هات راسك يالبيدي

[علي السبيَه]

هات راسك يالبيدي


البدع:علي السبيه=
.=
اشوف الامداد عند اهل الثمر والمفارق=
من سبني زاد في قلبي الالم والبلا اسباب=
حنّيتك يا مزرع الايتام واحنان حبك=
بعد نلاقي الذي يعصى وبعد الق طاعه=
متى بعد يحصد الزرّاع ومتى تجينا=

[نيس الأجرد]

طيب ياخي .... مجار من السب ياسبيه ..... بلقى ردها خير ....


الله يعطيك العافية وننتظر اللبيدي

[علي السبيَه]

طيب ياخي .... مجار من السب ياسبيه ..... بلقى ردها خير ....


الله يعطيك العافية وننتظر اللبيدي

تسلم من كل شر يانيس الاجرد وشاركنا في
هذه المحاوره اللبيدي ماعين يقدر فيه الا انته

[نيس الأجرد]

انا ببدع بعد مايرد .... والا والله انكم الثنين مايقدر فيكم الا الله

[ملك الليل999]

هذي مو هات راسك هذي هات قلبك ههههه
عندك به
خلينا نتخرج الابداع
الله يسعدكم
صح لسانك وننتظر الردود

[عبدالله اللبيدي]

صح لسانك يابوطلال ويشرفني الرد عليك وعلى نيس الأجرد



الرد من اللبيدي=

.=
بعد الوفا ياحبيبي ما يجوز المفارق=
والهجر مكروه عند اهل المحبة بلا أسباب=
لوتدري انّك نضير الروح واحنا نحبك=
انك لتكسع تزيد الود بعد القطاعة=
ولا شغل فكرك إلا كيف ومتى تجينا=

[ابوفطيس]

تسـلـــم ياعلي السبيه
على هذا الأبـــــــداع الرائع يســـلم راسك

[ملك الليل999]

الله الله الله
صح لسانك ياابومحمد
ومتابعين الله يسعدكم

[نيس الأجرد]

البدع:نيس الاجر=
.=
سريت من راس شمرخ لين دور المشارق=
ادوراهل الزراعه ودي اخذ لي احباب=
وكل منشد بعاض الناس يقلون جن بك=
بعد نشوف الفنون الدهم والقى البراعه=
وبعد نجي السوق وبناخذ لنا متع بينا=

[ملك الليل999]

طيب طيب يانيس الاجرد صح لسانك

[نيس الأجرد]

صح ابدنك ياملك .... شجعني ياملك تراني من قيسيه ... طحت بين عبد الله وعلي وانا من جنبها

[صقر الجنوب]

ابو طلال مجار يا النشمي وصح لسانك على الابداع

[نيس الأجرد]

يالبيدي و ياعلي ... العذر من الله ثم منكم الساعه واحده وربع ... وانا علي الطلاق بالثلاث اني عندي دوام بكره ... وانتم شكلكم مطولين والليل احوى علينا ...لكن ان شاء الله مره ثانيه ومن بدري ...وجه الله تعذروني ..................ولو اني والله العظيم ودي بكم وبقصائدكم .....

[علي السبيَه]

تسـلـــم ياعلي السبيه
على هذا الأبـــــــداع الرائع يســـلم راسك

الله يسلم ويغليك وياابو فطيس والابداع يتجلا في مرورك الكريم

[صقر الجنوب]

ابو محمد بيض الله وجهك على الرد الوافي وصح لسانك وبدنك

[صقر الجنوب]

نيس الاجرد صح لسانك ملايين شاعر كبير بين الكبار

[علي السبيَه]

يالبيدي و ياعلي ... العذر من الله ثم منكم الساعه واحده وربع ... وانا علي الطلاق بالثلاث اني عندي دوام بكره ... وانتم شكلكم مطولين والليل احوى علينا ...لكن ان شاء الله مره ثانيه ومن بدري ...وجه الله تعذروني ..................ولو اني والله العظيم ودي بكم وبقصائدكم .....

