عشان سبب تافه فصلوني مده اسبوع من المدرسه ؟؟؟

[جوليا]

بسم الله الرحمن الرحيم

السلام عليكم ورحمة الله وبركاته

انا حصلت معي مشكله فى المدرسه وطبعا المدرسه تنقلت من سنه ومتشددين فى الانظمه وانا ماعرف احد فى المنطقه وبسرعه اتكيفت وكونت لى صداقات وحتى مع لغتهم احاول اني اندمج لان لغتهم شوويه صعبه لبعض الكلمات
المشكله كانت بسبب تاخري على الطابور وكان من انظمه المدرسه الجلد لمتاخرات اول مررره في حياتي بتاخر كدا على الطابور والمفروض المساعده تسامحني بحكم انى متفوقه واول مره وكان بسبب تاخري فى النوم دخلت المدرسه وكانت الاذااعه على الانتهاء المساعده نادتني اوقف مع البنات بعد الاذااعه جابت مسطره خشبيه متر تخيلو كيف شكلها زي هادى حقت الخياطين كبيره مره وبعدين بالدورالجلد على البنات انا مرره خفت وقع قلبي

وقتها جاء دوري وقالت يالله افتحي على طول بدون ماتسالني ايش الي اخرني قلت انا تاخرت راحت على نومه واتصلى على البيت ا وكلمي الماما وتاكدي من كلامي قالت ماعندي وقت افتحي وطبعا طولت انا وهيا ناخد وندي فى الكلام الى مالو طعم البنات الى فى الطابور قالو يلا افتحي يدك وخلصينا احترت انا ومديت يدي مجبوره

ماحسيت الا الضربه على يدي وساعتي الى كانت فى يدي حديد اتكسرت وطاحت على الارض من كتر الضرربه ماهي قووووووويه ومؤؤؤؤؤؤلمه صرخت قلت اااااااه الله لا يوفقك قولى امين وعيوني دمعت واتالم بصوت مسموع قالت وتدعين علي ياقليلة الادب والله لا ربيك طيب ومشت البنات لصفوف وقفتي برى وكنت ابكي من قهري وكانت فى مدرسه طيبه مرره تهديني ونادت على وقالت وقعي هنا على تعهد واسبوع لا تداومي فصل وعقوبه لك عشان تتربي من اول وجديد ؟؟!!!
انا اعتذرت لها وحاول افهمها هذا مو اسلوب تعامل مع بنات ثاانوي وقامت تصرخ على قلت انتي مش المديره ومالك حق قولت انا خلاص ضرب انضربت الله يسامحك وانتهى الموضوع ليش التعهد وقالت خلاص ولا كلمه ولا اسمع منك شي وتفضلى لصفك ولا تشاركي ولا لك درجات ولا اعمال سنه وهددتني وقالت حتى لو شكيتي علي عند اداره التعليم والله بخلي ملفك اسود من اهمال وغياب متكرر !!ومخالفات وسلوكك زفت مع المعلمات واتبلى عليك !!
وبسرااحه انا خفت وسكت وعلى طلعة البيت حاولت فيها يمكن تحن مارضت بالمرره داحين ليا اسبوع والسبت باارجع لدوام المدرسه وبجد مقهوررررررره وانظلمت وماخبرت امي وقلت انا طحت فى المدرسه على الدرج كذبت عليها ويديني مرره مزرقين ومنتفخين ومااقدر حتى اكل فيهم ومحتاره اذا تكلمت تاذيني او تعمل لي حاجه واذا سكت مع الايام يمكن تتمادي على وتعملى حاجه
ومقهوره والاسبوع هذا على كذا اختبار تقويم راحو علي
ايش الحل فى رايكم مع المساعده

((((ملحوظه وررررررررررررررررررد
المساعده معروفه باخلاقها الزفت وحرمه كبيره ماسكه المدرسه عشان المديره فى اجازه الامومه خلفت قبل كم اسبوع
والضرب فى المسطره انا اقوووووى وحده من البنات بحقد كانت ضربتها لي وحتى الاستاذه قالت والله انها باين تكرهك وكرهتك اكثر لما جادلتيها ودعيتي عليها
وانا من الغربيه وانتقلت للقصيم عشان عمل الماما وهم مرره مكروهين وعصبين على ايش ماادري وخاصا الي مش من منطقتهم مايحبونه وانا بس النصف الى باقي منو كم شهر اكملو واتنقل لثانويه تانيه بسبب تافه فصلوني كيف لو عامله خناقه مع البنات يمكن اعدام الله ينتقم منهم وياخد حقي منهم والله ماينطاقو اووووووووف

وكذا استاذه تقول انتي الغلطانه ليش تغلطي عليها وكانت كلمتي غصب عني طلعت والله ماكنت قاصده

[صقر الجنوب]

الله لايوفقها لادنيا ولا اخره

[د.ليل الوعد]

الاخت جوليا 000أنا أرى أن تذهبى الى المستشفى الحكومى وتعرضى الحالة على الطبيب ويعمل تقرير طبى كامل وتذهبى مع الوالد الى ادارة التعليم وهو بدوره يشرح لمدير التعليم قصتك بالكامل وسوف يرسل موجهات للتحقيق بحضور زميلاتك وعندها سوف يصدر قرار من ادارة التعليم فى صالحك لان الضرب ممنوع بقرار وزارى صادر وسوف تحضر المعلمة وتتسامح منك وتطلب منك التنازل عن القضية وسوف تجدين كل الاحترام لان من لا يحترم لا يحترم 00بارك الله فيك ورعاك ووفقك

[فهد قزعه]

قطع الله ايدي