تسجيل الدخول

مشاهدة النسخة كاملة : قصيده لمن اراد

الهمس
27/02/2009, 11:18 PM
طبعا هذا قصيد والمحاوره مفتوحه للجميع والي يرد يتفضل بعد يومين ارد ان لم يرد احد
مع احترامي للجميع

امسي وانا ادور شفت ان العصا ملَ بيدي=
وشفت شيبه مغرق بالدما وابن سلمان=
الشيبه من عام الاول قايل الماس بيه=
تخبطوه الجنون او كسروا له عضامه=
عبدالله اللبيدي
27/02/2009, 11:42 PM
الحقيقة انا احترم الهمس شاعر كبير وعلى راسي والكلام في القصايد لا يعني الا المداعبة والمزح

الرد من اللبيدي

الهمس قام يتراقف من كلام اللبيدي
باكتفه وانت تكفى كتفه يابن سلمان
ولو تعبنا طلبنا فزعة ابن السبيه
اثر الحصار اتعب المسكين والمنع ظامه


وسلامتكم
هاوي الشعر
27/02/2009, 11:53 PM
وفقكم الله شف ياللبيدي لازم المداعبه تستمر على الاقل قصيدتين

منتظرين الهمس
الهمس
28/02/2009, 12:11 AM
والله وانا احترم الجميع وانت اولهم وجميل انا تكون المداعبات شعريه وانت تمون


الفرق واضح ما بين اهل اليمن والسعودي=
كما الفوارق مابين المازحي وابن جبران=
كم قبلكم يا لبيدي طاح واصبح ضحيه=
والهمس لا قال كلمت حق جته الملامه=


( شاعرين المازحي مسوي زحمه في شارع فاضي وهو كنيه عن واحد مسوي شاعر وابن جبران غني عن التعريف)
همسة شوق
28/02/2009, 12:17 AM
الهمس
عبد الله اللبيدي
صحت السنتكم ياشعراء
يعطيكم الف عاافيه
لاهنتم ....
عبدالله اللبيدي
28/02/2009, 12:38 AM
اشكر هاوي شعر والاخت همسة شوق على المرور العطر وانت ياصاحبي الهمس
الله يسعدك ليش ماصبرت شوية يمكن اخويانا يشاركون
صح لسانك انا شكلي زي الفقيه اللي يحظر الجن ولا يقدر يردهم الله يعينني عليك


الرد من اللبيدي

السيل الى مر ديرة ضيقة وسع اودي
من جوره اغدى صليب الصخر واللبن جبران
واللي رقد وسط غزر السيل واصبح ضحيه
ما يبصر الا الذي يقدا تفرق ملامه



وسلامتكم























































ء
هاوي الشعر
28/02/2009, 12:51 AM
الله الله دخيلكم كملوا بكره عشان الدوام ودمتم
بدر البدور
28/02/2009, 02:33 AM
يعطيكم العافيه
وصت السنتكم
وعساكم على القوه
واصلو وحنا متابعين
بن سلمان
28/02/2009, 02:46 AM
طيب طيب ياخييييي صح لسانك يالهمس واللبيدي كفى عنا ووفى ويبغيني اكتفك ليتني اتخارج لاتكتفوني انت وياه والسبية يتفرج.وأصلوا وحنا متابعين الله يوفقكم
عبدالله اللبيدي
28/02/2009, 03:16 AM
شف يابن سلمان اما توقعون انت والسبيه انكم ما تقدرون واتركوني انا والهمس لين الله يبدي ببادي خير واني فيه من لحقكم الى نشبت اوقع زيكم والحمد لله انا مابعد هبوا لي الا وسام واحد . ولا تجون يمكن الله يعطينا عليه وان كان اني اشك انه قد اخرعكم قدام ذا الحين ........وش رايكم بالحرام لنشبتم ليتك ما مريت وعلقت يابن سلمان
علي السبيَه
28/02/2009, 01:47 PM
صح لسانك ياالهمس وصح لسانك يالبيدي
وانا وبن سلمان في المدرج نتفرج
عبدالله اللبيدي
28/02/2009, 05:20 PM
شوف يالسبيه حتى ان كان ودكم ترتاحون من الفرجة يكون احسن واذا مابقي الا انا وصاحبي الهمس ما عليكم منا بنصطلح وحلم الله وسيع كل يوم نسوي لنا قصيدة وننتسم انتم اللي كنا ندور لكم لكن؟؟؟؟؟؟؟؟؟؟؟؟؟؟
رياض
28/02/2009, 05:29 PM
اني باجيبها لك بلهجة صقر الجنوب ...
تبي الصراحه والله يالبيدي انك عن عشره تكفي في جماعه تعلهم بالمناهل الشعريه اللي تملكها خلك من السبيه وابن سلمان عندهم ماكفاهم ياخه ... اما انت والهمس اجتهدوا والله يرعاكم ... اما انا اني باتمدد واقعد اطالع فيكم انت والهمس لو كان لاصبح بكره ....
عبدالله اللبيدي
28/02/2009, 05:42 PM
رياض ماعليك زود والله لا يهينك لكن ان كان ودك بالصدق هيا نروح انا وياك وندور لنا صفحة ثانية ونتمدد عنها
بن سلمان
28/02/2009, 06:04 PM
ياللبيدي تخارج من الهمس ذالحين ولك عندنا حساب انا والسبية على روقه ودور لك رفيق كفو يسندك والله يعيننا ويعينك مدري تاكل معنا عيش ولا ماتاكل,
عبدالله اللبيدي
28/02/2009, 08:15 PM
شف يابن سلمان انت والسبية انا بصري معينه يخص بي وانا والهمس والباقين اللي في المنتدى لباس لبعضنا واي واحد يشرفني اعتزي به وما دام انكم تخليتم انت والسبيه عن القارعة وش عليكم منا يعني لا منكم ولا كفاية شركم
الهمس
28/02/2009, 08:35 PM
اللبيدي المعذره على التاخير لكن مشاغل وبعدين رباع اليوم مسوي ثقيل يمكن من ثقل ابن سلمان والسبيه
دعابه


