يافهد لا تجلدون الفرس

[مشعاب]

فهد قزعه



يافهد لا تجلدون الفرس بالخيزران=
روضوها وامتطو ظهرها يابن الحلال=
خلها تنفعك اذا مامعك موتر وكاله=
كزها يالذيب والخيل من خيالها=

[هاوي الشعر]

مشعاب الله يهولك في هذا الفن وما ادري وين شمسك ملقيه
تقبل تحياتي واعجابي

[لؤلؤة زهران]

اخواني الشعراء الافاضل قريت بدع من شاعر اعجبني يدل عل شاعريه فذه وعقل كبير وما يقوله الا راعي ذمه وذو اخلاق عاليه
سمحت لنفسي بعد اذن الشاعر فهد قزعه بارك لله فيه ان اكتب الرد
ويشرفني ان ارفع راسي واقف بكل فخر وشموخ واعتزاز اما م هذا الشاعر واقوله ردي
وانتم الحكم بيني وبينه

يافهد بعض العرب ينكره ياخي زران
موقعه وسط الخلا في دخاشيش الحلال
خبــره ماهو ولــي(ن)ولا راعي وكاله
والمــزارع يافــهد هــو لها مخيــالــها


اتمنى ردي يحوز عل راعي البدع
واعتذر اخي فهد منك ولكن حبيت المشاركه

تحياتي للجميع

[مشعاب]

مافيه مشكله مشاركتك مقبوله ولو اني ما اعرف سر المداخله رغم اني طلبت فهد قزعه


يعرف الثعلب لنظم الحيل والسيدحان=
ينبطح ويغمض العين ويخم الرجال=
قصده يتبلع من اللحم ماهي من هباله=
والا ليش.ن. راح يغزي قرى واقفى لها=

[لؤلؤة زهران]

اخ مشعاب ان رديت اعجبني بدعك وانت اكيد شاعر كبير وماتكتب بيت الا ولك فيه حكمه واكيد عارف ان كل حرف تكتبه يكون شهيد عليك في يوم تنسى الشعر والشعراء
علشان كذا سمحت لنفسي وتطفلت او تدخلت او تلقفت ورديت عليك
اما البدع الثاني نخليه لشاعرالقدير فهد قزعة

اخ مشعاب انت مدعوا للمشاركه في البدع اللي نزلته لجميع الشعراء

[صقر الجنوب]

مشعاب صح لسانك ملايين شاعر اقل مايقال عنه انه داهية

[نيس الأجرد]

هههههههههههههههههههههههههههههههههه

الله واكبر عليك

[صقر الجنوب]

صح لسانك ملايين يالؤلوة زهران وانا اشهد بالله انك شاعرة وواعية واصلي فكلنا مشجعين لك

[صقر الجنوب]

رفقا بالقوارير ياشاعر وننتظر فهد ليرد على البدع الثاني كما طلبت الشاعرة

[فهد قزعه]

صح لسانك يامشعاب واقبل مني هذا الرد ان اعجبك والا شبه


الــــــــــــــــــــرد
مقدر امشي في طريق القدا والسيد حان
واني احط العسل جالة(ن) والبر جال
الله اعلم يبن الاجواد مدري من هباله
خزنتي عندي مفاتيحها واقفالها

[صقر الجنوب]

صح لسانك يافهد شاعر تعجبني افكاره وقصائده

[لؤلؤة زهران]

صح لسانك اخي فهد شاعر مبد ع ورسام ماهر تجيد الرسم وتخرج لنا لوحة جميله والوانها واضحة ومنتقاه بعنايه وعازف تعزف جميع الالحان فتطرب الجميع وتجبرهم للاستماع اليك

الله يهنيك خزنتك ومفاتيحها و يبارك لك في العسل فأبياتك جميها بطعم العسل

[فهد قزعه]

صقر الجنوب لاهنت شهاده اعتز بها
لؤلؤة زهران اما الخزنه ماعد فيها شي وأما العسل والله واجد
مروركم اسعدني

[الخامس]

الله يعطيكم العافيه تقبلو مروري

[مشعاب]

الاسد لافز في صيدته وتلازمان=
ما تركها لين قطع كبدها والوصال=
بالله يالليث ابتلع صيدتك في كل حاله=
لاتخلي الذيب يقعد يجر اعوى لها=

[سمّار]

تسلمون جميعا
مشعاب
ولولوة زهران
وفهد قزعه
صحت السنتكم جميع

[صقر الجنوب]

لؤلؤة زهران
فهد قزعة
مشعاب
مبدعين دائما صحت الالسن وتعافت الابدان

[الخامس]

الله حسيبك يامشعااب انا اشهد انك شااااعر تقبل مروري ننتضر الرد

[فهد قزعه]

الــــــــــــــــــــــرد
كل ماجانا زمان(ن) جديد اتلى زمان
وشب خلق الله ماعاد يبغون الوصال
الفريسه ذيك تنحى لقلبي لامحاله
خلها تقعد تداوي جروح اعوالها

[مشعاب]

منتجات الصين ماجت بلدنا في ضمان=
كلها مستعمله خاسره واهلاك مال=
ماتجمل من يسلم ريال.ن. من حلاله=
غير دعم الصين حنه بلد منشا لها=

[فهد قزعه]

الـــــــــــــــــــــــــــرد
الملك عبدالله زود معونه لضمان
والدوله مستورة الحال لله الكمال
البديوي لو كل الذيب وحده من حلاله
لاينشدنا من سرقها ولا من شالها

[مشعاب]

البديوي لو كل الذيب وحده من حلاله=
لاينشدنا من سرقها ولا من شالها=

انا لله ياخيه
صح لسانك ياشيخ
وتقبل تحياتي وفي امان الله

[مشعاب]

الله يجمل حال كل من مر ومن رد ويجمل حال اخوي فهد قزعه

[سمّار]

واصلوا يالربع ترى انا مهتم بالمحاوره موضوعوها الاساسي شيّق وحسبي الله على مشعاب
كزها ياذيب والخيل من خيالها
صح لسانك ولسان بن قزعه راعي هذين البيتين اللي يعدلون دواوين
البديوي لو كل الذيب وحده من حلاله
لاينشدنا من سرقها ولا من شالها
المهم لايكنه هو الذيب

لاخلا ولا عدم

[لؤلؤة زهران]

الشكر الجزيل لمن تتميز ابياته بالابداع والذوق الفريد

[علي السبيَه]

صحت السنتكم وابدانكم جميع

[فهد قزعه]

اشكر كل من مر وعلق كل باسمه

[ملك الليل999]

اشكر الجميع
طالما انه فيه شعر طيب اتمنى ان يستغل
بمحاورات تليق وتنمي الموهبه
والهدف الاسما كسب احترام الجميع وحبهم
دائما شعر المهاترات يسقط الشاعر ولا يرفعه
والشاعر قدوه باحترامه واخلاقه
فلماذا اخسر حب الناس من اجل من يصفق
للعب بالنار
الله يبيض وجوهكم
انتم نشامى والعارف لايعرف
وهدفنا ان نلتقي بمحبه ومكسبنا الحقيقي هنا
معرفة الرجال
تمنياتي لكم بالتوفيق

[فهد قزعه]

اشكرك جزيل الشكر يابواحمد والله انك على راسي

[الخامس]

بيض الله وجيهكم الاثنين ولا خلا ولا عدم تقبلو مروري وننتضر الجديد