معذور يانيس الاجرد وانا بعد مايرد اللبيدي
بااسجل بدع ونكمل المحاوره بكره ان الله احيانا

[علي السبيَه]

ابو طلال مجار يا النشمي وصح لسانك على الابداع

الله يجيرك من كل شر ياابو احمد والابداع يتجلا في مرورك الكريم

[ابوفطيس]

العذر يا ابومحمد
تراني ماشفت ردك على السبيه الابعد تعليقي
لاكنك وافي يشهد الله وشاعر له مكانه كبيره عند
الجميع أنت والاخ على ثنائي مرح و الجميع يكن لكم
كل الاحترام والتقدير

[عبدالله اللبيدي]

صح لسانك يانيس الأجرد ومعذور دوامك أبدى

أشكر كل من مر وعلق كل واحد بإسمه وانا فداكم كلكم



الرد من اللبيدي=

.=
أنصحك طنّش ولا تغدي بريقك مشارق=
ولا تعزوى تقل في كل يومٌ لي احباب=
لوكان الأصحاب فوق النار يقلون جنبك=
هذا زمانٌ يلف الراس والقلب راعه=
واللي من اول يدارونك غدوا متعبينا=

[علي السبيَه]

هذه اخر بدع الليله يالبيدي ونلتقي بكره ان شاءالله


البدع:علي السبيه=
.=
التّل ماينحسب ضمن الجبال الشواهق=
احرقت عودن ولا فوّح بخوره ولا طاب=
يا مرسمي عادت الالواح واللون ضدك=
تموت يامن ندرت التهم واتنوش افاعه=
وانحن على سنتك ياالمصطفى مسلمينا=

[عبدالله اللبيدي]

أبو فطيس الله يسعدك

تراني مدري على ايش تعتذر أنت رديت على علي ولا ايش

عموما مجرد مرورك أعتبره تاج على راسي وانا فدى وجهك

أنا مشكلتي ثقيل في الكتابة يالله حرف حرف وإذا فتحت المتصفح أقعد ساعة وكم مرّة ارد وإذا سويت تحديث القى الناس قد ردوا ومر كثيرين وعلقوا وانا على مهليه

أبد تراني أخوك الصغير تمون يابوفطيس

[إبن الجنوب]

ياسلام ياسلام اويه مادعيتموني كان خذت معكم جوله كل هذا حسد عموما صحت السنتكم وتعافت أبدانكم...

[عبدالله اللبيدي]

الله يحييك يابن الجنوب بكره خلك تحاوشنيه



الرد من اللبيدي=

.=
لا تاتعجل ترى بعد الزفير الشواهق=
كم مرّه أداوي العلة بقلبك ولا طاب=
ماعد بقي غير كية ناجحه وابنضدك=
والليلة ما ضنتي ينفعك من حد شفاعة=
بالموت ناوي لكم ولّا تجوا مسلمينا=

[إبن الجنوب]

أعجبتني قصايدكم وودي ادغدغكم ببدع مع العلم إن اللي يجي بغير داعي يقعد بغير فراش ...

البدع:إبن الجنوب=
*=
أقوله ياسيف شامي سكّت أهل المناطق=
ولا وقف ضدّه اللي في يده راس مشعاب=
الله على من تمعنى في نصابك وحدّك=
في خفّتك ماتزيد الفارس إلآ شجاعه=
قبلك تزول الرقاب العوج وإلا ابتلينا=

[عبدالله اللبيدي]

أفا يابن الجنوب انت ماتحتاج دعايه طال عمرك ترد وانا أصدر ومكانك في القلب والعين



الرد من اللبيدي=

.=
عبدالعزيز الملك وحد جميع المناطق=
ووثق الحد من نجران الى راس مشعاب=
مصيون(ن) يابلدنا في ترابك وحدك=
نعطي المسالم كرامة فال واللاش جاعه=
ونهلك ارواحنا دون الوطن لا ابتلينا=

[شايب العشرين]

طيب طيب والله كلام كثير
صحت الاللسن وتعا فت الابدان

[نيس الأجرد]

بدع / نيس الأجرد

يقول نيس انني لا خذت لي م المرا فق( أفيق )
واعرف قليل العوازم كلما جا بشيغاب
ياشيخ معّيني اطاولك بيدي وردك
ونمر تسعه يدك الارض وتجي وساعه
ويهدّ ذيك الجبال اللي في احنان سينا

[ملك الليل999]

طيب طيب يانيس
الله يبيض وجهك

[عبدالله اللبيدي]

