يا لعن ابـو مــن ورّدك يـا هواتف نوكيـــا ..!(من يرد)؟

[عبدالله الكناني]

بسم الله الرحمن الرحيم
السلام عليكم ورحمة الله وبركاته

من ناسبه البدع يرد والعذر لو حصل قصور


الــــــــــــبـــدع /


اول عن امسي بالضحى حزّ قيّـال البشــــر
وانا على مركـاي و آعــد بيتي والقصـيــــد
ولا التهمت إلى على شاشة الهاتف رقـــم
رديت و إلا صوتها العذب يرزفنــي رزوف
و اخذت معها شوط مـا بين في هــذا وذاك
وطنطــن الجـــوال واثــر ان بطـــاريـتــــه
واعـــدت تشغيلــه وكنّـــه بعـد توّه صنـــع
وافتر واتلف رقمها و التحق باقي الرقوم
يا لعن ابـو مــن ورّدك يـا هواتف نوكيـــا


عبدالله الكناني

[عاشق المها]

حياك الله أخي عبدالله واسمح لي بهذا الرد وإذا لم يعجبك فلك حرية الحذف ...


الرد ابو فيصل


لـبّ داعي خيـر مــا ني بقيّال الب شر


وانتبه لا تلمس الداب الاسود يلقصيد


وانـتـبــه لـلـذيــب مـن لمحته لا فرّ قُم


من لزمـه الـذيب بالناب ظلاّ له نزوف


والـذي يـوذي بــجــارك فـعزّ الله وذاك


ينـتـشر بـيـن الـعـرب والـبشر طاريِّته


واعرف المعروف في بعضهم ما ينصنع


ان كان ودّك في سباق ٍ فـقـم لـلـبـرّ قـوم


الجـيـب لـكـزس يـاس فـالـبرّ قلنّا نو كيا

[إبن الجنوب]

عبدالله الكناني: أجتهدت وفقك الله عندك هذا البيت مايغني(وطنطن الجوال واثـر ان مــن بطـــاريتـــه)حاول تعدّله

عاشق المها:صح لسانك واعجبني توضيف كلمتين انقليزي في القصيده...

[عبدالله الكناني]

إبن لجنوب : شكراً

عاشق المها : صح لسانك يا بو فيصل ومحشوم ما به قصور وبيض الله وجهك على الردود المشرف

[ملك الليل999]

صح لسانك اخ عبدالله
ولسان ابو فيصل

تقبلوا مني اطيب تحيه وتقدير

[الخيال2007]

تسلمون وبياض وجه

[شايب العشرين]

بيض الله وجوهكم بدع ورد مجمله سلمت روسكم

[عبدالله الكناني]

صح لسانك اخ عبدالله
ولسان ابو فيصل

صح بدنـكـ أخي ومرورك شرف لا عدمناكـ

تقبلوا مني اطيب تحيه وتقدير

صح بدنـكـ أخي ومرورك شرف لا عدمناكـ

تسلمون وبياض وجه

عساكـ سالم ..

بيض الله وجوهكم بدع ورد مجمله سلمت روسكم

وجهكـ ابيض وعساكـ سالم وشاين مرورك يا تاج روسنا ..

[الهجيــــر]

صحت السنتكم
وانا وجهة نظري اذا تقبلونها ان في بعض القصايد ماهو لازم يجي لها رد
لانها تاخذ المعنى كله واحيانا تكون صعبه حتى على اعتى شاعر
وهذا اللي صار هنا

رد عاشق المها ليس على نفس الطرق من الأساس ما عدا البيتين الاخيرين

ان كان ودّك في سباق ٍ فـقـم لـلـبـرّ قـوم
الجـيـب لـكـزس يـاس فـالـبرّ قلنّا نو كيا
==
ينـتـشر بـيـن الـعـرب والـبشر طاريِّته
واعرف المعروف في بعضهم ما ينصنع

الابيات ليست على لحن واحد

((وطنطــن الجـــوال واثــر ان بطـــاريـتــــه)) ماهو على لحن باقي القصيده

اللي بيقول من انت والا وش دخلك تنقد بهواه
واللي بيقبلها كثر خيره
واللي يبغيني اقول صح لسانك وبس يبشر
كل شي ابشرو لكن دخيلكم في الضيقه لاحد يضيق

اما انا فاللي ينكتب في المنتدى انا اعتبره ملك صاحبه الخاص لين
ينزله في المنتدى ونقراه عندها يصبح ملك الجميع وللجميع الحق
في ابداء الراي
ورويتي لكم والسلام !!

[هاوي الشعر]

الشاعر الهجير بارك الله فيك / النقد والتوجيه من اهم المسلمات لتلافي
الاخطاء في القصائد وفي اللحن والتوجيه من شاعر له خبره لا يزعل
ولكن الغلط ان تمر قصيد ه وبها عدة ملاحظات ويصفق الجميع لقائلها /مع العلم ان بها اخطاء او نشاز
والغلط الاكبر اذا مر عليها مجموعه من الشعار لهم خبره
بالشعر ونقدهم هادف وبناء دون ابداء اي ملاحظه

تحياتي لك / ووجهة نظري تحتمل الخطأ اكثر من الصواب

[علي السبيَه]

اصلا كلمة (نوكيا) مالها داعي ولا تنقال في قصيده

[عبدالله الكناني]

