مجالسي ........ يا شايب العشرين

[نديم القوااافي]

شرفني بالرد يا شايب العشرين بدون قصور في الاخوان الباقين ان جاز لك البدع ولا اتركه لسكن الطيغه .. ترا انا احب مناوشاتك وقلبي تجاهك اصفى من العسل يعلم الله



بدع : نديم الوااافي=

0=
يا راعي القنص وشلك م القنص وانت شيبه=

انا اخبر اللي مثيلك بين منبر ومحراااب=

الدهر يطوي صناديد العرب بالثواني =

الحق على العمر زر مكه بعمره وطيبه=

[سامي المالكي]

يا سلام يا سلام
صح لسانك ملاييين يا شيخ

[ملك الليل999]

طيب طيب يابو سند صح لسانك
وننتظر الابداع المتوقع من الشايب

[نديم القوااافي]

يا سلام يا سلام
صح لسانك ملاييين يا شيخ

صح بدنك شرفتني بتواجدك العطر لا خلا ولا عدم يا ذيبان

[نديم القوااافي]

طيب طيب يابو سند صح لسانك
وننتظر الابداع المتوقع من الشايب


صح بدنك يا ملك الليل تواجدك شرف ووسام عز نفتخر فيه

[خالد الشيخي]

طيب طيب الله يحسن خوتمناااااا
تقبل مروري

[علي السبيَه]

صح لسانك ياابو سند

[عبدالله اللبيدي]

مايسد جور الزمان يعني لازم تبورون الشيبان ..لكن أزهلها مايعقلها إلا شايب

صح لسانك يابو سند

وننتظر الشايب ليضيف إبداع آخر عسى الله يوفقكم

[عاشق المها]

صح لسانك وعلا شانك يانديم على البدع الجميل ...

وينك ياشايب تتحفنا بردك الرائع ....

[شايب العشرين]

يشرفني يابو سند ارد عليك فانت غالي من غير القصايد ولاكن اعذرني على التا خير لاني مشغول بالاولاد بالمستشفى تفضل لاهنت

يابو سند ودي ابدع فالغناء وانتشي بــــه
مادام ما بيني وبينه معارك ومحرااااااااب
ياراعي الاوله لاعاد تجي بالثوانــــــــــــي
والزين لاعد تمنى ريح فله وطيبــــــــــــه

[إبن الجنوب]

نديم القوافي
شايب العشرين
صحت الالسن وتعافت الابدان...تقبلوا مروري وتحياتي...

[صقر الجنوب]

أبو سند صح لسانك ملايين دائما تتحفنى بروائعك

[شايب العشرين]

وين لقيت يا نديم واصل وشبك

[ملك الليل999]

صح لسانك ياشايب العشرين على الرد الوافي
وبيض الله وجهك

[نديم القوااافي]

طيب طيب يا شايب العشرين صح لسانك والف شكر لكل من مر وشارك كل واحد باسمه .. استلم لا عدمناك يا شيخ


بدع : نديم القوااافي=
0=
قل للذي غارقاً يلهو بجاهه وجيبه=
ما يردع الموت لا منصب وجاه(ن) ولا ارتاب=
لا جا عيون البشر تشخص ولا تلمحاني=
يخطف قلوب البشر سكته ولحدن ديربه=

[شايب العشرين]

ملك الليل ووجهك ابيض يالذيب الفضل لله ثم لابو سند هو البادع
ابن الجنوب شرفت يالغالي مرور عطر لاهنت
ابو احمد يشرفنا تواجدك ومتابعتك

[نديم القوااافي]

وين لقيت يا شايب واصل وشبك .. .. بالاردو .... يالله حسن في ختم

[شايب العشرين]

وشاللذي تطلبه يازين مني وجيبـــــــــــــه
ما ودي آشاهدك مكسور خاطر ومرتــاب
ان كان مطلبك قلبي اللي خفق بالمحـاني
سنيين قلبي معك يازين ماحد دري بـــــه

[نديم القوااافي]

الف الف شكر وتحية ود وعرفان لكل من مر سوجل له بصمه في هذا المتصفح .. كل واحد باسمه



بدع : نديم القوااافي=
0=
كم واحد(ن) عذب اخوانه وجامل نسيبه=
عيونه اعلى اخوته متفنجليه ومرقاب=
ومع نسيبه يجب له سمن ويفت له الباب=
من فقر الاخوان يتعايب .. والامه تعيبه=

[نيس الأجرد]

روووووووووووووووووووووووووووووووووعه

مبدعين بدعا ورد ... يعطيكم الف عافيه ...

[الساهر]

نديم القوافي صح لسانك وواصل على هذا النقع

شايب العشرين ردودك ماركة مسجلة

[شايب العشرين]

نديم اعميتاني بالبيت الاخير به حرف زايد احسبه ما يغني انتبه النظر ماشي هيله

مدري نرد العدو عالحد والا نسيبــــــــــه
وجيشنا عن حدود المملكه راس مرقــاب
مايفهم العلم غير اهل الحكم ذات الالباب
ودين الاسلام يغزونه والامه تعيبــــــــــه

[نديم القوااافي]

طيب طيب صح لسانك يا شايب العشرين لين تلين الحصى ... وان شفت لي اخطاء عدلها وانا خوك تراني شيبت ههههههههههه تواني اشوف الخطا في القارعه يسلم راسك



بدع :نديم القوااافي=
الجيش يحتاج تعليماً ويبغي دريبه=
من شان ندّب قوا طهران بالجيش وداب=
طهران ذي عينها بارامكو تلمعاني=
لو ما وجد من يودبها تراها مصيبه=

[شايب العشرين]

طيب طيب يا نديم ترامي بيه الله يعين عليك

اسمي رقى فوق هام السحب كلآ دريبــه
آسير وآطا على الحيات وآطا على الداب
وكل شاعر عرفنا مقصده والمعانـــــــي
واذا رمينا الهدف كل الرمايا مصيبــــــه

[نديم القوااافي]

بدع : ندم القوااافي=
0=
والنعم لكن بعد ناخذ عليك الضريبه=
يا شايباً من كثر حب النسا والولع شاب=
لا عاد تكثر في الامداح واني فلاني=
ونقول للجن يا جن الهوا عثري به=

[شاعر بالمفضل]

نديم القوافي

شايب العشرين


غزله الله يهولكم
واصلوا ونحن متابعين

[شايب العشرين]

حب البحر مايناسب خاطرآ ما ضري بــــه
من مزرعآ ما عرفنا ذرو حبه والا عشاب
والوادي اللي بيطلع برك والنيفـــــــــــلاني
تشاهد المسقوي ياشيخ والعثري بـــــــــه

[نديم القوااافي]

صح لسانك يا شايب العشرين .. شرفتني بردودك المجمله والمكمله يسلم راسك يالنشمي