صحت السنتكم ياربعيه وشكراً لكل من مر وعلق كلٌ بإسمه وسنه وعنوانه

أنا عندي مشكلة في النت والمتصفح ما يفتح على يسره لكن منكم الصبر ومني الإجتهاد



الرد من اللبيدي=

.=
أسير وحدي في الدنيا ولا لي مرافق=
مليت من صحبة اللي كلما جا بشي غاب=
لاعد يقل عفت بدعك يالبيدي وردك=
كررت درسي على الطلاب في كل ساعة=
ولا غديت انتشدهم قالوا احنا نسينا=

[علي السبيَه]

صح لسانك يانيس الاجرد ولسانك ياابو محمد
وانت ياابن الجنوب ماتحتاج دعوه انت الاول
ومشاركتك شرف لنا جميع


البدع:علي السبيه=
.=
ترى المعدّات شقّت مالجبال المنافق=
ياجمر منك الحديد ايذوب صلبه بك الذّاب=
ياوافر المال ودي للفقارى نصدقك=
واللي يشب الجمر مانابه الا لذاعه=
واحنا معانا الذهب صافي وياماس معنا=

[عبدالله اللبيدي]

طيب ياخيه صح لسانك



الرد من اللبيدي=

.=
ما يشعل الفتنة بين العالم الا المنافق=
والشرهة وتفرق الاخوان باسباب كذاب=
ولا معك شغل يالكذاب لوما نصدقك=
أشغلتنا في محطات الفضاء والاذاعة=
ما نفتكر وانحن اللي منك ياما سمعنا=

[نيس الأجرد]

يصحابنا ماعد ادري بينكم من نصادق
يقلون فالمجلس الملموم شي سم عقراب
وراعي السم ماندري عنه وشنوابك
والله والله والله لسحبه من كراعه
وانحن على كل مرقابن ومتحا وشينا

[عبدالله اللبيدي]

صح لسانك وتراك متجاوز الدور يانيس والله يخارجني منكم مخرجٌ جميل وش الله أنشبني معكم ياعفاريت الرفة



الرد من اللبيدي=

.=
الليله طاح اللبيدي بين كاذب وصادق=
هذا يسمع في الفايت وذا سمع أقراب=
ياراعي الكذب باحلق لحيتك واشنوابك=
مادمت تبدي وتذلف ما يجي منك راعه=
أقعد لحالك وباقي الناس متحاوشينا=

[نيس الأجرد]

والله لا ودبك ياكل كاذب وسارق
الله ياكم حلقنا من قضى روس وشناب
لكن ماحد درى للحين وش هو نصابك
في مقصدي كل رجالن بيفتل ذراعه
لكن في وجه اخوي الضيق واحناس رينا

[نيس الأجرد]

والله مايقدر فيك يكون ربي ... وانا وش عندي ضعيف

[عبدالله اللبيدي]

انت ذالحين ليش ما تلتزم بالدور يافرخيه




الردمن اللبيدي=

.=
الله ما حط روس أهل الزعامة وسى رق=
ينوب الأحرار فخرٌ لاكن الفرخ وش ناب=
والله لخيبت ياوجه الفقر من نصا بك=
تقعد تمتر صحاري خالية بالذراعه=
والمال جبناه يالرقاد واحنا سرينا=

[نيس الأجرد]

لي صاحبن شاف في عرض السما لاح بارق
ياكم سقيتوه من سم الحنش واقتلِع ناب
ياحبيبي رح ونم والله ربي وربك
وكل رجال لا قفّى ينفض شراعه
قدام يندر على قبره وله فيه دينا

[نيس الأجرد]

ياصاحبي طفشان ولا عيني اقعد اتحرا سراك ......مع ان السرا لي الله يصلحك

لكن كرامه ياصديقيه انا باغدي ارقد ورانا دوامات بكره .... وغيري يكمل معاك ....ملقانا بكره انفدا خشمك

واخيرا الله واكبر عليك ماشاء الله ياللبيدي شاعر متمكن وانا حليلي طحت بين السهم والدارجه... ولست في حاجة شهادتي ........الله يخارجنا منك وكان .......والله يعطيك العافيه وتصبح على خير

[علي السبيَه]

وش هذه اللخبطه ياربعي المفروض تلزمون السرى يوم مابدعت يانيس الاجرد
كان انتضرت ابن الجنوب لان الدور عنده وانحن في منتدى ماانحن عند الزير
على سعه لاكان نقعد في هذه القارعه سنه وبعد مايرد اللبيدي انتضرو ابن الجنوب
لين يبدع وانا بعده خلونا نتحاوش باللبيدي ان كان قدرنا فيه

[نيس الأجرد]

ياعلي والله العظيم اني فاضي وش اسوي مامعي الا اقصد مع اللبيدي ............

