شرفني ياالهجير

[علي السبيَه]

شرفني ياالهجير بالرد على هذا البدع ان كان ناسبك


البدع:علي السبيه=
.=
ياشيخ رمي الخطاء ماهو شبيه العميد=
واللي ترى مقبلن ماهو كما من ذهب=
والبندق اعرف رقموه يافتى والنمور=
يابحر منت ابشبه زمزم ولا ماك ماه=
تدعي للم الشمل يا نادي الاتحاد=
واصواتنا حاميات وتغل بالانديه=

[شاعر بالمفضل]

وتغلب الانديه وتغلب الانديه


صح لسانكـ يا ابو طلال


والعميد قدامه الليوث

[علي السبيَه]

وتغلب الانديه وتغلب الانديه


صح لسانكـ يا ابو طلال


والعميد قدامه الليوث

صح بدنك يااستاذي والعميد انشاءالله يغلب الليوث

[الهجيــــر]

كيف ما يعجبني يا علي


الرد=
تحية إجلال مني يا فريق العميد=
يستاهل النادي اللي سيرته من ذهب=
كل النوادي تهابك يا فريق النمور=
حاز التميز وبين الانديه ما كماه=
سبحان من ميزك يا نادي الاتحاد=
حتى في اسوا ظروفك تغلب الانديه=

[شاعر بالمفضل]

كيف ما يعجبني يا علي


الرد=
تحية إجلال مني يا فريق العميد=
يستاهل النادي اللي سيرته من ذهب=
كل النوادي تهابك يا فريق النمور=
حاز التميز وبين الانديه ما كماه=
سبحان من ميزك يا نادي الاتحاد=
حتى في اسوا ظروفك تغلب الانديه=


الله اكبر يا شيخ

والله اني احب العميد لكن الشباب ابدا


صح لسانكـ يا الهجير

[المحيط الهادي]

ياسلام ياسلام
بدع ولا اروع من السبيه ( توجيه جميل )
ورد على مستوى من الهجير ( لحام عبدالله هاشم ) على قول ابو رزق
صحت الالسن وتعافت الابدان

[شايب العشرين]

الله عليك ياسبيه في هذا التوجيه الفاجر وردود انكر بعد
لاكن ما ودي خذتم نادي الخدم كان شفتم غيره احسن اصه
في اواخره انتهى
بيض الله وجوهكم وموفقين يا رجال

[هاوي الشعر]

توجيه همه ولا الومه لانه اتحادي اما الهجير وش اقول في هذا الرد
المترابط وكانه حبكة قصة من راوي

[ملك الليل999]

ابو طلال -- الهجير
ميه على ميه
الله يوفقكم

[إبن الجنوب]

السبيه
الهجير
صحت الالسن وتعافت الابدان...تقبلوا مروري وتقديري...

[صقر الجنوب]

السبيه
الهجير

صحت السنتكم وتعافت ابدانكم وانا اشجع الاتحاد اكراما لوالدي الغالي

[علي السبيَه]

صح لسانك ياالهجير والله انك استاذ للبدع والرد ومجاراتك شرف
لكل من يقصد معك وودي ابدع لك بدع جديد على القارعه والمقصد
استمتع بردودك المحكومه ياحاكم القيفان والمعاني


البدع:علي السبيه=
.=
سيف العداله يجازي من سرق واقتص ايد=
هبّ الهوى من علو النّيف والفلق هب=
ماعد تشوّق معازيف الغُنى والطيور=
تتريّح ارواحنا واقلوبنا منسماه=
ولا شربنا من الماء لا تغيّر وصاد=
ياكم مساقي دمرها الدّفن والرّدميه=

[علي السبيَه]

ياسلام ياسلام
بدع ولا اروع من السبيه ( توجيه جميل )
ورد على مستوى من الهجير ( لحام عبدالله هاشم ) على قول ابو رزق
صحت الالسن وتعافت الابدان


تسلم ياالمحيط الهادي وصح بدنك ياالطيب ونشكر لك مرورك الكريم

الله عليك ياسبيه في هذا التوجيه الفاجر وردود انكر بعد
لاكن ما ودي خذتم نادي الخدم كان شفتم غيره احسن اصه
في اواخره انتهى
بيض الله وجوهكم وموفقين يا رجال

ووجهك ابيض ياشايب العشرين وانا اتحادي صميم واللعيبه
ماعلى منهم عبيد والا من الاشراف اهم شي الاتي موج البحر
ونشكر لك مرورك الطيب ياطيب

توجيه همه ولا الومه لانه اتحادي اما الهجير وش اقول في هذا الرد
المترابط وكانه حبكة قصة من راوي

تسلم يا هاوي الشعر ونشكر لك مرورك الطيب ياطيب


ابو طلال -- الهجير
ميه على ميه
الله يوفقكم

انت اللي ميه على ميه ياابو احمد ونشكر لك مرورك الطيب ياطيب

السبيه
الهجير
صحت الالسن وتعافت الابدان...تقبلوا مروري وتقديري...

