ضلمتني

[الخامس]

السلام عليكم ورحمة الله وبركاته


قصيده احاول قصيره من كلماتي ارجو ان تنال اعجاب الجميع بعنوان انسى جميع الناااااس

انسى جميع الناااس لا حل طاريك

وشلون منسى وانت غاية مرادي

والي عرفته واتضح اني اغليك

وانا غلاتي عندكم شي عادي

اطلب تدلل وشتبي بس يرضيك

يالله تكلم خل عنك العنادي

الله يشهد يالغضي اني ابغيك

وماضن بعد الحب تنسى ودادي

بعد القهر والظلم تلقاني اجيك

واقضي نهاري بين رايح وغادي

ماهوب ياملعون من زين ماضيك

ابيع انا واشريك داخل مزادي

عز الله ان اكبر غلط يوم اراضيك

قلبي بوادي وانت قلبك بوادي

جيت احضنك واحط يدي بياديك

واثرك تفكر يالنذل بالبعادي

انا اطلب المعبود ربي يجازيك

ضلمتني مابين كل العبادي

[علي السبيَه]

صح لسانك ياالخامس والقادم اجمل انشاءالله

وجهة نضر:
(ياملعون) (يالنذل)
هذه الكلمتين لو شفت لك غيرها افضل حتى يكتمل جمال القصيده

[الخامس]

شكرا ياسبيه على المرور ووجهة نضر احترمها لانك استاذ والعين ماتعلى على الحاجب
ومانحن الاطلاب في صفكم ونتقبل كل النقد وانشاء الله نستفيد منه في المستقبل والعذر على لقصور

[امير العشاق]

صح لسااانكـ

[ملك الليل999]

صح لسانك ملاييييييييييين
تقبلك للنقد يدل على شيم اخلاقكم
والنقد لاينقص الشاعر حقه بقدر مايزيد من توهجه وابداعه في القادم
مع اطيب تحيه وتقدير

[الخامس]

امير العشاق وملك الليل شكرا على المرووووور نورتم الموضوع الله لا يحرمنا منكم

[فهد قزعه]

منت هين يالخامس صح لسانك واعتلاشانك شكل قلبك مفقوع لكن الصبر طيب

[الخامس]

هلا فهد لاوالله الامووور طيبه والحمد لله بس احب اتمثل بعض الاحيااااااان والا انت تعرفني لو دجاجه حبيتها شكرا على مرورك الرائع نورة يالغالي الله لا يحرمنا منك

[محمد الحسني]

رااااائعه من روووووائعك اخوووووي الخامس



شكر من الأعماق ع القصيده الرااااائعه والطرح الراقي وتقبل مروري مع خالص ودي

[غرور]

صح لسانك اخوووي

[الخامس]

تحياتي محمد تحياتي غرووور شكرا على المرور الذي زاد القصيده جمااالا واعطاها معنى اكبر نورتم الله لا يحرمنا منكم جميع واسف اذا فيه قصووووووووووور

[صقر الجنوب]

صح لسانك يا الخامس وبيض الله وجهك على القصيدة والتعامل الراقي

وفعلا هناك ملاحظتين

- الاولى قالها لك استاذ الجميع ابو طلال وياليت تستجيب لان نصيحة ابو طلال في مكانها

والثانية التنسيق

وهو كالتالي

انسى جميع الناااس لا حل طاريك =وشلون منسى وانت غاية مرادي

والي عرفته واتضح اني اغليك =وانا غلاتي عندكم شي عادي

ثم تعمل التنسيق واختار متداخله ليكون افضل

[الخامس]

مرحبا صقر الجنوب ومشكور على المرور وانا اتقبل الرااااااي والراااي الاخر وكل واحد ووجهة نضره وانا احترمها وبالنسبه لكتابت القصيده او طريقة الكتابه او العرض فاانا قبل ماجي منتدى رباع كنت مشرف لاكثر من منتدى وعندي الخبره الكااافيه لصياغة وكتابه القصائد لكن بعد ماكتبتها في منتدى رباع وسويت ارسال طلعت بها الشكل ومافضيت اعدلها وخليتها على صورتها الي انت شفتها بس قريب اعدلها شكرا على النصيحه

[نبض المشاعر]

شكرا عالمجهوووووود تحياتي

[الخامس]

هلا نبض المشاعر مرور رائع الله لا يحرمنا منكم جميع والعذر اذا في قصور