ما عد الا ان ثمانين والا ابلاك بيري... ابن الجنوب

[بن خضران]

الله وش هذا التطور بنا والتقنيات=

كان عندي بيجر وكان اركسون بنتلي=

واما في ذاليوم ماعاد كن شين جديد=

ما عد الا ان ثمانين والا ابلاك بيري=

والاركسون والبياجر نسيت اشكالها=

[إبن الجنوب]

حياك الله يابن خضران طولت الغيبه يارجل عسى ماشر...هذا رد من قيس المعرفه على قول السبيه وترانا شيّبنا لكن يرضينا التواجد والإطلاع...

الرد:إبن الجنوب=
*=
ياإبن خضران اقطف الناجحه وأتّق نيات=
لا تقول الهيل غلّق ومجنى البن تلي=
وانتبه تبدي مع واحدن ماينجد إيد=
ذا الزمان أبلى صغير العمر وأبلى كبيري=
وانت ماندري حبالك طويت أشكالها=

[فهد قزعه]

طيب يابن خضران طيب صح لسانك والشركات نعمه تصنع من اعلى طرف
ابن الجنوب صح لسانك ياخي مايعقلها الا شايب

[عاشق المها]

صحت أبدانكم يالنشامى على البدع والرد الرائعين ...

[بن خضران]

صح لسانك يابن الجنوب وعافك الله والف شكر لجميع الاخوه الذين مرو كلن بسمه..



مارجينا كن هل النخوه واهل الشيمات=

وانت من روسن تحب الجمايل ياعلي=

غير حبل الود تهمله وانا له شديد=

انا بين الناس مانيب داري وش مصيري=

وانت تتقهوى من الصالبي ودلالها=

[شاعر بالمفضل]

صحت الالسن وتعافت الابدان

يعطيكم العافيه واصلوا ونحن مستمتعين

[إبن الجنوب]

الرد:إبن الجنوب=
*=
العشر من بين الاعواد الى و شّي يمات=
وانت ماوقّعت في ايد المخالف ياعلي=
يطردون الفايق البدو وأغدوا له شديد=
ماودي تعمى عن اهل المثايل يامصيري=
والقصايد قبل تبدي وتنشد لالها=

[العلوي وبس]

وتنشد لالها طيب يالطيب هذا الكلام المعسول

[عبدالله اللبيدي]

بن خضران

ابن الجنوب

صحت الألسن وتعافت الأبدان عسى الله يوفقكم

[بن خضران]

شاعر بالمفضل
العلوي
عبدالله اللبيدي
صحت ابدانكم والف شكر على مروكم المشرف ...



الزيده مره ولاهي بطعم البلحيات=

والبحر مالح ولا قد ورد ماين حلي=

كم بتجمع يبن الاجواد لك من ماي فيد=

الصفا الحنان والحيد الانصب والزفيري=

ودي اتعزوا لها ياعلي واشتالها=

[شعب البرود]

صحت السنتكم وسلمت اناملكم تقبلوا مروري ويعطيكم الف عافيه ولاعدم انشالله

[إبن الجنوب]

ياخي مدري إنت تختبرني ببدوعك هذى وإلا هي أحسن ماعندك...

الرد:إبن الجنوب=
*=
يابن خضران افتنا وش طموحك بالحياة=
شبك وإلا جيب صالون عندك وانحلي=
أصنق ابكم عند قاضي المحاكم مايفيد=
ضاع عمرك وإنت موهوم قهري والزفيري=
ليتك تقعد ترقب المزرعه وأشتالها=

[علي السبيَه]

بن خضران
ابن الجنوب

صحت السنتكم وابدانكم ياالنشاما والله يعطيكم العافيه وانا اعجبني هذا البيت
من ابن الجنوب (أصنق ابكم عند قاضي المحاكـم مايفيـد) الاصنق والابكم
ياابن الجنوب ماعينه يفيد لا عند القاضي ولا عند غيره وحليل من ييتلش به

[بن خضران]

وشبها بدوعي يبن الجنوب ماجازة لك والا كيف؟؟



اقرا فالختمه من الزلزله والعاديات=

قبل موتك قبل ماترتخي تحت الصلي=

آنا في زهرة شبابي ولي علمن وكيد=

وانت عمرك ضاع مابين ولعات العميري=

قبلك انجوم الثريا وما تلحق لها =

[إبن الجنوب]

يابن خضران كل رأس مركّب على حكمه... بالنسبه لبدوعك أنا واثق لو عندك أفضل منها كان جبتها...

الرد:إبن الجنوب=
*=
انت شكلك ماتخاف النمور العاديات=
علّمني واحسب حسابك متى تحتصّ لي=
شدّ من خيلك صعيباتها وأكره وكيد=
لا تضيّق خاطري وأهدم البيت العميري=
وأقطع الشجره ولا أترك نماة لحقلها=

[بن خضران]

يابن الجنوب منت مجبور ترد ع بدوعي دام معجبتك ودام انت عندك الافضل نشوفك في الساحه قريب ان شا ءالله والا احدى البرامج الي تهتم في الشعر وتكون ناقد ان شاء الله !!!!!!!!!!!

[إبن الجنوب]

والله ياأخي أنا ماحب أكسر بخاطر أحد .عموما مشكور وأعتبرك أخي الصغير وأوعدك لو أتيحت لي الفرصه في الساحه أو برنامج وعندي مايفيد الناس لن أتردد..تقبل تحياتي..

[بن خضران]

هذا عشمنا فيك دام ماتحب تكسر خاطر احد !!!


وتدري انت الشاعر ولا غيرك احد وفرح وانبسط..

[صقر الجنوب]

بن خضران

ابن الجنوب

صحت السنتكم يا المطاليق