حياك الله يا معلمنا وصح بدنك ومرورك يشرفنا ونعتبره تاج على روسنا

السبيه
الهجير

صحت السنتكم وتعافت ابدانكم وانا اشجع الاتحاد اكراما لوالدي الغالي

الله يسلمك ويسلم والدك الغالي ياابو احمد واللي يفهم في الكوره
يشجع الاتحاد وتحياتي لك وللوالد العزيز واشكر لك مرورك الكريم

[أبويحيى]

صحت السنتكم والله يعطيكم العافية

[الساهر]

بدع رياضي ورد بهجمة مرتده تثمر عن تحقيق الهدف


وبعد العميد بدع جديد وننتظر رد لحام كما عهدنا الهجير

[الهجيــــر]

الرد=
آنا رقد جفن عيني وأثركم وقت صيد=
ما تتركون الحبارى والحجل والقهب=
لا راحت الطير وش نبغي بعش الطيور=
حتى الصقر تنزلونه يا علي من سماه=
اللي بغى يترك البندق تغير وصاد=
والا صدر سرب من صيده يورد ميه=

[شايب العشرين]

تسلمون يالنشاما وبيض الله وجوهكم جميع
لاكن يالهجير وياعلي السبيه طاير القهب ما قد سمعت به سمت بدار القهب
اما هذا الطائر عجيب علومونا به انا علمتكم عن طائر الحبرك حتى نستفيد
وننمي الثقافه لا اقل ولا اكثر موفقين

[علي السبيَه]

صحت السنتكم والله يعطيكم العافية

صح بدنك ياابويحيى وتشكر لك مرورك الطيب ياطيب

بدع رياضي ورد بهجمة مرتده تثمر عن تحقيق الهدف


وبعد العميد بدع جديد وننتظر رد لحام كما عهدنا الهجير

تسلم ياالساهر ونشكر لك مرورك الطيب ياطيب

تسلمون يالنشاما وبيض الله وجوهكم جميع
لاكن يالهجير وياعلي السبيه طاير القهب ما قد سمعت به سمت بدار القهب
اما هذا الطائر عجيب علومونا به انا علمتكم عن طائر الحبرك حتى نستفيد
وننمي الثقافه لا اقل ولا اكثر موفقين

الله يسلمك ويغليك ياشايب العشرين اما طير القهب طال عمرك
فهذا نوع من انواع الحجل واسئل عنه كبار السن ويعلمونك عنه

[شايب العشرين]

تسلم يابو طلال والله معلومه جديده منك استفيدها يعلم الله
الله يخليك ذخر لنا ومدرسه لهذا الصرح العضيم رباع
والله يحفضك ويحفظ لك غاليك يالذيب
مجمل ولك ودي واحترامي

[عبدالله اللبيدي]

السبيه

الهجير

صحت الألسن وتعافت الأبدان بالنسبة للقهبي اللي أعرفه إنه ذكر الحجل الكبير والمعمّر وحجمه أكبر من الحجل شوي

أما الكورة فكرهني فيها الأهلي والمنتخب والظلم التحكيمي وعشان خاطر السبيه اليوم باشجع الأتحاد

شفت كيف روحي رياضيه ترى حتى الهجير أظهر روح رياضية وزاد لأني أعرف ميوله

[علي السبيَه]

البدع:علي السبيه=
.=
شغل المكاين ترى مايشبهه حبّك ايد=
والخيمه ماوثّقو بيبانها باالعتب=
ياصاحبي لا توصّي ضايعن والغرور=
والبحر عدّه غزير ومن شكى من جفاه=
تجري شهور السنه شهرن نقص شهر زاد=
ولا يوقّف مسار ايامنا الجاريه=

[علي السبيَه]

تسلم يابو طلال والله معلومه جديده منك استفيدها يعلم الله
الله يخليك ذخر لنا ومدرسه لهذا الصرح العضيم رباع
والله يحفضك ويحفظ لك غاليك يالذيب
مجمل ولك ودي واحترامي

تسلم ياالذيب واحنا كلنا واحد نفيد ونستفيد من يعض

السبيه

الهجير

صحت الألسن وتعافت الأبدان بالنسبة للقهبي اللي أعرفه إنه ذكر الحجل الكبير والمعمّر وحجمه أكبر من الحجل شوي

أما الكورة فكرهني فيها الأهلي والمنتخب والظلم التحكيمي وعشان خاطر السبيه اليوم باشجع الأتحاد

