ترحيب(ن) اغلا من ذهبنا ومالنا...... ولد اليوسف

[نديم القوااافي]

مرحبا مليون بك يا ولد اليوسف واتمنى لك التوفيق في هذا المنتدا الرائع باهله.. ويا ليت تشرفني بردك ان جاز لك البدع .. وترا مفتاح سيارتك مصادر حتى تبين استمراريتك معنا



بدع : نديم القوااافي=
0=
ابو سند قال ارحبو حيكم ضيفان=
من قلب طيب لا منافق ولا ريان=
يا مرحبا ترحيب يوصلك يا بن يوسف =
ترحيب(ن) اغلا من ذهبنا ومالنا=

[فهد قزعه]

صح لسانك يانديم ننتظر ابن اليوسف

[نديم القوااافي]

صح لسانك يانديم ننتظر ابن اليوسف


صح بدنك يا فهد والف شكر لمرورك الكريم لا خلا ولا عدم

[(سهيل اليماني)]

الله يبقيك يابو سند ومشكور طال عمرك
والنعم بكل الرجال اللي في رباع وبارك الله فيهم

رد:ولد اليوسف
بك البقا ياصاحبي واقبل الضيفان
من قلبي اللي بالمحبه لكم ريان
بعض العرب حاله غدا يارفيقي يوسف
والا نصحته قال مالك ومالنا

[علي السبيَه]

صحت السنتكم وابدانكم ياالنشاما والله يحيك ياولد اليوسف تراحيب الغلا

[جار الله الخامس]

عشتوووووووووووووا ياشبااااب المنتدى كلام روعه

[علي السبيَه]

البدع:علي السبيه=
.=
يا ولد يوسف يوم شرّفت في الميدان=
يامرحبا واهلين ترحيبة الصفطان=
وابو سند ضيف(ن) في المنتدى وامضيّف=
وانحن نعدّه واحد(ن) من رجالنا=

[(سهيل اليماني)]

الله يطول اعماركم يالذيابه ويشرفني وجودي بينكم
لكم كل الشكر لترحيبكم ..حفظكم الله
ابو طلال شرفتني ببدعك وترحيبك الله يسعدك واستلم ردي المتواضع لاهنت

رد:ولد اليوسف


من معرفة شرواك ماهو بعلمي دان
وابو سند سوّاق ما يقبل الصفطان
ادري عنه قلبه في احيان ماهو نضّيف
لكن نرجى له وهو قد رجى لنا

[نديم القوااافي]

الف شكر لكل من مر وبيض الله وجهك يا ابو طلال .. لا تفك عن ابو ريان حتى يقول قيق


بدع : نديم القوااافي=
0=
البرق باقي ماضهر من ورا الديان=
والا ضهر بينور الحجز والتهمان=
لا تحسب ان الرعد يا خوك صوت مكيف=
ان شفت هدر السيل جهز رحالنا=

[(سهيل اليماني)]

ههههههههه طيب طيب يانديم

استلم لاهنت
رد:ولد اليوسف
ياراعي الدين افزعك طاري الديان
لاتكثر اعذراك ولا تبدي التهمان
انا من الله حالتي منعمه ومكيف
ياحبّ هاتك واقرب ايد الرحى لنا

[علي السبيَه]

ووجهك ابيض ياابو سند ويشرفني مجاراتكم انت وولد اليوسف
وان كان ان معرفتي على قد الحال وانا يمكن اول واحد يقول قيق


البدع:علي السبيه=
.=
لا تمضي الا من طريقن مبرّح مان=
وابعد عن الساحل ولا تقرب الشيطان=
بعد نطيّر في الهوى كل جسم انحيّف=
ونقص جنحان الذي جنّحو لنا=

[(سهيل اليماني)]

الله الله
الشرف لي يابو طلال الله يحييك ويبارك فيك
استلم لاهنت

رد:ولد اليوسف

يابو طلال اقلط بعد سم بالرحمن
وتعوّذ من الجن والقايد الشيطان
ولا تطيع اللي تذّمر ولا من حيّف
الدار مامونه ولا جنّ حولنا

