياصل الحلم , انثنى


أنتي وقفتي
في يمينك حب ويسارك ونين ,
فيك التعب واضح ومن ثروة ملامحك اغتنا !


وأنا ..
تحرّيتك مثل من يحترون الغايبين ,
يا مجملّه لون العذاب بـ عين من صبره فنا ,


لـ خاطر ايامي معك .,
متى تجين وترجعين !
مافيه درب ٍ من دروبي ما تقرّبك ودنا !


العمر :
شوفي كم عطيت ولا خذيت من السنين ,
العشق :
شوفي كم خذيت ولا عطيت : من العنا ,


الصدق :
ما جيت اكتسب به لا حنان ولا حنين ,
الشعر :
ما رحت افتخر به .. وآنتظر منه الثنا !


تخيّري
فـ آيّات درب من الدروب وتوصلين ,


العمر
( أنا ) ,


والعشق
( أنا ) ,


والصدق
( أنا ) ,


والشعر
( أنا ) ,


http://www.vip1vip.com/vb/images/smilies/icon26.gif

[غموض القدر]

,

اللي مكدّر خاطرك ( في حريقه ) ,
كانه مسبب .. ضيقتك وانزعاجك ,

ما أبي اعرفه , لكن اقول الحقيقه :
ما هو على كيفه .. يعكر مزاجك !

[غموض القدر]

مقتطفات اتمنى ان تنال اعجابكم للشاعر مشعان البراق العتيبي

[امير العشاق]

يسلمووو غموووض على الطرح الرائع

[غموض القدر]

امير العشاق لاهنت على مرورك

[غموض القدر]

,


يامهاجره
مع نصيبك ( راسك السالم ) ,
ليتك :
عن الحال بعدك , ما سألتيني !


بعدك ,
مثل الغريب المتُعب
الحالم !
ما أملك بليّاك غير القلّ في يديني ,


3 أسابيع ,
ما كني مع العالم !
أضحك .. وأنا والله ان الهم طاويني ,

[غموض القدر]

:

واهني اللي يحسب الفراق .. أمره سهل
داله ٍ سالي , وصدره من الدنيا ما ضاق

والا انا كني بعد سفرتك , من غير آهل
آح ..يا حرّ الموادع , ويا شين الفراق !

[almooj]

كل جرح ٍ قدرت أعالجه طاب
الا جرح المشاعر .. ما قدرته

غمـوض القـدر : يعطيك العافية
وصح لسـان مشـعان البراق العتيبي والله يوفقه يارب
ويوفق الجمـيع . ولك الاحترام والتقدير .

[بدوية]

صح لسااااااااااااان قايلها .
مقتطفات رووووووووعه
يعطيك ألف عافيه

[غموض القدر]

almooj
يسلمووووو على المرور

[غموض القدر]

بدوية
يسلموووووو على المرور