تسجيل الدخول

مشاهدة النسخة كاملة : في رباع انت تبغيها موده وطيبه(للسبيه)

شايب العشرين
23/02/2010, 11:25 AM
جيت لرباع ضيفآ مثل باقي الضيـــــــــوف
وبدينا بعلمآ طيبآ ع الشفــــــــــــــــــــــوف
يا علي سربنا في الدرب وعلى مهـــــــــل
في رباع انته تبغيها موده وطيبــــــــــــــه
ولا فين ارض تاسع ودك أمسيبهـــــــــــا
نديم القوااافي
23/02/2010, 12:43 PM
صح لسانك يا شايب العشرين ملايين وبيخرج لك ابو طلال من قاع جبل احد ... منتضرين محاوره ساخنه كسخونة العيص
شايب العشرين
23/02/2010, 02:15 PM
نديم مرور عطر يالذيب
ولاكن اهداء شوي
عاشق المها
23/02/2010, 03:10 PM
ودك إمسي بها ...ودك إمسي بها

شقر رائع بروعة صاحبه...safaqah

صح لسانك يالشايب على هذا البدع الرائع وننتظر أبوطلال ليزيد الإبداع إبداعاً وعساكم على القوّه ...rolleyes:
فهد قزعه
23/02/2010, 05:56 PM
طيب يالقحم طيب لله درك
شاعر بالمفضل
23/02/2010, 07:40 PM
حياك الله يا شايب

والصراحه انك ابطيت وكلنا شوق لابداعاتك

في انتظار ابو طلال واضافه رد يكمل ما بدأته يا شايب من ابداع
علي السبيَه
23/02/2010, 10:08 PM
الرد:علي السبيه=
.=
فرق مابين نقص القافيه والضيوف=
كلنا ودنا نرضي جميع الشفوف=
علمكم ما تغبّى بين الاعلام هل=
القدم ما يتوّه في محل(ن) وطي به=
لا تجفى اليوم ديره ودك امسي بها=
ملك الليل999
23/02/2010, 10:12 PM
شايب العشرين
ابو طلال

الله يبيض وجوهكم
تقبلو اعجابي وتقديري
عبدالله اللبيدي
23/02/2010, 10:59 PM
وعلى الشفوف الله الله

شايب العشرين

السبيه

صحت الألسن وتعافت الأبدان عسى الله يوفقكم
إبن الجنوب
24/02/2010, 03:32 AM
شايب العشرين
علي السبيه
صحت السنتكم يانشاما ولا عدمناكم...
شايب العشرين
24/02/2010, 08:22 AM
اشكر كل من مر وعلق
فهد قزعه
ملك الليل
اللبيدي
ابن الجنوب
شاعر بالمفضل
وشكرآ ياسبيه على هذا الردود وليس بغريبه على شخصكم الابداع حليفك
يعطيكم الف عافيه
شايب العشرين
24/02/2010, 09:24 AM
سم بالله لاهبت النقط ع الحــــــــــــــــــروف
انا ماني مورد فوق عد(ن)نشـــــــــــــــــوف
وانت لا ريتني في الما قفه ياب طـــــــــــــــل
التجاهل عمى والمحقره اكبر مصيبــــــــــــه
جارك الله منها منت ظا ري بهـــــــــــــــــــــا
شاعر بالمفضل
24/02/2010, 12:36 PM
يا سسسسسسسسسسسسسلااام
يا سلاام

واصلوا ونحن متابعين
علي السبيَه
24/02/2010, 08:47 PM
الرد:علي السبيه=
.=
ما يصيب المثل بالاول الا الحروف=
ابنميّز نهار الرمي وانحن نشوف=
ما نقول العليمي صار مثل البطل=
والبرنو صوّب الاهداف واكبر مصيبه=
وارد المان ما تخطي مضاريبها=
صقر الجنوب
24/02/2010, 11:11 PM
شايب العشرين
ابو طلال

صحت السنتكم يا المطاليق واصلوا وانحن متابعين
شايب العشرين
25/02/2010, 02:37 AM
البكاء يا علي يقلون طبع الضعوف
لا تنـدم ولا تعجــل لهـــــا بالحسوف
وانا ساقي في ارض الله درج وانتقل
والمطية الذي عالحمـل باقـي دريبـه
مـابقــي الا علـي اكـوي عــراقيبــها
إبن الجنوب
25/02/2010, 02:49 AM
اكوي عراقيبها طيب ياشيخ...

