الشعر ماهو سالفه يامن يحب الانتقاد

[علي السبيَه]

اليوم قريت موضوع مكتوب عن الشعر من شخص مايمت للشعر بصله
وكتبت هذه القصيده المتواضعه ان مريتم مشكورين وان طنشتم مشكورين


الشعر ماهو سالفه يامن يحب الانتقاد=الشعر له معنى ومغنى ما بيفهمه البليد
ماهو بسلعه دارجه معروضه في سوق المزاد=لكل من هبّ ودبّ ينقّص السعر ويزيد
يامن يجاهد بنتقاد الشعر والشاعر جهاد=ياذا يكرّر في الكلام ولا كتب شيً جديد
مالك ومال الانتقاد مثلك مضرّى باالرقاد=ماضن تفرق بين صاف العد الازرق والصديد
الشعر احساس ومشاعر مااحتواه اللي جماد=والماس والياقوت يفرق عن صفايح من حديد
واللي غدى قلبه هوى ومخه مثل مخ الجراد=ما يفهم المعنى ولا يدري عن القول السديد
الشعر في معنى الكلام يزيد في قدره وساد=ما يفهمه عقل البليد وصاحب الفكر الشريد
واهل الحيْل لو راوغو ما يلتقون الا الكماد=ما غاضهم غير الذي ينضم في العقد الفريد
والعود في عين الحسود وتمتلي عينه رماد=لا زاد ضغط الدم لازم ينقطع حبل الوريد

[الطير الحر]

الف شكر لك اخي الاستاذ علي على هذه القصيده التي تحكي عن بعض الاشخاص الذين لا يعرفون الشعر ويكسرون ويطلعون عن الهدف ولا يوصلو الى مايريد الشاعر هذه قصيده مميزه تحمل رونق خاص في هذا الموضوع وهذا المتصفح لك احترام وتقدير استاذنا القدير

[نديم القوااافي]

صح لسانك يا ابو طلال ملايين سبك وحبك من شاعر كبير ... ولو اني اختلف معك في الراي .. فالنقاش والتحاور والانتقاد وتفاسير بعض الابيات تفيد الشاعر والقاري ..

[قائد الجنوب]

واهـل الحيْـل لـو راوغـو مــا يلتـقـون الا الكـمـاد
ما غاضهم غير الذي ينضـم فـي العقـد الفريـد
بيت رائع من شاعر مبدع ( لاأرى شعرا ارى دررا) انبسط ياعم اكبر مجاملة
واهل الحيل ليس بسكون الياء بل بكسر ال ح وفتح الياء بعض التصحيح ايها الشـــــــــــــــــــــاعر

[علي السبيَه]

الف شكر لك اخي الاستاذ علي على هذه القصيده التي تحكي عن بعض الاشخاص الذين لا يعرفون الشعر ويكسرون ويطلعون عن الهدف ولا يوصلو الى مايريد الشاعر هذه قصيده مميزه تحمل رونق خاص في هذا الموضوع وهذا المتصفح لك احترام وتقدير استاذنا القدير

شكرا لك ياالطير الحر واتشرف بمرورك الكريم وكلام الطيب ياطيب

[علي السبيَه]

صح لسانك يا ابو طلال ملايين سبك وحبك من شاعر كبير ... ولو اني اختلف معك في الراي .. فالنقاش والتحاور والانتقاد وتفاسير بعض الابيات تفيد الشاعر والقاري ..

حياك الله ياابو سند تراحيب الغلا ومرورك وكلامك على العين والراس

[علي السبيَه]

واهـل الحيْـل لـو راوغـو مــا يلتـقـون الا الكـمـاد
ما غاضهم غير الذي ينضـم فـي العقـد الفريـد
بيت رائع من شاعر مبدع ( لاأرى شعرا ارى دررا) انبسط ياعم اكبر مجاملة
واهل الحيل ليس بسكون الياء بل بكسر ال ح وفتح الياء بعض التصحيح ايها الشـــــــــــــــــــــاعر


ما طلبت رايك ولا طلبت مرورك وخذ شطر هذا البيت يصلح لك:

مالك ومال الانتقاد مثلـك مضـرّى باالرقـاد

[صقر الجنوب]

صح لسانك ملايين يابو طلال
وايضا اذكر كافة الاخوة محبي الشعر
ان يمتنعوا عن طرح قصائدهم في منتدى
محاورات شعراء المنتدى والاكتفاء بمنتدى
المواهب والشعراء الجدد
حتى يتم تغيير اللقب الى شاعر ومن ثم
يحق له المشاركة كشاعر في منتدى محاورات شعراء المنتدى

تحياتي للجميع

[عبدالله الكناني]

صح لسانك يا علي ولا يهمك يا رفيقي كلنا نعدك كبير وتاج على روسنا ..

ويا رجال المثل يقول ( ....................... ما يوصل السحاب ) ..

و تقبل مروري وتحياتي الكناني ..

[عاشق المها]

صح لسانك يابوطلال ولا عليك من حثالة القوم وهناك مثل يقول: لا يُرمى إلاّ الشجره المثمره ...وكذلك القافله تسير والكلاب تنبح ..والأمثال كثيره في هذا السياق..

لله درّك من شاعر رائع ولله درك من رجل محترم ونبيه ...

الإنتقاد البنّاء نرحب به وامّا غيره فلا وألف لا....

