الى ابن الجنوب(انا سواة العسل واجبرتني عالمراسيل)

[شايب العشرين]

الاخ العزيز (ابن الجنوب) تحيه طيبه اليك هذا البدع على المجالسي ان اعجبك والا ارمبه

انا سواة العسل واجبرتني عالمراسيـــــــــل
ودفتري يا معلم بالعلامات وافــــــــــــــــــي
والكفو لاقالو جنب عن طريقــــــــآ وزل زال
خليت حتى الليالي المظلمه منك تبهــــــــــا

[سمّار]

طيّب ياعسل
.
.
موفقين جميعا .........ننتظر اكتمال الابداع

[شاعر بالمفضل]

طيب يا شايب طيب

اشهد بالله ان عندك علوماً تشوق

صح لسانكـ ملااايين

[إبن الجنوب]

مجار ياخيه لا أرمي بك ولا بكلامك على راسي ...

الرد:إبن الجنوب=
*=
تقابل الناس وأنحن يالغضي ع المراسيل=
أما اعطني وعد وإلا رح على ماتوافي=
بنساك لو جاء على صدري سهومن وزلزال=
ولعنت ذيك الرسايل لارحم من كتبها=

[نديم القوااافي]

والكفو لاقالو جنب عن طريقــــــــآ وزل زال
خليت حتى الليالي المظلمه منك تبهــــــــــا


هههههههه انا سواة العسل واجبرتني عالمر اسيل اشهد انك عسل يالقحم بالله لا توقف تراك ممتع وقصايدك لها طابع خاص ... بيض الله وجهك وعلا شانك .. وبيجيك ابن الجنوب بالرد الوافي والشافي

[نديم القوااافي]

بنساك لو جاء على صدري سهومن وزلزال
ولعنت ذيك الرسايل لارحـم مـن كتبهـا


انا لله انا لله يابن الجنوب رد وافي وانت راع الوفا دايم لله درك ... واصلوها قارعه تكفون

[عاشق المها]

صحّت ألسنتكم وعلا شانكم ...متابعين لهذا الإبداع ...

[علي السبيَه]

صح لسانك ياشايب العشرين وصح لسانك ياابن الجنوب
ابدعتم في البدع والرد

بنساك لو جاء على صدري سهومن وزلزال
ولعنت ذيك الرسايل لارحـم مـن كتبهـا

[شايب العشرين]

يا خي علي ليش تتوعد بقطع المواصيل
اسقيتك العذب وانته اسقيتني ماي شافي
وهبيتلك ساترآ واقفيت عن ساتر الحال
مدري تبي ضيقتي والا تود الغضي بها

[ملك الليل999]

طيب طيب ياحباني وانا فدى روسكم
يالنشامى لاعدمناكم

[إبن الجنوب]

ماشاءالله عليك عندك شقور عجيبه بارك الله فيك...

الرد:إبن الجنوب=
*=
عزمت بكويك لا عدّيت فوق المواصيل=
قدام تأخذ علاجي لا تقل مايشافي=
قعدت فوق الحنش وأدماك ياساتر الحال=
دلايلك لاتعلّم شايبن والغظ أبها=

[علي السبيَه]

ماشاءالله عليك عندك شقور عجيبه بارك الله فيك...

الرد:إبن الجنوب=
*=
عزمت بكويك لا عدّيت فوق المواصيل=
قدام تأخذ علاجي لا تقل مايشافي=
قعدت فوق الحنش وأدماك ياساتر الحال=
دلايلك لاتعلّم شايبن والغظ أبها=

حسبك الله في هذا الرد العجيب وصح لسانك لين يلين الحجر

[almooj]

صحت السنتكم جميع لاهنتم .

[عبدالله اللبيدي]

شايب العشرين صح لسانك تتعكز على عصاتك وشقورك طيبة على قول ابن الجنوب

ابن الجنوب صح لسانك ردودك ماعد فوقه مزيدن ياساتر الحال

[شايب العشرين]

علي نصيحه تجنب عن هروج المضاليل
كبير بالعين وآصنفك رجلآ سنافــــــــــــي
مادام انا آقدرك واحسبك بين الرجاجيــــل
وهرجتآ ما رزية خاطري ما حسبهـــــــــا

[إبن الجنوب]

عزيز وغالي ياشايب العشرين ولو انك هجمت عليه وذكرت اسمي الحقيقي وإنت عارف إني داخل بإسم مستعار لا أدري ماهو هدفك من هذا عموماإسمي الحقيقي يشرفني كشرف إسمي المستعار لكن ماكان يصحّ منك ذلك وشنقول سامحك الله...

الرد:إبن الجنوب=
*=
اليوم عاديتني يابو الرموش المضاليل=
لك وسط قلبي محبّه ثابته ليس نافي=
إنكان في المنطقه الوسطى فقدت الرجاء جيل=
تعال وأترك ضواحي سعد وإرماح سبها=

[شايب العشرين]

الله عليك يالشيخ وانتم يا لاثنين عينين في راس ولا حزينا باحد في القصايد ومن يقول غير ذلك لايقصد ولايبدي للناس اما عن اسمك الحقيقي فانا لاادري انك لاتود الكشف عنه مع الرغم انك في منتدى وكلكم متعا ونين فيه وجماعه واحدين وتعرفون بعضكم بعض وهذا لايزعل يابو سالم
انا اشكرك على ردودك واسف اذا اخطيت بحقك يالنشمي ويشرفني اواصل معك

[شايب العشرين]

وشلك من المنطقه الوسطى بها الا بهاليل
وسمت فيها الجمل واوثقت فيه الكتافـــــي
اما انته ابشر بعد نرسلك الفين مـــــــعدال
دام الجمايل تبيض وجه منه كسبهـــــــــــا

[ملك الليل999]

متابعين معكم وطبع النشامى غلاب
الخطا مردود والقلوب بحر
وما يرفع الراس الا مايجمله
بيض الله وجوهكم
وعساكم على القوه بطيب ومحبه

[شايب العشرين]

هويه وينك يابن الجنوب عسى خير يالنشمي

[صقر الجنوب]

تم حذف الاسم الصريح من المشاركة
والرجاء من الاخوة الشعراء والاعضاء
عدم كتابة الاسم الحقيقي لاي شخص اختار
لنفسه اسما آخر
صحت السنتكم وابدانكم

[إبن الجنوب]

ياخي تصعّب عليه البدوع وأنا شيبه يالله أجمّع ...

الرد:إبن الجنوب=
*=
أشريك باأغلى ثمن ماجيت أبيعك بهاليل=
محبتك زايده روحي لشرواك تافي=
الصعب يسهل على خلاّن ولفين معدال=
والقرب لابد نمدح ساعته مانسبها=

[شايب العشرين]

ابن الجنوب بيض الله وجهك يالنشمي الحقيقه كان لي الشرف بمجا راتك
وتعلمت منك الكثير فا نا اشكرك واشكر كل من شرفنا وعلق على الموضوع
والمعذره يالذيب تقبل تحياتي