اسمع ياسبيه

[إبن الجنوب]

البدع:إبن الجنوب=
*=
ياعلي ماكل ماجاء من اليابان=
ابيسرك في طلوعن ومندرا=
ماعد إلا أشكال ماعد ولا سياره=
والرفارف والمكاين معدّله=

[ملك الليل999]

صح لسانك ياابن الجنوب
وننتر ابو طلال لترجمة البدع والابداع
مع اطيب تحيه وتقدير

[علي السبيَه]

سمعنا وطعنا


الرد:علي السبيه=
.=
منتج التقليد معروفن اليا بان=
لا تقل منهو تناسى ومن درا=
كم من الاقدام في دربها سياره=
ما خبرنا ان الفوايد مع الدّله=

[ملك الليل999]

طيب طيب ياابو طلال
حسبكم الله في ذا الجور
ههههه

صح لسانك ورد وافي ومكمل

[إبن الجنوب]

البدع:إبن الجنوب=
*=
أبصر البدوان في الحلّ والشدوان=
يطردون الفايق إنكان ماء جرا=
مخيم الرّحال قد قرّب اتبعثاره=
وإلا يشهد بالموارد لنا وله=

[علي السبيَه]

الله يسلمك ويغليك ياملك الليل


الرد:علي السبيه=
.=
طاحت الارزاق للبدو والشدوان=
كم حصل فيما تقدم وما جرى=
ما تكلّفت اطرد الفوت واتبع ثاره=
رزقهم بين الايادي مناوله=

[إبن الجنوب]

مع احترامي للحضر القصيده لا تتعدى كونها قصيده فقط...

البدع:إبن الجنوب=
*=
إنت مالك دعم يامنطق الحضران=
ياللذي ماجاب راين وصدّ را=
من طموحه مرسى الاحلام لين الشّاره=
ماشرب مالعدّ الازرق ومنهله=

[علي السبيَه]

الرد:علي السبيه=
.=
في محل الرمي يامكثر الحضران=
واحدن يورد والاخر يصدرا=
ابنميز من يصيب الهدف والشاره=
البندق معروف ياشيخ من هله =

[إبن الجنوب]

الله الله انفروا بنا ياايل ابو هدبه...

البدع:إبن الجنوب=
*=
المدلّع مايقف لاحمي الميدان=
والله مايقتل عدوّن ولا اسرا=
لا لقيتاه بليونه يلاعب طاره=
سو له عقدن مناسب وحجّله=

[عبدالله اللبيدي]

أسر ياليل الله الله عاشوا لبس جنبي وتاج راسي وانا فداكم

[علي السبيَه]

الرد:علي السبيه=
.=
للديّانه مابعد خلّص الميدان=
راعي الحاجات في ليلها سرى=
من تكلّف دون واحد من البطّاره=
با النيابه طاف دونه وحج له=

[إبن الجنوب]

ماعليه ماعليه

البدع:إبن الجنوب=
*=
أينحن زهران يسلم لنا الشيطان=
من يعادينا فحظّه معثرا=
واللذي ماتندفن سيرته وأخباره=
ماتصدّقها العقول المهيبله=

[علي السبيَه]

الرد:علي السبيه=
.=
من تصيبه لذعة النار والشيطان=
لاهيا ترميه جثّه مع الثرى=
ماحد ابيامن نيوب الحنش واخباره=
ولاحد ابيطرد جمالً ماهي بله=

[إبن الجنوب]

صدقني يامهندس أنا المستفيد الوحيد من مجاراتك صح لسانك ملايين...

البدع:إبن الجنوب=
*=
يعتدي سرحان في غيبة الرعيان=
والمال السايب نقص ما يكوثرا=
كرّب العادي كبار الجلب وأصغاره=
شي تخطّفه الحوايم وشي كله=

[علي السبيَه]

صح بدنك يامعلم وانت استاذ القصايد ولا انا
الا طالب في محاضره مع استاذه ولك صلاحية
التعديل في اي رد من ردودي


الرد:علي السبيه=
.=
ما ضني يلقو محنّه ولا رعيان=
لا يضنون الحمى ماي كوثرا=
كم على وديانهم للمقنّص غاره=
للمعقّب مال نقدي وشيك له=

[إبن الجنوب]

