الغيث من كل عينه/ الى الشاعر ابو طلال

[هاوي الشعر]

بدع الى ابو طلال ان جاز له وله التقدير


البدع/هاوي=

القلب يفرح بشوف الغيث من كل عينه=
يروي صحاري ويملا كل بير وعيوني=
وان جار ذا السيل كلٌ يتمنى كفوفه=
ومويه النبع بعد السيل زادت عذابي=
هني للي سكن وادي وحوله نبع ما=

[ملك الليل999]

طيب طيب ياشيخ
راقت لي كثيرا
صح لسانك وقلبك ياهاوي الشعر
والله يبيض وجهك

[هاوي الشعر]

اشكرك ملك الليل وانا اعرفك تحب لون الغزل بس خيرها في غيرها

[علي السبيَه]

الرد:علي السبيه=
.=
باقي المراقب يملّ الشوف وتكل عينه=
وصاحبي ودي اقضي حاجته من عيوني=
وكل غندور وجه يحتميه ابكفوفه=
لا تحسب ان الهروج الزيفه زادت عذابي=
ماعيني اخطي دروبي يافتى مانا بعما=

[هاوي الشعر]

صح لسانك يابو طلال واسعدتنا بوجودك غبت يوم والمنتدى اظلم تقبل تحياتي

[(سهيل اليماني)]

صحت السنتكم ياشعارنا
بدع ورد محبوكه حبك

[عبدالله اللبيدي]

هاوي شعر

السبيه

صحت الألسن وتعافت الأبدان عسى الله يوفقكم

[هاوي الشعر]

سهيل اليماني اشكر مرورك الكريم
عبد الله اللبيدي مهما غبت تذكرنا بك قوارعك وابداعك لا عدمناكم

[علي السبيَه]

صح لسانك يابو طلال واسعدتنا بوجودك غبت يوم والمنتدى اظلم تقبل تحياتي

تسلم ياهاوي الشعر والمنتدى منور بوجودك ووجود الاخوان
وصح بدنك ياالغالي وعسى ان يكون ردي نال لو بعض رضاك