توك صغيره

[الخامس]

السلام عليكم ورحمة الله وبركاته


قصيده منقوله لطشتها من منتدى انشاء الله تعجبكم
توك صغيره
توك صغيره وابتديتي تحبين______________من علمك لليل السهر ياصغيره
بدري عليك الحب يابنت هالحين ___________حرام هذا القلب وشهو مصيره

انتي بريئه في الهوى ليه تشقين____________دروبه طوال عليك او عسيره
طحتي بدرب ماله اصل او عناوين__________وانتي مشاويرك من اول قصيره

ياطفلة حبت وراحت على وين؟__________عقب الهناء ذقتي الحياة المريره
وينك ووين الحب والعشق والبين___________عنيتي اعيونك وسرتي سهيره

امحق تسلي كان ودك تسلين___________الورد لولا اللون وشهو عبيره
خليتي ادروسك وصرتي تحاكين___________الدرس في ديره وصرتي بديره

وصرتي بعد من فوق هذا تغارين____________والمشكله يابنت منتي خبيره
نصيحتي لك كان ودك تردين_____________يم السعاده والحياة المثيره

الحب قبلك هز ناس كثيرين____________وخلا القلوب اتعيش هم وحيره
والحب يفضح لنكشف داخل العين____________وانتي بنفسك ماهقيتي بصيره

طيعي كلامي واحذري لا تمادين____________تراجعي لعل في الامر خيره
عيشي الطفوله والبراءه لك اسنين_____________بعدين حبي لا غديتي كبيره

[علي السبيَه]

شكرا على هذا النقل الرائع ياالخامس

[الخامس]

مشكور على مرورك ياسبيه الله لا يهينك ويكثر من امثالك

[عالي مستواه]

الله الله بوح جميل

[الخامس]

عاالي مستواه حيااك الله واسف على التاخير نورت المنتدى الله يسعدك انشاء الله تكون اعجبتك القصيده بس هذا طموحي

[همسة شوق]

الله الله رووعه

احلى لطشه وتسلم الاياادي على النقل الراائع

يعطيك العاااااافيه يالذووق وتقبل مرروي المتواضع ..
لاهنت ...../

[بدوية]

صح لسان الشاعر وسلمت يمناك
على النقل المميّز والاختيار
والذائقة الشعرية
دمت بخير ,,,