لكن العذر والسموحه ............انفداكم واهي لكم ............

[علي السبيَه]

ياعلي والله العظيم اني فاضي وش اسوي مامعي الا اقصد مع اللبيدي ............

لكن العذر والسموحه ............انفداكم واهي لكم ............

فداك اللاش ياالنشمي ولا صار شي كل شئ ملحوق

[عبدالله اللبيدي]

طيب إن كان شي صملة معك يانيس أفتح متصفح جديد وأنا حاضر لكن هنا كل واحد ينتظر دوره وإلا تولفتاها وما ودك حد يسبقك عليها (صادوه)



الرد من اللبيدي=

.=
وش فيدة اللي يولف فوق حب الشبارق=
ماهو كما اللي يحاضي وقت منتوج الأعناب=
خل أنت يانخل بيشه زاد تمرك وربك=
والبحر معروف ماحد يقطعه بالشراعه=
من جور موجه يغم الفهد والفيهدينا=

[صقر الجنوب]

صحت السنتكم جميعا شعراء نسعد بهم وبكلامهم وقصائدهم

[عاشق المها]

صحّت ألسنتكم يالنشامى على هذه المحاوره الراقيه ...

[شايب العشرين]

والله يا نيس الاجرد انك غزله
وشي غزاره انا ما يعجبني الا تالسواه
مقعد اسبوع وابدع وانتظر شهر للرد
بيض الله وجوهكم جميع

[نيس الأجرد]

شايب العشرين الله يعطيك العافية

اللبيدي انا ضعيف تبغى تتولجني لحاليه .....

لكن ان شاء الله متى مافضيت وانت فاضي قصدنا انا وانت ... لكن وشمعك عصبت عليه والله ماكنت اعرف بحركة السرا احسبن اللي موجود وجا سراه وماهلا هو ومن يرد ... خلاص يقصدون لين يجون الباقين ..... لكن فدا ياما غدا ......

[عبدالله اللبيدي]

مع إحترامي لك ولشايب العشرين هذا نظام المحاورة في المنتديات وبعدين المتصفح هذا فتحه السبيه وانا أشرت للموضوع إحتراما له
وبعدين انا تراني لا عصبت ولا شي والدليل إني أرد عليك ولا فيه شي يستاهل إن الواحد يعصب

والمثل يقول الزمان أطول من الضيعة

وأبد أنا ما تلقون من عندي إلا الطيب

[علي السبيَه]

بما انه حصل فيه لخبطه في هذه الصفحه لذالك انا بختم الصفحه
بقصيده ويرد عليه اللبيدي واشكر الشاعر نيس الاجرد على مشاركته
المميزه معنا في هذه الصفحه واشكر المعلم ابن الجنوب وشكري
وتقديري لكل من شرفنا بمروره الكريم ونلتقى في محاوره ثانيه


البدع:علي السبيه=
.=
جار الدركتل ودقّاق الجبال انتصا دق=
وفتفت احجارها واشتالها حمل قلاب=
قل يا جناح الدركتل جرت والله يهولك=
والفارس اللي مقنّع قام يكشف قناعه=
واما انت ياالهون مابك فايده وانت هينا=

[عبدالله اللبيدي]

وأنا بدوري أشكرك أستاذي علي السبيه وأشكر استاذي ومعلمي أبن الجنوب وأشكر استاذي نيس الأجرد وصحت السنتكم جميعاً

والعذر والسموحة لوحصل قصور



الرد من اللبيدي=

.=
ياصاحبي عف من الزعمة عشان انتصادق=
وانا دخيلك تعاف من الدجل والتقلاب=
ولا تدوّر بطمعاتك لشيٌ ماهو لك=
أعطيتك الشهد والصفري ولا شي قناعة=
ماعد معي لك يكون المُر خلاص أنتهينا=