شفت كيف روحي رياضيه ترى حتى الهجير أظهر روح رياضية وزاد لأني أعرف ميوله

صح بدنك يا معلمنا وتاج روسنا وشكرا لك على الشرح الوافي
وبعدين انت خلك اتحادي وشلك بباقي الانديه كلهم ماعندهم سالفه

[الهجيــــر]

الرد=
مادري تدور زعل والا معك حب كيد=
آغيب ماهيب ضيقه وأعتبرها عتب=
لا تحسب اني من أصحاب الكبر والغرور=
انت الوحيد الذي ضاق الفضا من جفاه=
ان كان تقرا في التاريخ عن شهرزاد=
يوم انقذتها كتابات أختها الجاريه=

[عبدالله اللبيدي]

طيب طيب صحت اللسن متابع بشغف ومالك عذر ياخال فاز فريقك وبإبداع

هات إبداعك كعادتك لا تفك للهجير

[علي السبيَه]

البدع:علي السبيه=
.=
ندري من اللي عمر في مصر قلعة رشيد=
ما نعلم الغيب لكن نقتري في الكتب=
وان كان عندك روايه من قديم الدهور=
لا تفتري وانت ماتدري الخبر من رواه=
يا حيف حتى الخوي يضمر بغيضه وكاد=
ويتّهمنا وضيقاته لنا باديه=

[إبن الجنوب]

ويـتّـهــمــنــا وضــيــقــاتــه لــــنـــــا بــــاديـــــه

الله عليك ياسبيه مبدع وما سلمنا من التعبات وانحن بعد جهله خل ذالحين كل مالها تزيد

[الهجيــــر]

الرد=
يابو طلال أنت تفهمنا وعقلك رشيد=
مجار ماحد يقل يا صاحب الملك تب=
في غزر الاهوار لو جانا الضما مد هور=
قصايدك غصن ينهل الثمر من رواه=
لو عندنا لك قتيل وهاك علمٍ وكاد=
والله لنابا على سجنك ونابا ديه=

[علي السبيَه]

الرد=
يابو طلال أنت تفهمنا وعقلك رشيد=
مجار ماحد يقل يا صاحب الملك تب=
في غزر الاهوار لو جانا الضما مد هور=
قصايدك غصن ينهل الثمر من رواه=
لو عندنا لك قتيل وهاك علمٍ وكاد=
والله لنابا على سجنك ونابا ديه=

صح لسانك ملايين ياالهجير يااستاذ الشعر وقصيدتك
اعتبرها تاج على راسي ولي عضيم الشرف بمجاراتك
ولا انا الا طالب في محاضره مع استاذه واسمحني ان
حصل مني قصور ونلتقي في متصفح اخر

[علي السبيَه]

طيب طيب صحت اللسن متابع بشغف ومالك عذر ياخال فاز فريقك وبإبداع

هات إبداعك كعادتك لا تفك للهجير

صح بدنك يا معلمي وتاج راسي والعميد بيض الوجه الليله
وعلى الله يستمر في ابداعه ومرورك نعتبره تتويج لهذه
الصفحه المتواضعه

ويـتّـهــمــنــا وضــيــقــاتــه لــــنـــــا بــــاديـــــه

الله عليك ياسبيه مبدع وما سلمنا من التعبات وانحن بعد جهله خل ذالحين كل مالها تزيد

تسلم يا معلمنا الاول والله يبعد عن تعبات الزمن
ومرورك يشرفنا ونعتبره تاج على روسنا

[شايب العشرين]

فالكم البيض يا ربعنا كلام كبار ينعد
وفقكم الله

[مصطفى سعيد جمعان الزهراني]

صح السنتكم ياابطال
تسلم ياعلي على هذه الشقور الطيبه
وشكر لك يالهجير على هذا المدح الراقي
حتى في اسوى ضروفك تغلب الانديه
صدقت

[علي السبيَه]

فالكم البيض يا ربعنا كلام كبار ينعد
وفقكم الله

تسلم ياابو يزن ياالنشمي ونشكر لك مرورك الطيب ياطيب

صح السنتكم ياابطال
تسلم ياعلي على هذه الشقور الطيبه
وشكر لك يالهجير على هذا المدح الراقي
حتى في اسوى ضروفك تغلب الانديه
صدقت

حىالله الشيخ مصطفى وصح بدنك ياالغالي
ومرورك نعتبره تتويج لهذه الصفحه المتواضعه

[بن صغير]

صحت ابدانكم وعساكم على القوه

[علي السبيَه]

صحت ابدانكم وعساكم على القوه

تسلم يابن صغير وصح بدنك ونشكر لك مرورك الكريم