البدع
يالله نعناك من ظلم العجم واليهودي
تشتت الناس يا كثر المذاهب والاديان
حتى زيود اليمن سبوا هل المالكيه
بعد يجي يوم لهل القات يبكي كلامه
عبدالله اللبيدي
28/02/2009, 09:09 PM
صح لسانك يالهمس ومن جاء ما ابطى وانا معك ان شاء الله لين الفجر وبكرة ان الله احيانا عندي دوام24ساعة ونعود نكمل والشيطان ملعون

الرد من اللبيدي


يالهمس وش فيك تبغي اللي بخيل(ن)يهودي
والقرش مصرور ما يخرج لمقضى ولا اديان
حلف لياهب لكف(ن) يلمس المال كية
وان شاف ولده حزن لاجلك ويبكيك لامه

وسلامتكم
الهمس
28/02/2009, 09:47 PM
والله انك كفو ومجاراتك شرف وانا اعتبر اني اجاريك ما اقارعك لانك بحر ما شاء الله عليك
وكفوا والله ولا يهونون الربع واي واحد اعتبره كفو ولا في رباع واحد ماهو كفو كلهم رجال يشرفون على راسي وانا اقلهم
اما عن الوقت خلها على ربك بس
ولولا عشقي لكم ما وجدت وقت اكتب فيه


تقول ياجار وينك ما تجي وانت ميدي=
تراه يدري عن الاحداث لكن شفقان=
يخاف يبدي براسه يالبيدي ونحنيه=
كم واحدٍ يالبيدي قال يالله السلامه=
عبدالله اللبيدي
28/02/2009, 10:13 PM
صح لسانك وبيض الله وجهك وما عليك زود الشرف لي طال عمرك والجميع كفو وكلنا في النهاية اخوان ونتعلم من بعضنا وعز الله انه منتدى وافي بوجودكم وانت لا والله ماانت الاقل الا ونعم وكفو وتراني مبسوط على صراحتك في بعض المواقف انا تابعت تعليقك عليها....

الرد من اللبيدي

بعد نقصرك ياحبل الردى وان تميدي
ماهو كما الشمس تجري فب غسوق(ن) وشفقان
وراعي الزعمة اللي قال شفني ونحنيه
حتى ولو جا مسلم ما قبلنا سلامه


وسلامتكم
علي السبيَه
28/02/2009, 11:13 PM
يالله عقلي وداعتك وش ذا الدهيف هذا وانحن ماهلا مرينا
مرور الكرام تدرون شغلكم لا يختلف وانا اشهد انكم وافين
صقر الجنوب
01/03/2009, 03:38 AM
صحت السنتكم يالنشاما شعار كبار كبار بكل المعاني
وكنا فعلا نتمناها رباعية
الهمس شاعر كبير كبير
اللبيدي شاعر كبير كبير
تدرون مافيكم حيلة
عبدالله اللبيدي
02/03/2009, 01:14 AM
والله شرفتنا بمرورك العطر يابو احمد

