طلب صغير من الهجير ............

[نيس الأجرد]

يالهجيرودّي ترد عليه انفدا خشعتك :

نيس الأجرد

البدع

كل ذيك الجمال الهوج لا من جرت والها اندبـات
واحليب البكــارى خير مالصيدلي وعــلاج كرته
لكــن لامن حقــد سمحــان هدرا بنا و نّــاخ شوم
ياجمل كم يجيك امن الكرب وانت قلبك مادرا هم
بالله مــا دامني راعيــك فــاوقف لنـا وابــرك لنا

[ملك الليل999]

طيب طيب يانيس الاجرد
صح لسانك وبيض الله وجهك
وننتظر اكمال الابداع من الهجير

[ابوفطيس]

ياســــلام ياســــــلام
ابيــــــــات جـــــــزله دائماُ مبـــــــدع
بأنتظار الهجير لايكتمل الابــــــــــداع

[عبدالله اللبيدي]

صح لسانك يانيس الأجرد

ننتظر الهجير ليضيف إبداع أخر عسى الله يوفقكم

[الهجيــــر]

أبشر يا جبل نيس وان كان الرد مهو اللي في خاطرك
أشتله واحذف به للجن

الرد=
ياهني الذي لا ضاق صدره في أرض الهند بات=
والا خذ له على ماليزيا جولةٍ وعلى جكرته=
ديرة الخضره والغابات والغيم واصغار الخشوم=
وانحن نبغى السياحه والسفر غير ما نصخى الدراهم=
ماقبح العذر لا قلنا ديار الجنوب أبرك لنا=

[شاعر بالمفضل]

صح لساك يا نيس الاجرد

اما انت يا الهجير فالله يهولك في هذا الرد

ما اقبح العذر لا قلنا ديار الجنوب ابرك لنا

[نيس الأجرد]

الهجير بيض الله وجهك .... على هذا الرد ... كيف مايعجبني ردك ... بالحرام انه يهول والله يعطيك العافية

واشكر كل من مر باسمه واقول الله يعطيكم العافية

[عاشق المها]

بدع رائع بروعة نيس الاجرد وتوجيه بواردي....صح لسانك .

رد ولا أجمل من الهجير وصاب الهدف ...صح لسانك .

دام الإبداع ولا عدمناكم...

[علي السبيَه]

قصيدة رائعه تجلا فيها الابداع في البدع والرد
صح لسانك يانيس الاجرد ولسان الهجير