[هاوي الشعر]

والعود في عين الحسود وتمتلي عينه رمـاد
لا زاد ضغط الدم لازم ينقطع حبـل الوريـد


__________________
صح لسانك مليون ابدعت في النبطي مثل الشقر والذي لس عنده نقد هادف ومبني على
اساس علمي فلا يدخل هذا المجال وبذلك يجعلنا نرد وهذا هو ضياع الوقت
نناقش من ليس له درايه لابشعر ولانثر

[علي السبيَه]

صح لسانك ملايين يابو طلال
وايضا اذكر كافة الاخوة محبي الشعر
ان يمتنعوا عن طرح قصائدهم في منتدى
محاورات شعراء المنتدى والاكتفاء بمنتدى
المواهب والشعراء الجدد
حتى يتم تغيير اللقب الى شاعر ومن ثم
يحق له المشاركة كشاعر في منتدى محاورات شعراء المنتدى

تحياتي للجميع

صح بدنك ياابواحمد وشكرا جزيلا لتشريفك الغالي على قصيدتي المتواضعه
ومرورك يشرفني ويعني لي الشئ الكثير وانا والله اني اتشرف بكل شاعر
سواء في منتدى المواهب او منتدى المحاورات وكل شاعر اعتبره افضل مني
ولكن بعض الناس مايفهم شي في الشعر ومسوي فيها ناقد على غفله

[علي السبيَه]

صح لسانك يا علي ولا يهمك يا رفيقي كلنا نعدك كبير وتاج على روسنا ..

ويا رجال المثل يقول ( ....................... ما يوصل السحاب ) ..

و تقبل مروري وتحياتي الكناني ..

صح بدنك ياكناني والله يسلمك ويغليك ويكثّر من امثالك من اصحاب
العقول الراجحه والرزينه والناس اجناس وانا اخوك وعلى قول ابورزق:
العقول اقسام وان كان كل الناس ناس

[علي السبيَه]

[CENTER][center]صح لسانك يابوطلال ولا عليك من حثالة القوم وهناك مثل يقول: لا يُرمى إلاّ الشجره المثمره ...وكذلك القافله تسير والكلاب تنبح ..والأمثال كثيره في هذا السياق..

لله درّك من شاعر رائع ولله درك من رجل محترم ونبيه ...

الإنتقاد البنّاء نرحب به وامّا غيره فلا وألف لا....

صح بدنك ياعاشق المها وانا والله اني افتخر واتشرف
بك وبشرواك من الرجال الاوفياء والمطاليق اما الحثالة
من الناس فمالهم الا سواد وجوههم

[علي السبيَه]

والعود في عين الحسود وتمتلي عينه رمـاد
لا زاد ضغط الدم لازم ينقطع حبـل الوريـد


__________________
صح لسانك مليون ابدعت في النبطي مثل الشقر والذي لس عنده نقد هادف ومبني على
اساس علمي فلا يدخل هذا المجال وبذلك يجعلنا نرد وهذا هو ضياع الوقت
نناقش من ليس له درايه لابشعر ولانثر

تسلم ياهاوي الشعر والابداع يتجلا في مرورك الطيب
واشكرك على اضافتك الرائعه يارائع

[شاعر بالمفضل]

كبير يا ابو طلال واللي في غفله خله في غفلته لين ينفلت وينكسر رأسه

صح لسانك ملااايييييييييييييييييييييييييييييييين

مبدع ولا فيك حيله وفالك الجنه

[ملك الليل999]

ياابو طلال السكـــن ماينقدون الا سكــــون
واذا حضـــرنا للـقصايـــد تراهــــم ساكتون
ان شفت بين الناس خاين وكاذب والعيوب
قلــه تــرى بعض المناهيــــل مـــراً مايهـا

هذي مشاركه مني يا ابو طلال ليعلم الجهال ان للقصايد اهداف لايصيبها الا شاعر
تبقى كبير وشاعرنا المحبوب ياابو طلال وقصايدك تشهد لك بدون مانمدح
تقبل اطيب تحيه وتقدير

[بن خضران]

صح لسانك يابوطلال

[علي السبيَه]

كبير يا ابو طلال واللي في غفله خله في غفلته لين ينفلت وينكسر رأسه

صح لسانك ملااايييييييييييييييييييييييييييييييين

مبدع ولا فيك حيله وفالك الجنه

تسلم ياشاعر بالمفضل واشكرك على كلامك الطيب ياطيب
ومرورك يشرفني واعتبره تاج على راسي والله يجعل الجنه
فالي وفالك وفال كل مسلم

[علي السبيَه]

ياابو طلال السكـــن ماينقدون الا سكــــون
واذا حضـــرنا للـقصايـــد تراهــــم ساكتون
ان شفت بين الناس خاين وكاذب والعيوب
قلــه تــرى بعض المناهيــــل مـــراً مايهـا

هذي مشاركه مني يا ابو طلال ليعلم الجهال ان للقصايد اهداف لايصيبها الا شاعر
تبقى كبير وشاعرنا المحبوب ياابو طلال وقصايدك تشهد لك بدون مانمدح
تقبل اطيب تحيه وتقدير

حياك الله تراحيب الغلا ياملك الليل وصح لسانك ملايين واشكرك
من اعماق قلبي على كلامك الطيب وشهادتك اعتبرها وسام غالى
على صدري وتاج على راسي

الرد

قدام هب العاصفه كانت الاجواء سكون
وبندق البلجيك ماهو شبيه الساكتون
يعض الرُماه يحمّل البندق انواع العيوب
والبندقه مضمونه والعيب من رمّايها

[علي السبيَه]

صح لسانك يابوطلال

صح بدنك يابن خضران