الملز واللبيدي

[علي السبيَه]

تعقيب على تعليقك يالبيدي على قصيدتي الموجه
لبن الجنوب قلت ابدع هذا البدع اللي الله يكثر العيش


البدع:علي السبيه=
.=
وش باللبيدي يوم يهرج يوفي بالملز=
ياذا اللبيدي بق من هرجتك للناس بق=
ومقعدك محجوز وسط المدرج للخيول=
ما ترقب اللي وين ضيقة رفيقك والعنان=
والحرب في الميدان تسهل على خيّالها=

[نديم القوااافي]

طيب طيب يا ابو طلال صح لسانك ويشرفني ان اكون اول من مر على هذا البدع الراقي وننتضر اللبيدي ليحلق بنا في سماء الرد

[ملك الليل999]

طيب طيب ياابو طلال صح لسانك
وننتظر اكمال الابداع والترجمه من ابو محمد
لاعدمناكم

[عبدالله اللبيدي]

طيب طيب صح لسانك يابو طلال ويشرفني الرد طال عمرك



الرد من اللبيدي=

.=
شاهدت ميدان الحوية وميدان الملز=
الدولة سوّت للفروسية ميدان وسبق=
والكاس ما ياجي به إلا الجواد من الخيول=
بالفارس اللي ما لجمها ولا يرخي العنان=
صحيح من قال أعرف الخيل من خيّالها=

[ملك الليل999]

طيب طيب يابو محمد صح لسانك

[علي السبيَه]

طيب طيب يا ابو طلال صح لسانك ويشرفني ان اكون اول من مر على هذا البدع الراقي وننتضر اللبيدي ليحلق بنا في سماء الرد

صح بدنك ياابو سند ومرورك يشرفني واعتبره تاج على راسي

[علي السبيَه]

طيب طيب ياابو طلال صح لسانك
وننتظر اكمال الابداع والترجمه من ابو محمد
لاعدمناكم

صح بدنك يا ملك الابداع ومرورك يشرفني واعتبره تاج على راسي

[نيس الأجرد]

بيض الله وجيهم .. في هذا ... الأبداع .............لكم التقدير والأحترام

[علي السبيَه]

صح لسانك وبدنك يامعلمي وتاح راسي وتراني احب
امزح معك ادري ان خاطرك وسيع كما خاطري


البدع:علي السبيه=
.=
اقلط على صحن الموايد وتلقى ياخ رز=
واما المخالف مات من ضربنا والا شنق=
لكن عن اصحاب الكمال ابتعد صف يا قلول=
واللي يغالي شال آثام العرب واغلا ثمان=
ما همني شين الخلايق ولا معلولها=

[علي السبيَه]

بيض الله وجيهم .. في هذا ... الأبداع .............لكم التقدير والأحترام

ووجهك ابيض يانيس الاجرد ومرورك نعتبره تاج على روسنا

[نيس الأجرد]

واااصلوووووووووو واحنا معاكم ............. يعطيكم العافية

[عبدالله اللبيدي]

لك الله إن خاطري اقصف من سمع الأبره

لكن وش أسوي بك انت وابن الجنوب حبكم غلب جفاكم



الرد من اللبيدي=

.=
عنق الغضي ما ناسبه يابه حي الله خرز=
ولا الرخيص من القلايد ولا المرشوش نق=
إن كان ماهو ماس يلمع معا صفياق لول=
من الذي مشهور عند العرب باغلى ثمان=
وايديّه تلزم في كفوف تلامع لولها=

[نيس الأجرد]

ودي ادخل معكم بس بتقولون ملقوف هههععع................. لكن الله يوفقكم مبدع ياعلي في البدع بيض الله وجهك....واللبيدي ينقش من صفا وايضا له نصيب كبير من الأبداع ....بيض الله وجهك .....بصراحه انتم معلمين ............ الله يوفقكم ...

[علي السبيَه]

الله يحييك يانيس الاجرد يشرفنا مشاركتك وانت اللبيدي معلمين
وتشرفون كل من يقصد معكم ويستفيد من مجاراتكم كل شاعر
وانا عليمي وعلى قد الحال لكن اقبلو مني الميسور


البدع:علي السبيه=
.=
رز المثل للكفو ماقلت لك للاش رز=
واصمل وقلبك لا يجيه المخافه والشفق=
ناخذ سمين العلم ماقد خذينا من هزول=
واهل القضاء ربّو الخلايق ولا ونّو ربان=
والعالم اللي دارو الفتنه ويش اعمالها=

[إبن الجنوب]

علي السبيه
اللبيدي

صحت السنتكم وتعافت ابدانكم وقارعتكم صعبه شويه ...

[عبدالله اللبيدي]

صح لسانك ياخيه ابوطلال وأشكر كل من مر وعلق كلٌ بإسمه

وانت يانيس الأجرد إن بغيت تشاركنا الله يحييك


الرد من اللبيدي=

.=
ألمح بعينك للسما ماتشوف إلا شرز=
بعد يزول الليل بالفجر ويبان الشفق=
الله سبحانه خلق كل شيٌ وله زول=
ماغير الأعمى ما يشوف الخطر والنور بان=
والنار يوقدها وينشبّه من شعمالها=

[عاشق المها]

محاوره راقيه ومن العيار الثقيل ...صحّت ألسنتكم يامبدعين .

[نيس الأجرد]

امس سريت ارقد ... لكن سووو قارعه في يوم نكون كلنا فاضين فيه سواءا ثلاثية او رباعيه وناخذ لنا قارعه الله يسعدكم ...... ياليت قريتها من بدري على الطلاق اني معكم لكن فدا .... المرة الجاية

[شاعر بالمفضل]

طيب طيب طيب

هذا الكلام

السبيه

اللبيدي

صحت الالسن وتعافت الابدان

مبدعين كما عهدناكم

[شايب العشرين]

الله عليكم معلمين الا ثنين
بارك الله فيكم

[علي السبيَه]

تشرفت بمجاراتك يالبيدي يامعلمي وتاج راسي
ونلتقي في محاروه ثانيه وشكري وتقديري لكل
من شرفنا بمروره الكريم كلن باأسمه