لـــــــــــــغـــــز يا شــــعـــــــــار

[المحيط الهادي]

الدعـــــوى ماهي تحدي بيننا ياحضرة الشـــــــــعــار
انا عندي لغـــــز هات الحـــــل اذا في المنتدى حلاّله
واللي يــــاجــــــي بالاجــــــابه باكرمه واعطيه جايزه
بنتشد عن بنت في كل المجـالس تخضع لها الروسي
لا ســــارت بين الرجــــاجيل اكــــــرموها واحتنوا لها

وسلااااامتكم

[أبـو مشاري]

صح لسانك


بس اضنها دلة القهوة

[علي عيظه]

حياك الله يالمحيط الهادي

والحل يحتمل الضدين الصح والخطأ

وصح لسانك ،،

الرد


أما أنا باعلمك عن حل لغزك وارفع الشعار
يارفيق ن مانفتح قلبي ولا أبواب السماح إلا له
لكن الأحكام مابين الخطأ والصح .. جايزة
والبخور العنبري ماهوب صنعة في يدين الروسي
لو غدى في كبدة الحيتان مارايح تنولها


وإذا أحد من الأخوان عنده رأي آخر يبديه فحل اللغز يحتمل الخطأ والصواب


وسلامتكم

[عبدالله اللبيدي]

المحيط الهادي

علي عيظه

صحت اللسن وتعافت الأبدان عسى الله يوفقكم وأنا أقول نفس جواب علي عيظه

[نديم القوااافي]

المحيط الهادي

علي عيظه

صحت السنتكم وتعافت ابدانكم .. وجواب علي عيظه صحيح كذااااااااا وين الجائزه ابتسامة ساخرة

[عاشق المها]

اللغز سهل جداً يالمحيط الهادي لكن صح لسانك وعلى شانك وصح لسان علي عيضه على الرد الرائع والذي جاب الحل الصحيح وينتظر الجائزه ويستاهل....

[أبومتعب ع ع أ]

اضن والله وأعلم
انها دلة القهوه أو التمر
اوووف

[بن صغير]

بدع ورد في غاية الجمال الله يعطيكم العافيه

[علي السبيَه]

المحيط الهادي
علي عيظه

صحت اللسن وتعافت الأبدان عسى الله يوفقكم وأنا أقول نفس جواب علي عيظه

[شايب العشرين]

جواب علي عيضه ميه على ميه

[شاعر بالمفضل]

صحت الالسن وتعافت الابدان


وجواب علي عيظه اعتقد صحيح

[علي عيظه]

صحت أبدانكم جميعاً ولاعدمتكم يالغالين

الظاهر المحيط الهادي شاردن من الجائزة والا الحل غلط ويبغى يطقطق على روسنا



تحياتي للجميع







دمتم بود

[المحيط الهادي]

اشكر الجميع على مرورهم الكريم
اما انت ياعلي حلك صحيح طال عمرك وصح لسانك
و اما الشرده ماهي من عوايدي ابشر بالجايزه

الحل ( المبخره )