من نور وجهك

[الهمس]

جيتك وانا مكتسي بالشوق يا عمري=اصيح واصرخ عطش والروح مكويه



حسيت من دونك ان الوقت ما يسري=وان الكواكب غدت باليل ممحيه



لا قلت بانسى ذكرت اسمك وانا مدري=اسرح بطيفك واعيش الحلم ليليه



البعد والهم تتسابق على صدري= والحل لا هو في ايدينك ولا ايديه



ياخوفي البعد يتغلب على صبري=واموت من كثر ما تشتاق عينيه



القلب لو ذاب في حبك فلي عذري=من لامني لاسكن بالقلب حوريه



مادامني في غرامك والهوى العذري=ابحر بفكري ولافكرت بالجيه



لا قال فكري سرينا قلت له بدري=توى الغرام ابتدى واليوم عيديه



ضيعت مدري وش التاريخ بالهجري=اخر سنه يوم غاب البدر عن ضيه



على العشا قمت اصبح لك وانا مدري =من نوروجهك حسبت الوقت صبحيه

[صقر الجنوب]

حي الله الأخ والصديق الغالي الشاعر الكبير الهمس فرحنا بهذه العودة والكل دائما يسأل عن الهمس وعاد اليوم الهمس بهذه الرائعة واتمنى بالفعل من كل قلبي إجراء محاورة في الشعر الجنوبي ومحاورة في شعر النبط


صح لسانك وبدنك ملايين على هذه القصيدة وهذا البيت الاروع على الاطلاق

على العشا قمت اصبح لك وانا مدري
من نوروجهك حسبت الوقت صبحيـه

[علي السبيَه]

مبدع كعادتك ياالهمس صح لسانك ملايين
والحمدلله على السلامه بعد طول الغياب

[د.ليل الوعد]

حي الله الأخ والصديق الغالي الشاعر الكبير الهمس فرحنا بهذه العودة والكل دائما يسأل عن الهمس وعاد اليوم الهمس بهذه الرائعة واتمنى بالفعل من كل قلبي إجراء محاورة في الشعر الجنوبي ومحاورة في شعر النبط


صح لسانك وبدنك ملايين على هذه القصيدة وهذا البيت الاروع على الاطلاق

على العشا قمت اصبح لك وانا مدري
من نوروجهك حسبت الوقت صبحيـه الف تحية ومليون سلام لعودتك ولكم سعدنا بذلك كما تسعد الصحارى بهطول المطر

[بحوور]

ياخوفي البعد يتغلب علـى صبـري
واموت من كثر مـا تشتـاق عينيـه
القلب لو ذاب في حبك فلـي عـذري
من لامني لاسكـن بالقلـب حوريـه
مادامني في غرامك والهوى العـذري
ابحـر بفكـري ولافكـرت بالجيـه
لا قال فكري سرينا قلت لـه بـدري
توى الغرام ابتـدى واليـوم عيديـه...
بل اليوم أخي الهمس هو العيد أن تطربنا بلحن قصيدتك الجميله
لا تقطع علينا أرتوائنا من ينبوع الشعر العذب ننتظر جديدكم
دوما،،،
من المبدعين نطلب الاكثر فحق لنا وحقاً عليكم أن تجيبوا طلبنا
فنحن نقف على بوابة شعركم فهل لا فتحتم الباب ومن عطايا الشعر تجودون على اخوانكم وأخواتكم من منتسبي منتدى رباع

لا عدمناك وننتظر ابداعاتك أختك بحوور

[أبـو مشاري]

يا ربي تحيه

وتبارك فيه

نور المنتدى بطلتـك الغالية

عسى الله لا يحرمنا من تواجـدك العطر

[غرور]

صح السانك
ابيات جميله من شاعر عذب روائع جدااااااا موفق بإذن الله ... لك مني أجمل تحية .
غرور انثى

[رشة مطر]

صح لسانك ,,