مجاراه ل علي عيظه

[الهمس]

هذه مجاراه للاخ عليه عيظه على رائعته التي اعجبتني قافيه ومعنى
اتمنى ان تنال الاعجاب ولكم التحيه.


لفيتك وانا عاشق وقلبي لفى ولهان=
وجيتك وانا مغرم وروحي بها العلا=
وشفت القصيد الي تناغم مع الالحان=
لشاعر كتب بسمه قصيده عن الخلا=
عجبني قصيده واشتعل داخلي نيران=
تذكرت خلاني ووقتٍ قضى ولا=
لكن انتفض جرحي على سيرة الخلان=
تداعت له اعضائي وقامت له اتولا=
تذكرت زول الي جعوده على الامتان=
تقل ليل متسدل على ظهرها هلا=
وذيك الرموش الي تغطي على الاعيان=
ونور القمر كنه على اخدودها جلا=
لها هيبة الحاكم لها هيبة السلطان=
درر لا غدت تحكي ولا السانها ايزلا=
عيوني لها مرمى وقلبي لها نيشان=
ورحي لها مسكن تحط فيه واتشلا=
ولكن جار الوقت وابتعدت الاوطان=
وزاد الزمن قسوه على الحظ واعتلا=
وسار القهر جنبي وانا والحزن جيران=
على بعدها غابت عيوني عن الظلا=
كتبت القصايد لجلها وانسج القيفان=
ولاهوب عيب ان القصايد بها اتحلا=

[علي السبيَه]

صح لسانك ياالهمس على هذه المجاراه الرائعه

[الهمس]

صح بدنك يا سبيه وابرك الساعات ان مررت على هذه المتواضعه
ولك معي وقفه قريبه يالغالي

تقبل تحياتي

[(سهيل اليماني)]

صح بدنك يالهمس على المجاراه والقصيده الرائعه

حفظك الله وننتظر جديدك

[علي عيظه]

صح لسانك يالهمس على هذه الرائعة بروعة حضورك ونقاء روحك

كتبت فأبدعت ،، وتميزت كلماتك ،، بل واخجلت متواضعتي كثيراً ،،

شرفتني مجاراتك والله

لاعدمتك يالغالي


وسيطول مكوثي في هذا المكان ///




دمت بود




،،،