القحم
السبيه
موفقين ونحن متابعين..
علي السبيَه
25/02/2010, 03:36 AM
الرد:علي السبيه=
.=
من قلعنا سنونه عاف ماالعض عوف=
انما سوف نوجز باقي الشرح سوف=
انا بااقول علمي يافتى وانت قل=
تنكشف هرجة الكاذب وكلن دري به=
هبّت العاصفه تاه العراقي بها=
ملك الليل999
25/02/2010, 03:39 AM
طيب طيب
متابعين لاعدمناكم
almooj
25/02/2010, 08:48 AM
شايب العشرين : صح لسانك يا تاج راسي لاهنت . وصحت ألسنة الجميع لاهنتم .
شايب العشرين
25/02/2010, 12:07 PM
استمع ياعلي نظم الحكم والقيــــــــــــــــــــــوف
ودي آصفها بين الخلايق صفـــــــــــــــــــــــــوف
وانتقصدك تعرض كل سيفآ جبــــــــــــــــــــــــــــل
غير باسايرك علمي رتيبه رتيـــــــــــــــــــــــــــبه
خايف اعطيك رتبه منت داري بهــــــــــــــــــــــــا
علي السبيَه
25/02/2010, 12:27 PM
الرد:علي السبيه=
.=
بين جمع القبايل كلها والقيوف=
كم تورّد لنا الاجيال بين الصفوف=
كومة الثلج في القطب الشمالي جبل=
والسكرتي على اسمه مايجي له رتيبه=
بهذلته العماله من تداريبها=
شايب العشرين
26/02/2010, 09:03 AM
آني اكسيك ثوبآ من حريرآ وصــــــــوف
وانتي تاجي بمنكر وانا اجي بامعــــروف
عندي لمثالكم واللغز مية محــــــــــــــــل
خل علمك كما طلع النخيل الجوابــــــــــه
ما حسبنا الخطيه منك تاتي بهـــــــــــــــا
علي السبيَه
26/02/2010, 06:14 PM
الرد:علي السبيه=
.=
ابنوصّف مع جمع المثايل وصوف=
كل غندور فعله باينن وامعروف=
عند الاجواد ياطيب اللقا والمحل=
مرحبا باالرسول اللي يودي جوابه=
والمضامين زانت من كتاتيبها=
شايب العشرين
26/02/2010, 07:32 PM
اترك ذاك اللذي ولف كـــــــــــــــــلامه ولوف
المنافق هروجه دوم تنفــــــــــــــــــض روف
وانا وانته ترانا ما حسبنا الخطــــــــــــــــــــل
لونرد النظر للي مسوي عصابـــــــــــــــــــــه
انه ما يمتني ديره عوى ذيبهــــــــــــــــــــــــا
علي السبيَه
26/02/2010, 08:58 PM
الرد:علي السبيه=
.=
نرقب الطيب واقلوب المحبه ولوف=
ما بنينا صداقتنا بحسب الضروف=
والله مانحسب امواج البحر ياخ طل=
والذي عصّبو روس الفتن بالعصابه=
في نهار العواقب يا عواذيبها=
ابوفطيس
26/02/2010, 10:15 PM
صحت السنتكم وبيض الله وجيهكم
شعراءنا المبدعين لا خلأ ولاعدم
شايب العشرين
28/02/2010, 08:21 AM
الاخ علي السبيه اشكرك على احترامك وشرفك للمحاوره
كم انا تعلمت من مدرستك الكثير اعذرني اذا قصرت ولا تعا تبني على
الهفوات اشكرك كل الشكر واشكر من اطلع ومر على المحا وره
وبيض الله وجهك يالذيب ولنا لقاء اخر بحول الله
دمت بصحه وعا فيه
شاعر بالمفضل
28/02/2010, 12:58 PM
شايب العشرين

علي السبيه

صحت الالسن وتعافت الابدان
وبيض الله وجيهكم
قارعه غايه في الروعه والجمال

اتمنى اراكم في محاورات اخرى