رساله الى ابن الجنوب.......

[الشيباني]

السلام عليكم ورحمة الله ..
رأينا قصيدة الشاعر ابن الجنوب..في موضوعه..وانا اتفق معه ان ما كل من كتب له شاعر انه شاعر حتى يثبت ذلك...واحنا شعار وواثقين من انفسنا مثل ما واثقين انك شاعر..
والجمهور هو الذي يحدد منهو الشاعر ....

يا سلامي على اهل المنتدى حاضرين وغايبين
يا رجال الوفا والطيب واهل المواقف والحميه
يا رباع التراث.. ويا رباع الكرم والموجبات
قالها شاعر ابني عمرو بين الرجاجيل الكرام
وانا قد التحدي لا تحديت.. وآصل للبطوله
شد حيلك وقابلني وهات القوافي والقصيد
تعترض عالشعاعير وتقول انت شاعر وانت ناقد
هات الاشعار.. والجمهور حكامنا يا بن الجنوب

[إبن الجنوب]

حياك الله يالشيباني ومن الآن أكد لك إن الجمهور معك على قول عبدالواحد (ماهو حبّن في علي لاكن كرهن في معاويه)...

الرد:إبن الجنوب=
*=
مرحبا وإنت مايخفاك ماكل من يلغى يبين=
تعرف الفرق بين اللقمه اللي تجمّد والحميه=
وإن البابور ساعة ضمّه الليل فوق الموجبات=
ياإبن الاجواد ولد اللاش ضايع وراعي الملك رام=
لو بغيت أقطع المشرق فلا همّني عرضه بطوله=
لازم أواجه اسباع الليالي وأكابد والقى صيد=
إنت ماإنت بعصاتي ياعشر ماتجمّل وإنت ناقد=
وحزام الخطل ماله مهابه ولا يبني الجنوب=

[الهجيــــر]

صح لسانك يالشيباني
وصح لسانك يابن الجنوب
لا هنتم

[عبدالله اللبيدي]

الشيباني

ابن الجنوب

صحت الألسن وتعافت الأبدان عسى الله يوفقكم

[نديم القوااافي]

الشيباني

ابن الجنوب

صحت السنتكم وبيض الله وجيهكم ملايين ههههههههه وانحن يبن الجنوب نحب علي ونحب معاويه عبد الواحد يقصد الروافض

[هاوي الشعر]

صح لسان الشيباني وصح لسان ابن الجنوب الاثنين مبدعين
وقصائدكم تشهد على ذلك

[ملك الليل999]

صح لسانك ياالشيباني
ولسان ابن الجنوب

وابن الجنوب قصيدته لا تغضب الشاعر فهو على حق انما قد يفهم الكلام بالخطأ

لكم اطيب تحيه وتقدير
لاعدمناكم

[علي السبيَه]

صح لسانك يا شيباني وصح لسانك ياابن الجنوب

[عاشق المها]

بدع ورد جميله ..صحّت الألسن والأبدان يالنشامى ...

ونبغى إللّي يتحدّى يوقف للتحدّي ولا ينسحب وانحن مع الكلام الطيِّب ونشجع الشُعّار كلهم وغير الشُعّار والخطر سعه ما نضيق من أحد والقصايد عباره عن سوالف بطريقه فنيّه ....

متابع لكم ومستمتع ...

[شايب العشرين]

مشكلة الشيبانى يصدق كل شي
موفقين يا غلمه يعطيكم العا فيه

[الشيباني]

هلا وغلا فيك يل بن الجنوب.....
والشكر للجميع.............

البدع

البقا وانت من زهران قيف الرجال الطيبين
غير يا خوف قلبي لا تكون انت في جهل وعميه
ما دريت ان خصمك مثل حد السيوف الصارمات
حن رجال المواقف والحميه فحرب وفي سلام
موقفي ثابتٍ والاش ما همني قصده وقوله
اخذ الحق واعطي الحق واقابل الرجل الرشيد
ما بتنفع عصاتك يا زميلي ولا منها فوايد
احتزم والتزم ما دام قبلك ميادين الحروب

[إبن الجنوب]

الرد:إبن الجنوب=
*=
عندنا جيش ورجاله لهم منزله ومدرّبين=
واحدن من رجال الجيش له مقدره في روع ميه=
والمدرّب يوصي أهل الغشامه ولا وصّى رماة=
وأنا لاجيت باسلّم على أهل المقام أوفي سلام=
واللذي مايناسبني نويت أبعده واخفي نقوله=
اقدر ادفن بحر وأعطّش الناس وفي البرّ أشيد=
والله إني على الاكباد علّه وسمّيت الفوايد=
أمدح الكفو وأزرع قي صدور المعادين الحروب=

[محمد الحسني]

صحت السنتكم وابدانكم



مبدع كعادتك يابن الجنوب وتعجز الشعار عن مجاراتك

[إبن الجنوب]

صح بدنك يامحمد وشاكرين لك مرورك والشيباني حبيبنا وضيفنا ماله إلا طيبة الخاطر...