البدع:إبن الجنوب=
*=
كيف تبغي تحكم الحضر والبدوان=
وإنت تاريخك معيّب مزوّرا=
اللي عيبه واضحن لا يفضّح جاره=
والحقايق في جبينه مسجّله=

[علي السبيَه]

الرد:علي السبيه=
.=
ما يمديهم يسترون الذي بدوان=
والصوحيه ماتدوي المزورا=
الذي ماشال ردمه وفض احجاره=
اشغله صوت الطرب من مسجله=

[إبن الجنوب]

البدع:إبن الجنوب=
*=
السيوف انواع ماكلّها حدّان=
والرجال اللي تعزوى وشّمرا=
مايشابه واحدن مايلمّ اشواره=
مايسير الخايف إلا بتلتله=

[علي السبيَه]

الرد:علي السبيه=
.=
المناطق بينها تفصل الحدان=
وشلي من ديرة عتيبه وشمرا=
ما نوالي غير شيخً يلم اشواره=
ومحل اهل الجمايل بتلت له=

[إبن الجنوب]

البدع:إبن الجنوب=
*=
كان ودّك ياعلي ترضي الزعلان=
انتبه ماكل وجهن مقدّرا=
والوجوه اللي غدت خايبه وابياره=
مالها عن كبرياها منازله=

[عاشق المها]

الله ..الله

محاوره من العيار الجميل...

صحّت الألسن والابدان والله يعطيكم العافيه .....

[علي السبيَه]

الرد:علي السبيه=
.=
في الجرايد للدعايه ينوز اعلان=
كل كيلن ياابن عمي مقدرا=
والوادي المنحوس لو ما دفنّا ابياره=
كان خذنا عند شربه منازله=

[إبن الجنوب]

البدع:إبن الجنوب=
*=
بدّع التهجين في مطلع الشبّان=
العيون الخضر في راسن اشقرا=
من يساير ذا الزمان بيلمّ أحضاره=
عولمه ضمّت هنودن وبنقله=

[علي السبيَه]

الرد:علي السبيه=
.=
الشرار يبين في مطلع الشبّان=
ماعد ندري طالب البعثه وش قرى=
العامل لو مايواضب على محضاره=
ابنسحب منه الاقامه وبنقله=

[إبن الجنوب]

طيب ياشيخ طيب


البدع:إبن الجنوب=
*=
الورد اللي مطلعه في ربى عشّان=
قاطفه عند العرب ماتميزرا=
والبن اللي زاد في مأمنه واصداره=
ماجنوه أهل القلوب المعوّله=

[علي السبيَه]

صح لسانك يا معلم


الرد:علي السبيه=
.=
يرتفع يا صاحبي في رباع الشان=
اهل بندق غيرهم ماتميزرا=
في طليعة كل مبدى غدو واصداره=
كل صفن يحضرونه مع اوله=

[إبن الجنوب]

البدع:إبن الجنوب=
*=
مامعك محصول يالاعب الكنكان=
ليش تأخذ لك مراسم ودفترا=
رأس مال اللعبه طقة حنك وإصقاره=
في مكانن زايره عود وأجهله=

[علي السبيَه]

الرد:علي السبيه=
.=
كيف نفهم هرجة البكم والكنكان=
صاحبي با اهل الهوى والود افترى=
يحسب كل الناس فيهم حكم واصقاره=
وآني انبذ خايب العلم واجهله=

[إبن الجنوب]

أشكر كل من مر وعلّق وتشرفت بمجاراتك ياعلي وأتمنى إني قدّمت مايحوز على رضاك ورضا الجميع... تقبل تحياتي ونلتقي في متصفح آخر إن شاءالله...

البدع:إبن الجنوب=
*=
أشهد إنك ياعلي حاكم القيفان=
وابن عمّك ماتعذّر وقيصرا=
ماأصبحنا ندرج على دورنا شبّاره=
وإلا ضيّعنا جهود المخيّله=

[علي السبيَه]

الشرف لي بمجاراتك يا معلمي واعذرني ان حصل مني قصور
وشكري وتقديري لكل من شرفنا بمروره الكريم



الـرد:عـلــي الـسـبـيــه=
. =
جيش الاسلام ادّب القيف والقيفان =
واستسلم له جيش كسرى وقيصرى =
مثل موج البحر ما يشبره شبّـاره =
داسـو اجنـود الكفـر والمخيلـه =