صحت السنتكم
وانا وجهة نظري اذا تقبلونها ان في بعض القصايد ماهو لازم يجي لها رد
لانها تاخذ المعنى كله واحيانا تكون صعبه حتى على اعتى شاعر
وهذا اللي صار هنا

رد عاشق المها ليس على نفس الطرق من الأساس ما عدا البيتين الاخيرين

ان كان ودّك في سباق ٍ فـقـم لـلـبـرّ قـوم
الجـيـب لـكـزس يـاس فـالـبرّ قلنّا نو كيا
==
ينـتـشر بـيـن الـعـرب والـبشر طاريِّته
واعرف المعروف في بعضهم ما ينصنع

الابيات ليست على لحن واحد

((وطنطــن الجـــوال واثــر ان بطـــاريـتــــه)) ماهو على لحن باقي القصيده

اللي بيقول من انت والا وش دخلك تنقد بهواه
واللي بيقبلها كثر خيره
واللي يبغيني اقول صح لسانك وبس يبشر
كل شي ابشرو لكن دخيلكم في الضيقه لاحد يضيق

اما انا فاللي ينكتب في المنتدى انا اعتبره ملك صاحبه الخاص لين
ينزله في المنتدى ونقراه عندها يصبح ملك الجميع وللجميع الحق
في ابداء الراي
ورويتي لكم والسلام !!


يا مرحبا مليون باخي الهجير وحياك الله تراحيب السيل ونقدك على العين والراس لكن بأختصر الكلام اولا صح بدنك والقصيده لها رد طال عمرك ولو اعتى شاعر على قولك لو سمعها رد عليها وكلماتها سهله والقصيده عباره عن كلمات وليست طلاسم ليصعب فكها هذا اولا

اما بالنسبة لرد ابو فيصل على العين والراس لكن ليس على اللحن واعترف في ذلك وانا ما تطرقت لهذا الامر لأني حين رديت كان الوقت ضيق وقلت بأاجل النقد إلى وقت اكون فيه فاضي وابلغ ابو فيصل بهذا الشي ..

فبالنسبة للبيت (( وطنطــن الجـــوال واثــر ان بطـــاريـتــــه )) هذا البيت مزون وعلى لحن القصيده واتحدى على ذلك واللي في راسه شي يتقدم ..

ونقدك تاج على روسنا ,, ولاحد بيعترض على نقد الناس إلا جاهل ..

هذاوسلامتك ..

[عبدالله الكناني]

الشاعر الهجير بارك الله فيك / النقد والتوجيه من اهم المسلمات لتلافي
الاخطاء في القصائد وفي اللحن والتوجيه من شاعر له خبره لا يزعل
ولكن الغلط ان تمر قصيد ه وبها عدة ملاحظات ويصفق الجميع لقائلها /مع العلم ان بها اخطاء او نشاز
والغلط الاكبر اذا مر عليها مجموعه من الشعار لهم خبره
بالشعر ونقدهم هادف وبناء دون ابداء اي ملاحظه

تحياتي لك / ووجهة نظري تحتمل الخطأ اكثر من الصواب



يا هاوي اذا لديك شي تبلغ به الهجير لديك اكثر من طريقه غير هذه الطريقه و الشاعر اللي ما يقبل النقد ما هو شاعر ونقدكم عالعين والراس إلى البعض فأعده (( ما يقوى وعود يغوى ))


وسلامتكـ ..

[صقر الجنوب]

الاحبة شعراءنا المبدعين
صحت السنتكم وابدانكم
وارحب بعودة الاخ عبد الله لمنتداه
كما اننا بالفعل في حاجة للنقد اكثر من الاشادة

[د.ليل الوعد]

عبد الله الكنانى 00صح السانك وبيض الله وجهك 0توظيف رائع للمفردات الشعرية بارك الله فيك ورعاك
عاشق المها أسمى مفردات الامتنان والتقدير بارك الله فيك ورعاك

[شاعر بالمفضل]

الهجير كفى ووفى

ويا عبد الله الله يعطيك العافيه انت وابو فيصل

لكن من ناحية انكـ شفت رد ابو فيصل وكنت مستعجل وجاملت الرجال فما لها داعي

كان بأمكانكـ ما ترد لين تفضا للردود والتعليق

اما تقول برد وعلى عجل فوالله ان ما لها داعي

انا مريت على الموضوع البارح وشفت البدع والرد واستغربت انكـ تقول ردود مشرف ولا انتقدت رد ابو فيصل

انا اقلكم معرفه ولكن ودي اتعلم منكم الكثير

وبهذه الطريقه يا صاحبي ما راح نستفيد من بعض

النقد الهادف مطلبنا وغايتنا

اتمنى ىتتقبلون وجهة نطري بصدور رحبه

اعيد واكرر لانا هنا لاتعلم واستفيد منكم

والانفعال لا يصل بنا الا فائده

الكناني وعاشق المها لكم ودي وتقديري واحترامي

[سامي المالكي]

الأخ الشاعر عبدالله الكناني

بالنسبة لنقد ابن الجنوب للبيت : وطنطــن الجـــوال واثــر ان بطـــاريـتــــه

النقد هنا ليس في اللحن
النقد لأسلوب البيت يعني البيت ناقص (جملة غير مفيدة)
موفق بإذن الله ... لك مني أجمل تحية .

[صقر الجنوب]

تم حذف بعض الردود والموضوع مقفل تماما
مع التحية للجميع

[ضجيج الصمت]

صح السنتكم ياعبدالله ويابو فيصل قصايد رااااائعه وجميله
اتمنى لكم التوفيق