الله لا يحرمنا منك

حتى حنا كان ودنا تكون رباعية لكن خيرها بغيرها
الهمس
02/03/2009, 05:57 PM
ما عليش البيدي يشهد الله اني انتظرك بشوق لكن احتراما لما قلته انك ستتغيب اربع وعشرون ساعه
تأخرت عشان كذا
وتراك تطرب الي ما يعرف الغنا

البدع
السبع لامن ورد فوق المناهل ورودي
تشوف الاغنام تجفل عن غدرهاوالاعيان
حتى رعاة الغنم تشرد بروحٍ ضميه
ونافخ النفس طاحت هيبته واحترامه
بن سلمان
02/03/2009, 06:56 PM
اخي الهمس صح لسانك على الابداع الاكثر من رائع ولاهو مستغر على مثلك

حبيت استفسر عن بيت ياليت توضح لي عنه(ونافخ النفس طاحت هيبته واحترامه) وش قصدك بنافخ النفس هل هو المتكبر؟اذا كان كذلك فارجو ان تقبل مني هذا التعديل البسيط من اخوك الصغير(وشايف النفس) .لان نافخ النفس أو الروح هو الله.
عبدالله اللبيدي
02/03/2009, 06:56 PM
ياجعلني فدى وجهك يالهمس عز الله انا اللي لي الشرف طال عمرك

صح لسانك يالنشمي

الرد من اللبيدي

تجنبي الشر ياروس الجهالة ورودي
ما قبلك الا اهل بلجيكي رصاصه ولعيان
الى رموا به لهد اكبر جبل ناض ميه
من امرهم تاخذون اكبر عطا واحترامه

وسلامتكم
علي السبيَه
02/03/2009, 07:17 PM
وشبكم بديتم تهرقلون من بدري؟
الهمس
02/03/2009, 10:15 PM
السبيه وش بيك يا عيني كني شايفك تقوم وتقعد تو الناس بدري اليل توه استوى
ليلك طويل يا سبيه
ابن سلمان حياك الله ودعني اقبل رأسك اولا على اللفته الجميله
تعديلك جميل بس الله يهديك انت زي الي يقول كلمة باي( bye) تخرج من المله
والنيه صافيه ان شاء الله وانا يشهد الله ما قلت كذا عشان انتقدتني بالعكس كلامك صحيح
بس عشان احيانا نكون ما نقصد بكلمه تفهم خطأ ربما انت الوحيد الذي اتجه بذلك التفسير


انا تعمدت استخدام نافخ النفس لان اللهجه الدارجه حولنا مو حولكم تفهم بالكبرياء والغطرسه
بس تدري اجمل ما في الكلمة انها اكدت لي شيء في بالي وكذا اقدر اقول انا ماشي صح واللبيدي ميه ميه
اقف لك احتراما وفعلا كلمة وشايف النفس او ورافع الخشم في محلها الصحيح
واتشرف بالمتابعه

اللبيدي وش اقول كلاك شهد مصفى والله ان لي الشرف طال عمرك بمجاراتك
وانا اسجل واستفيد من كل ما تقدمه
محفوظه بماء من ذهب هذه المحاوره



البدع=
الملك لله ما قلنا لغيره وجودي=
والظلم والزيف والتدليس لبليس عنوان=
والي مشى في دروب ابليس واصبح وليه=
ضاعت صلاته ولا ادري كيف يقضي صيامه=
علي السبيَه
02/03/2009, 10:40 PM
اقتباس:
المشاركة الأصلية كتبت بواسطة الهمس http://www.ruba3.com/vb/tl4s_ruba3/buttons/viewpost.gif (http://www.ruba3.com/vb/showthread.php?p=248185#post248185)
السبيه وش بيك يا عيني كني شايفك تقوم وتقعد تو الناس بدري اليل توه استوى
ليلك طويل يا سبيه




ياحسره من ايش نقوم ونقعد مافي شي يستاهل والقباحه ماحد خذا منها سنام
الهمس
02/03/2009, 10:44 PM
اقتباس:
المشاركة الأصلية كتبت بواسطة علي السبيَه http://www.ruba3.com/vb/tl4s_ruba3/buttons/viewpost.gif (http://www.ruba3.com/vb/showthread.php?p=248193#post248193)
اقتباس:

المشاركة الأصلية كتبت بواسطة الهمس http://www.ruba3.com/vb/tl4s_ruba3/buttons/viewpost.gif (http://www.ruba3.com/vb/showthread.php?p=248185#post248185)
السبيه وش بيك يا عيني كني شايفك تقوم وتقعد تو الناس بدري اليل توه استوى
ليلك طويل يا سبيه




ياحسره من ايش نقوم ونقعد مافي شي يستاهل والقباحه ماحد خذا منها سنام



سبيه يالغالي اسعد الله صباحك ياخي اقصد تقعد وتقوم طربا
الله يسامحك يا ابو طلال الفهم الخطأ يولد الزعل
اعتذر منك ابو طلال لو كنت زعلت انا فعلا ما قصدت والله
سامحني سيدي
بس السنام ؟؟؟؟؟؟؟؟؟؟؟؟؟؟
عبدالله اللبيدي
02/03/2009, 11:04 PM
اولا يالربع احنا اخوان والجفا ماهو طيب بيننا والحقيقة ان المزح لا يجب ان يوصل بنا الى الحقد والقصايد ماهي قرآن منزل وانا بعد اذنكم بعد هذا الرد لن اواصل القارعة احتراما للمنتدى
اشكر الاستاذ والشاعر الهمس على ثقته بي ان اكون المحاور معه واتمنى ان نكرر المحاورة مع الشاعر الهمس وباسلوب اخر اتمناه حول الغزل والعواطف
الشكر موصول لكل من مر معنا

الرد من اللبيدي

بالله يايدي تعني بالهدايا وجودي
لجل السبيه وبن سلمان ماهوب عنوان
مادام عيني ترى ماهي بنصب احوليه
يالهمس الى اوميت مقناصك لمقناصي آمه


وسلامتكم
هاوي الشعر
02/03/2009, 11:10 PM
الله يبض وجوهكم في هذا الابداع

امتعتمونا جعل مثواكم الجنه
الهمس
02/03/2009, 11:19 PM
بسم الله الرحمن الرحيم
عزيز وغالي ولا يهونون الشباب
وهذا قرارك يالغالي ولا اجد الا النزول عند رغبتك وانا تشرفت بمحاورتك
واعتقد كل السالفه مزح وتبادل مداعبات ما كان هناك ما ييسيء لأحد
بس شيء غريب ماهو انت الغريب الجمهور الحبيب تفاعل شويه زياده
بس ما رايت ما يزعل حتى منهم اراء وانا اتقبل الأراء
وزي ما تفظلت القصائد ليست قرأن منزل ماهي الا اجتهادات ومحاولة للقصيد
لكن تدري يسلم راسك وروسهم تقفل الصفحه
وتبقى ذكرى جميله وتحفض كمحاوره مميزه ايظا.
لكم مني جميعا التحيه وتقبلوا مودتي
بن سلمان
03/03/2009, 01:51 AM
ياخوان بكل صراحة لنا حول أسبوع يظهر منا أشياء مالها داعي وكلام كثير يسمى أن صح التعبير بالثرثره وانا واحد من الناس ذولا وهذا مكان محاورات وشعر ماهو هرج.مادري وش القصه صرنا من أي كلمه نتأثر ونفتح لها ميت باب.وحنا رجال ماحنا اطفال .فأتمنى من الجميع وأنا أصغركم سناً وأقلكم معرفه أن يكون بيننا الود والمحبة ولا نهتم من كل مايقال ومايثير الشحنا والبغضاء.وانا اول من سيبدأ بهذه الطريقة أن شاء الله لان واجب الانسان يعدل عيوبه قبل عيوب الناس.وسلامتكم
صقر الجنوب
03/03/2009, 02:41 AM
كلكم وافين .. جعلتم سالمين
وكلكم ونعم .. وتسعدون كل من يتابعكم
دائما على المحبة نلتقي
و في النهاية قصائد مزح ومداعبة
والقلوب ان شاء الله انها عامرة بالمحبة والوفاء
وانا مع دعوة اخي بن سلمان ولو اني متاكد ان قلوبكم
جميعا عامرة بالمودة والمحبة وكلنا في مجلس واحد
نجتمع لنبدع وننشر الابداع ليسعد به من يقرأه

تحيتي واحترامي لكم جميعا