ويلاك يابن الجنوب

[ربيع الفاضل]

شرفنا ياشيخنا ابن الجنوب بالرد ان اعجبتك والا خلها للجن


كثر المخاليق من غير الرب اللي حصــــاهـــــا

والفرق واضح مابين الصقــــــــر والا الحدادي

والذيب ماهو كما زول الثعـــــالب وضبـــــــات

والنمر يخبط بكـــــــــفه قبل يدمي بنــــــــــــابه

ربيع

[شايب العشرين]

طيب طيب يا ربيع
ننتظر ابن الجنوب يواصل الابداع
موفقين يالنشاما

[إبن الجنوب]

صح لسانك ياشيخ ونفروا بيه إن كان خليتها للجن...لكن خذني من قيس المعرفه ...

الرد:إبن الجنوب=
*=
ياصاحبي مابنى في الديره إلآ حصاها=
ولا يثبّت ركون المنزل إلآ الحدادي=
بعد للابواب يتركّب حجولن وضبّات=
وكل حيدن يوجّهه المعلّم بنى به=

[عبدالله اللبيدي]

ربيع صح لسانك لكن وشمعك كل واحد تاهب له قصيده واحدة وتقفي عنه ودي تستلم كل واحد في قارعة لين أما تخرج قلبه وإلا أخرج قلبك

ابن الجنوب صح لسانك وسؤال على الطاير ورجاءا ما يجاوب عليه إلا الشباب الي عمره أقل من 25سنة أدري بتجاوبون كلكم عشان تبينون إنكم شباب

ماهو إسم مفتاح الضبة؟

[علي السبيَه]

الله الله على الابداع صح لسانك يا ربيع الفاضل ولسان معلمنا ابن الجنوب
اما سؤالك اللبيدي ولو ان عمري من فوق 25سنه لكن والله اني معرفه

[إبن الجنوب]

صح بدنك يالبيدي وليتك علمتني عن اسمه كان جبته في الرد بدل الحجول تعرف ماكان عندنا إلآ بوابات كهربه لكنك حسودي...

[إبن الجنوب]

الله الله على الابداع صح لسانك يا ربيع الفاضل ولسان معلمنا ابن الجنوب
اما سؤالك اللبيدي ولو ان عمري من فوق 25سنه لكن والله اني معرفه

صح بدنك يابو طلال وشاكرين مرورك...لاخلا ولا عدم...

[ملك الليل999]

صح لسانك ياربيع ولسان ابن الجنوب
والله يبيض وجوهكم

[ربيع الفاضل]

الشكر لكل من مر وعلق كل واحد باسمه وسلمتم لنا جميعاً اما المفتاح اعرفه لكن معين اعلم به

والقارعه الجايه عندك يابو محمد