[نديم القوااافي]

بدع : نديم القوااافي=
0=
يا ضيف ما خليت لحم(ن) ولا قعدان=
الله يهولك كلت حتى الجمل سمحان=
حتى في المجلس تشيل العصا وعطيّف=
وانحن نقل حياك يا من بدالنا=

[إبن الجنوب]

صحت السنتكم وابدانكم ياالنشاما والله يحييك ياولد اليوسف تراحيب الغلا

[(سهيل اليماني)]

صح لسانك يانديم(كيف اعاودك وهذا اثر فأسك )
ومشكور على الترحيب يابن الجنوب وصح بدنك بارك الله فيك

استلم
رد :ولد اليوسف


اعجبني المجلس وباطوّل القعدان
وانا رفيق الطيب والخاطر السمحان
لكن.. ليتك تنتبه ياتكر لـ عطيّف
لا لبّسونا منتخبنا بدالنا

[ملك الليل999]

صحت الالسن والله يبيض وجوهكم
امتعتونا
والله يحييك ياضيفنا ابن يوسف

[almooj]

نديم القوافي

اليـوسف

أبو طلال


صحت ألسنكم جميع الله يعطيكم العافية جميع ،

[علي السبيَه]

الله يحييك ياولد اليوسف والشرف لي بمجاراتكم ياالنشاما


البدع:علي السبيه=
.=
يالله لك الحمد انكشف منهج الرهبان=
لما قرينا سورة الكهف والفرقان=
عن الطريق الخايب ابنبتعد وانصيّف=
والمدح ساسه عندنا وانتهى لنا=

[فهد قزعه]

صحة السنتكم كلام جميل وقارعه اجمل

[(سهيل اليماني)]

ملك الليل &الموج&فهد صحت ابدانك ولا هنتم ياطوال الاعمار حفظكم الله

ابو طلال انت هامه عاليه ماشاء الله عليك ولي الشرف محاورتك

سم لاهنت
رد:ولد اليوسف

لي صاحب(ن) تالي الزمن ريت شرّه بان
وانا عزمت اوفي ولا انويه بالفرقان
باقي اقتسم خبزي معه ربعها ونصيّف
واجاهد اهل الحسد لا ينتحوا لنا

[عاشق المها]

صحّت الالسن والله يبيض وجوهكم يالنشامى
على هذه المحاوره الراقيه
والله يحييك ياضيفنا ابن يوسف تراحيب الغلا والحقيقه من ردودك الجميله تتجلّى شاعريتك الرائعه..

[شايب العشرين]

قارعه طيبه
موفقين يالنشاما
الله لا يهينكم

[شاعر بالمفضل]

نديم القوافي


ولد اليوسف


علي السبيه



صحت الالسن وتعافت الابدان

كلام وقارعه تجمل عليكم


واصلوا ونحن متابعين

[سمّار]

مرحبا الوف ياولد اليوسف ونشكر الاخ نديم القوافي اللي استقبلك بهذه القارعة الفارعة ونشكر الاخ علي السبيه اللي شارككم هذا الابداع اما المنتدى فمحلك وبيتك وانت راعيه

اطربتنا ياشيخ بابداعك ولايهونون الاخوان نديم والسبيه

لاخلا ولا عدم

لكن.. ليتك تنتبه ياتكر لـ عطيّف
لا لبّسونا منتخبنا بدالنا

ههههههههههههه......في الثمانيات واللي وراها ما هو بحاصل ابد...

[(سهيل اليماني)]

عاشق المها
شايب العشرين
شاعر بالمفضل
سمّار

وجودكم ومروركم على المحاوره هو عنوان تميزها

بارك الله فيكم وشاكر ترحيبكم فانتم قمم شعريه نفخر بها

صيحه لسمّار
الله يسعدك ويمسيك بالخير ويديم ضحكتك