إدري إن جهازك عطلان ياعلي لك لين تدخل المنتدى...

[إبن الجنوب]

البدع:إبن الجنوب=
*=
أنا خايف عليك أتضمّ لهجات ياشعر الجنوب=
اللي يتنقّدون إبن الجنوب ابغي اعرف من صفتهم=
كلّهم لو جمعت أشعارهم ماتجي لي صدر بيت=
احترم ناقدن هدّاف يقدر يواجهني بحجّه=
وإستصغر واحدن يبدي بشامي بجنب المغربي=
واللي حرّف كلامي لجل يأخذ مع أهل الشعر ناقد=
عزّ الله ماتجمّل مني إلا فقد هاميّته=
أرفع الراس والتفكير يامن تخالف لجل تعرف=
ماهو إبن الجنوب اللي يقع في مطبّن مادرا=
عزّتي للجنوب إنكان منطوقه تغيّر بغيره=
عزّتي للجنوب اللي صغاره تطاول سادته=

[عبدالله اللبيدي]

رغم إنني من المؤمنين بأنه ليس هناك أحد فوق مستوى النقد والكمال لله وحده إلا إنك هنا أنت أستاذنا ومعلمنا الذي يوجهنا وانا اعتبر شخصي أحد طلابك ولم أصل إلى حد يؤهلني لنقد قصايدك وقناعتي ان بيت واحد تقوله يساوي كل ما أقول شعرا ونثرا

صح لسانك استاذي ابن الجنوب وننتظر الأستاذ السبيه ليضيف إبداع آخر

تقبل مروري واحترامي....

[الهجيــــر]

حوالينا ولا علينا يابن الجنووب
بغض النظر عن البعد الاخر
لكن القصيده راااااااااااائعه ومن الوزن الثقيل
صح لسااااااانك ملايين

[ملك الليل999]

صح لسانك يا ابن الجنوب
انت على روسنا وشاعر وقصائدك تفرض نفسها ولست بحاجه لشهادتى او شهادة احد
لك اطيب تحيه وتقدير

[شاعر بالمفضل]

يا اخي فيك الخير

وانت من افضل الموجودين من شعرائنا الكرام
قصد وغن وراسك الطويل يا صاحبي

صح لسانكـ واعتلا شأنكـ

[شايب العشرين]

طيب طيب ياشيخ
والله انك ونعم وشاعر لك وزنك وما معى الناقد الا عثره
طول الله عمرك يالذيب وننتظر دكتور الشعر ليكتمل الا بداع
دمت برعاية الله

[علي السبيَه]

صح لسانك ملايين ياابن الجنوب يامعلم ويشرفني مجاراتك
واعتذر عن التاخير لضروف خارجه عن ارادتي وخذني
من قيس المعرفه واذا ماناسبك الرد اشتاله واحذف به


الرد:علي السبيه=
.=
كل مبصر يميّز بين روس النوايف والجنوب=
واللي ما يثبتون الحُجّه في كل دعوى ما انصفتهم=
وش تضيّفت له لو من سنام الجمل والصدر ابيت=
نامن بالله وصلينا وقمنا على مكه بحجه=
شمس الاسلام دايم مشرقه ماهفت للمغربي=
ندري ان الحديد يذوب وبعد يجي للعود ناقد=
ابيرجع للريال المشتري لا فقدها ميته=
هنّج الكمبيوتر عن كثير البرامج قبل تعرف=
يرزم النّو ومجرى السيل شال الحجر والمادرا=
بعد ما لاحت ابروقه من اغيومه اتغير بغيره=
والسيول الغزيره كل وادي تطاول سادته=

[عاشق المها]

بدع ورد على أعلى المستويات ....صحّت ألسنتكم يالنشامى ...والحمدلله على سلامتك يابوطلال ...

[الحسين الشيخي]

الله اكبر

صحت ألسنتكم يالربع

[عبدالله اللبيدي]

صح لسانك ملايين يابوطلال

رد يجمل على وجهك كعادتك الله يوفقك

[إبن الجنوب]

أشكر كل من مر وعلّق كل واحد باسمه كما أشكر أخي علي السبيه على ردّه الوافي...