بعد مامات (لك يا اابن الجنوب)

[علي السبيَه]

هذا بدع متواضع ومن قيس المعرفه ودي تشرفني بالرد عليه ياابن الجنوب ان كان ناسبك


البدع:علي السبيه=
.=
يا مبعدك يا ضياء الكشّافه يا بعد مامات=
حد النضر يا مسيّر للطرق والمحا زين=
ولا يعيقك مع دربك حجوزه و شبكاه=
والمعبر اللي ندس لا تحسبه ون صايب=
وراعي الفن قدّم لك من اليد فنونه=

[سمّار]

انت معك عشرٌ يسقينك اقل واحده ما تسقيك الا عسل سدر
بسم الله عليك وعود في عين الحسود
موفق ياشيخ وعساك على القوه

اخاف ابن الجنوب يخليها حزايني مره وبعضنا دمعته طارفه من رقة قلبه
لكن ...ننتظره والصبر طيب

[عبدالله اللبيدي]

صح لسانك يابوطلال

ننتظر ابن الجنوب ليكمل الأبداع عسى الله يوفقكم

[عاشق المها]

صح لسانك يامعلم وعلا شانك والله يسعدك ياشيخ على هذا الإبداع الجميل ...

ننتظر أخونا إبن الجنوب ليضيف إبداعاً آخر ...

[إبن الجنوب]

صح لسانك يابو طلال وأشكر كل من مر ... وأعود أقول...

الرد:إبن الجنوب=
*=
ليش البشر يمدحون إبن آدمي بعد مامات=
يتضاهرون إنهم في غبنهم والمحازين=
واللي بكى ساعة الافراح مدري وش أبكاه=
الميّت اقفى وجاوره اللّحد والنّصايب=
مايبصر اللي نثر دمعه ومن يدفنونه=

[عاشق المها]

واللي بكى ساعـة الافـراح مـدري وش أبكـاه

الـمـيّـت اقـفــى وجـــاوره الـلّـحــد والـنّـصـايـب

مايبـصـر الـلـي نـثـر دمـعــه ومـــن يدفـنـونـه
safaqahتصفيقتصفيقتصفيقتصفيقsafaqah

صح لسانك يابن الجنوب على هذا الرد الوافي الذي أبكاني وحرّك شجوني ...رحمك الله يا أبي ...


والله يا أخي أنا أحد الأشخاص الذين بكوا في ساعة فرح وذلك عندما تذكّرت والدي وتخيلته معنا في تلك الليله رحمه الله تعالى وأسكنه الفردوس الأعلى من الجنّه...

[سمّار]

علمتكم
ابن الجنوب بيردها حزايني ((ذبح روح))
الله لا يحرمنا من هذولا المطاليق ..السبيه وابن الجنوب...
تسلمون وصحت القلوب
ولا خلا ولا عدم

[الهجيــــر]

يا سلااااااااااااااااااااام هذى القصايد والا بلاش
بدع محبوووك ورد من ملك الرد ما يحتاج
صحت السنتكم وغرب الله عليكم فوقها

[هاوي الشعر]

ابو طلال وفقك الله في هذا التوجيه والشقر الفريد
وابن الجنوب صح لسانه مليون مره والبيت التالي / يستاهل الدندنه عليه باوتار من ذهب
مايبصر اللي نثر دمعـه ومـن يدفنونـه

[صقر الجنوب]

الله الله عليكم يا المطاليق صحت الالسن وتعافت الابدان
و انا اشهد انه كلام شعار كبار وكلام ينجر الصدر نجرا
رحم الله من مات وغفر الله لهم

[علي السبيَه]

صح لسانك ياابن الجنوب يامعلم على الرد الوافي والمجمل
واشكر كل من شرفنا بمروره الكريم كلن باأسمه واعتذر
عن التاخير في ردي عليكم جميع جهازي عطلان وهذا
السبب اللي ما يجعلني متواجد بشكل مستمر في المنتدى

[شايب العشرين]

طيب طيب ياشيخ
كلام ولا احلى
يعطيكم العا فيه

[علي السبيَه]

طيب طيب ياشيخ
كلام ولا احلى
يعطيكم العا فيه

الله يعافيك ياشايب العشرين ونشكر لك مرورك الكريم