كملت ذالليله ثلاثه وعشرين

[حسام الزهراني]

بسم الله الرحمن الرحيم

الحمدلله والصلاة والسلام على رسول الله وعلى آله وصحبه أجمعين


هذه قصيده اخواني الاعزاء كتبتها قبل سنه تقريبا..أرجوا ان تنال على اعجابكم..




اليوم بفرح واعلن العيد بسكات *** كملت ذاللــيله ثلاثــه وعشــرين

عمرن مضالي ولع الراس شيبات *** مازان وقتي وماضي العمر مازين

وش حيلة محاصر من اربع تجاهات *** همن وغمن ناحية غرب ويمين

وامرن يسوقه في دروب المتاهات *** زود جروحه طيلة ايام وســنين

ليت المظالم من عدوي اذا جات *** مير البلا لاجاتــني من قريبـــين

آهـــات قلبي زادت اليوم آهـــات *** والدَيــن همن ماكبر الهم يادَيــن

كلن كتب هرجن على الميل والشات *** وهذي هروج مصدقه بالبراهين


حســــام القنـبـر

نتقبل آراء النقاد ..وشكراووورد

[عبدالله اللبيدي]

صح لسانك ياحسام بصراحة أنا أعتبرها جيدة بما إنك كتبتها قبل سنه وإن شاء الله ربي يعطيك طولة العمر وتكتب أحسن منها

ولي ملاحظة بسيطة في البيت الثاني والثالث

في صدر البيت الثاني قلت عمرن مضالي وفي عجز البيت قلت ماضي العمر وجبت كلمة (ما زين) تحس إنها كلمة نشازفلوقلت مثلا
من ما جرا لي ولع الراس شيبات...في ما مضى ما شفت لي شين يزين

والبيت الثالث قلت من أربع تجاهات وقلت غرب ويمين برضها تحسها نشاز فلو قلت مثلا

محاصَرْ من الأربع الإتجاهات..همن وغمن جاء من شمال ويمين

وعموما لا تأخذ كلامي هذا على إنه الصح فهي وجهة نظر تحتمل الخطأ والصواب

وبقيت الأبيات ممتازة ولا عليها كلام وفكرة القصيدة بشكل عام رائعة وأعجبني جدا فكرة العيد بسكات فيه كسر للقاعدة لأن المعروف إن العيد ضجيج وفرح

لك حبي وتقديري

[حسام الزهراني]

حياك الله اخوي عبدالله اللبيدي ومرحبا هيل

صدقني انا اتقبل الملاحظات وكذلك النقد بصدر رحب عزيزي

لكن الابيات اللي انت ذكرتها هل هي موزونه؟؟

او موزونه على لحن اخر؟؟

بارك الله فيك عزيزي

[علي السبيَه]

قصيده رائعه جدا صح لسانك يا حسام ولك العمر الطويل انشاءالله

[عبدالله اللبيدي]

إلا موزونة وانت عشان يستقيم الوزن جبت (تجاهات) و(مازين)

أنا كلا مي عن المفردة فقط

[حسام الزهراني]

الاخ علي السبيه صح بدنك وشرفت الموضوع عزيزي

الاخ عبدالله اللبيدي مشكور على اضافتك عزيزي

[طلال الزهراني]

الله الله كفيت ووفيت ياحسام وبيض الله وجهك

واصل ابداعك والى الامام ان شاء الله

[حسام الزهراني]

حياالله ابو سعيد وجهك ابيض انا فداك
وانت بعد عطنا من قصايدك تراك شاعر اكبر مني :)