يـــــاإبن خضران مالك كره في خاطري ياإبن الكرام!!!!!!!!

[إبن الجنوب]

الحقيقه إن الاخ بن خضران مأخذ على خاطره مني شوي وأنا يعلم الله لاأكره أحد لا في المنتدى ولا خارجه ونقدنا لبعضنا في القصايد لا يقلل من قيمتنا كأشخاص بالعكس يضيف لنا ونتعلّم من أخطءنا...

البدع:إبن الجنوب=
*=
ياسلامي على اللي في نهار الطلب والملك رام=
اللي يبدي نهار الحرب تلقاه في يوم السّلاما=
راعي السيف الاملح لاهوى في صليب المش كله=
عنده قوّات تردع كل راعي خيانه ولميانه=
مانقل في يده عود العشر والعصاه المنقده=
*=
الرد:إبن الجنوب=
*=
ياإبن خضران مالك كره في خاطري يإبن الكرام=
وشمعك ماترد الوجه وتصدّ ماتردّ السلاما=
القصايد تراها ماتفرّق وتخلق مشكله=
لانقدتوك هذا من محبّه ومن زود الميانه=
وإن نقدتاني أتشرّف ولا حيّ فوق المنقده=

[د.ليل الوعد]

ابن الجنوب صح السانك واعتلا شانك وبيض الله وجهك0تسلم بارك الله فيك 000شاعر يمتلك زمام الحرف والكلمة عسى الله يديمك أسمى مفردات الآدب العربى الرفيع لك منى يا راعى الوفاء والطيب

[عبدالله اللبيدي]

صح لسانك يابن الجنوب وإنت ونعم وبن خضران ونعم

والأجواد من بعد العقايب تراضى والأنذال يبقى كيدها في صدورها

بيض الله وجهك وبن خضران باقي يجيك بالعلم الزين وعسى الله يوفقكم

[عاشق المها]

صح لسانك يابن الجنوب وعلا شانك يالنشمي وانت مطلق ووافي وإبن خضران كذلك وإن شاء الله إبن خضران ما هو زعلان وهنا إخوه وأحباب ...

ننتظر إبن خضران وإبداعه..

[ملك الليل999]

صح لسانك وبيض الله وجهك
وافي يابن الجنوب وشهم وابن خضران
وافي وشهم ولا يزيد السمن الا العسل
القصايد تجي وتروح وشيم الرجال تبقى
الطيب عادتكم
ويجيك ابن خضران بالعلم الطيب

[ربيع الفاضل]

ابن الجنوب تحية لك على هذه الروح الرياضيه وابن خضران انشاء الله انه من الضن وفوق
تقبلوا تحياتي

[نديم القوااافي]

صح لسانك يبن الجنوب انت ونعم وبن خضران ونعم والخطر طيبه انشاء الله .. وانا بعد ماخذ في خاطري عليك شويات ههههههههههههه>>>> ارضنى ببدع يا ذيبان ابتسامة ساخرة

[بن خضران]

صح لسانك بين الجنوب وانا يشهد الله اني مازعلت منك ولا من انتقادك

وانت معلمنا واستاذنا والطالب مايزعل من معلمه والف شكر على طيب كلامك

والف شكر لكل من مر وعلق كلن باسمه...




ابن الجنوب لي عوده ان شاء الله في موضوعك بالمشاركه بقصيده

الان انا خارج البيت لي عوده ان شاء الله آخر الليل اليوم

[علي السبيَه]

صح لسانك يا ابن الجنوب يا معلم وكلنا ما نستغني عن توجيهاتك
ونقبل النقد الهادف والبنّاء وانت ونعم وبن خضران ونعم وكلنا
واحد نفيد ونستفيد من بعض

[ابواسامه]

صح لسانك يابن الجنوب وعلا شانك يالنشمي وافي وابن خضران وافي
يقول الشاعر:الوفاء ما يظهر الا من التالي=هذي العشرة وهاذي معانيها

[شايب العشرين]

النقد لاجاء من معلم وشاعر متمكن مثل ابن الجنوب
والسبيه واللبيدي وملك الليل يعلم الله انه يريح الخاطر لاكن البلاء لاجاء من انسان غير شاعر
وانا ودي من عمالقة الشعر المذكورين اعلاه لايجاملوني خاصه انا اتكلم عن نفسي
لاني اتيت اتعلم وليس متحدي ولكم جزيل الشكر والعرفان

[إبن الجنوب]

أشكر الجميع على المرور والتعليق وصدقوني مهما أختلفنا في وجهات النظر سيجمعنا ماهو أهم وهي الاخوه..