[عاشق المها]

اخذ الحق واعطي الحق واقابل الرجل الرشيد
ما بتنفع عصاتك يا زميلي ولا منها فوايد
احتزم والتزم ما دام قبلك ميادين الحروب
**********
اقدر ادفن بحر وأعطّش الناس وفي البـرّ أشيـد

والله إنــي عـلـى الاكـبـاد عـلّـه وسمّـيـت الـفـوايـد

أمدح الكفو وأزرع في صدور المعادين الحروب

ونعم بكم ياثنين وصحّت ألسنتكم لين تلين الحصى ...إبداعكم أعجبنا ومتابعين لمحاورتكم الرائعه ...safaqahوووردزهرررةsafaqah

[الشيباني]

البدع

جيشكم جاله اسروب عظيمه وطير قاصفين
مثل ما جا ابرهه الاشرم وعود مع العالم رميه
ما بينفعك جيشك يابرهه دام تبغى المكرهات
وانا لي جيش واعتادِ وجيش كما حد الحسام
ناخذ النصر والأمجاد في كل ميدانِ وجوله
لاغرابه فحن جيش كما جيش خالد بن الوليد
شبت النار في قلب المعاند كما جمرِ وقايد
اشرقت شمسنا يا صاحبي وانت شمسك في غروب

[علي السبيَه]

صح لسانك يالشيباني ولسان المعلم ابن الجنوب

لاغرابه فحن جيش كما جيش خالد بن الوليد

هذا البيت ما يغني يا الشيباني لو كان قلت:

لاغرابه فحن جيشن يشابه لجيش ابن الوليد

[الشيباني]

ملا حظتك على العين والراس.....
واعتبرها من النقد البناء...ولو انها تغني بس بدون نطق النون....تحيااااتي

[إبن الجنوب]

كنت سعيد بمجاراتك يالشيباني وأسمح لي أستأذنك بتأجيل المحاوره لوجود محاوره في متصفح آخر ونواصل لاحقا إن شاءالله... تقبل تحياتي وتقديري...


الرد:إبن الجنوب=
*=
يدرون الناس فين الزود في العلم والانقاص فين=
ما لعوج الرقاب إلاّ سيوفن قواطع صيرميه=
والملك طال عمره ردّد أهل القلوب المكرهات=
جاء لطول المسايل عند قايد مسيرتنا حسام=
أجبر اهل الفساد وعوّدوا في طريق الحق وجو له=
حاكمن يستحقّ إخلاص شايب وتقدير الوليد=
خذ من الشعب عهد الله على بيعته فارس وقايد=
شعب مخلص وفي وإن زدت الاوصاف ماهي في غروب=

[الشيباني]

ابن الجنوب....اشكرك اولا على سعة الصدر وتحملك اياني.....
واشكرك ايضا على هذه الردود الجميله التي تدل على شاعريتك الجميله....
واشكر كل من مر او علق ....ولو ان الجمهور كانو كلهم معك لكن ...تستاهل يابن الجنوب....واخيرا اعذرني اذا بدر منا شي يزعل الخاطر ....ولا زعل الجمهور....
تحيااااتي

[شايب العشرين]

بيض الله وجهك يالشيباني فانت اهلآ للتحدي وحقك منصات وحفلات بعد
ابن الجنوب معافى يالطيب ولا ودي كان انسحبت كان واصلت مع الشيباني
موفقين الجميع وبيض الله وجو هكم

[إبن الجنوب]

بيض الله وجهك يالشيباني فانت اهلآ للتحدي وحقك منصات وحفلات بعد
ابن الجنوب معافى يالطيب ولا ودي كان انسحبت كان واصلت مع الشيباني
موفقين الجميع وبيض الله وجو هكم

شكرا ياشايب العشرين على مرورك وأنا لم أنسحب طلبت تأجيل المحاوره وأنا فدا خشمك...