سلامتك ياسيد الجود سلطان

[بدوية]

سلامتك ياسيـد الجـود سلطـان=ياسيدي دامـت عليـك العوافـي
ولي عهد المملكة طيـر حـوران=نفرح ليل شفناك جيـت متشافـي
الشعب يدعي لك شيوخ ٍ وشبـان=ليل ونهـار وفالجهـر والخوافـي
يابو اليتيم وراعي البر واحسـان=ياطيب ٍ بالطيـب والجـود وافـي
مدات كفك كنهـا وبـل الأمـزان=التي تباشر بـه فجـوج الفيافـي
تضرب بك الامثال في كل ميـدان=أنت الشهامـه والكـرم والعفافـي
بشوش متواضع للاقصين وأخوان=ربيع من جالك مـن البعـد لافـي
ألطف من الغربي ليا هز الأغصان=أمضى من حدود السيوف الرهافي
ياكثر ماتنفق وتعطي علـى شـان=أهل الجوايح والمرض والضعافـي
وياكثر من يغليك في كل الاوطـان=عسى المرض لاعاد والله يكافـي
يا قـل مثلـك ياسلايـل كحيـلان=وتعجز عن أفعالك بحور القوافـي
تسلم يابو خالد على مر الازمـان=وترجع لنا طيـب بخيـر متعافـي
وصلاة ربي على النبي نسل عدنان=عداد من زار الحـرم ثـم طافـي


,,, الشاعر / حجب بن ردن العصيمي

[علي السبيَه]

صح لسان الشاعر / حجب بن ردن العصيمي وحفظ الله الامير سلطان بن عبدالعزيز
وشكرا جزيلا على هذا النقل الفريد يااخت بدوية

[الجازي]

صح لسان قايلها وتسلم يدك يالغلا

[صقر الجنوب]

انا اشهد انها قصيدة رائعة رائعة صح لسان قائلها
دمتي ودام سلطان لنا بالخير

تسلم يابو خالد على مر الازمـان
وترجع لنا طيب بخيـر متعافـي
وصلاة ربي على النبي نسل عدنان
عداد من زار الحـرم ثـم طافـي

[امير العشاق]

موفق بإذن الله ... لك مني أجمل تحية .

[بدوية]

لـ كلْ من عطرْمتصفحي بـ عبيرهـ " ..

وَ زينهآ بـ مرورهـ العذبْ . .

أكآليلْ الوردْ تٌنثرْ فيْ طريقكمْ فـ أنتمْ [ رائعونْ ]

[ملك الليل999]

صح لسان القائل حجب العصيمي
وسلمت ايدك يا بدويه

http://g5g5.net/upfiles/bU806899.gif (http://g5g5.net/)

[بدوية]

لـ كلْ من عطرْمتصفحي بـ عبيرهـ " ..

وَ زينهآ بـ مرورهـ العذبْ . .

أكآليلْ الوردْ تٌنثرْ فيْ طريقكمْ فـ أنتمْ [ رائعونْ ]

[almooj]

يعطيك العافية أخت بدوية نقل رائع ومتميز ويستاهل
سلطان الخير وصح لسان الشاعر حجـب العصيمـي.