هات رساك ياابن الجنوب

[علي السبيَه]

انا طفشان ياابن الجنوب وبدعت هذا البدع المغفّص
وان كان ناسبك تشرفني بالرد عليه وان شفته انه
اي كلام اتركه للجن


البدع:علي السبيه=
.=
درجت في امريكه وانا ماالثمامه الى رماح=
وانسيت ذيك الصحبه مابيننا طول السنين=
ماجا على بالك تقل ياعلي سافر معي=
لكن انا عندي تذاكر وعزّمت السفر=
والى وصلت امريكه حدد مكانك والقنا=

[جار الله الخامس]

صح لسانك ياعلى ننتظر ابن الجنووووووووووووووب

[علي السبيَه]

صح لسانك ياعلى ننتظر ابن الجنووووووووووووووب

صح بدنك ياحي النسيم واشكر لك مرورك الكريم

[نديم القوااافي]

صح لسانك يا ابو طلال وبيجيك ابن الجنوب عند سلم الطايره بس صمم على السفر هههههههههههه

[نيس الأجرد]

صح لسانك ياعلي .... انفدا خشمك... على هذه البدعه ...................وننتظر الشيخ ابن الجنوب ليكمل الأبداع

[إبن الجنوب]

صح لسانك يارفيق الدرب ويعلم الله لجاز خاطري من القصايد لكن حشمتك لو طلبت الغالي ماأردك يابو طلال..

الرد:إبن الجنوب=
*=
في أرضنا ماأنحن بحاجة دروع ولا رماح=
والسيف الاجرب في إيد أبو متعب الحدّ السنين=
المخطي إبيخفي وجوده بنسّاف أرمعي=
ومن يدوّر ستر ربي فيتقدّا السّفر=
قدّام يروى من دمه كل حايم والقنا=

[علي السبيَه]

صح لسانك يا ابو طلال وبيجيك ابن الجنوب عند سلم الطايره بس صمم على السفر هههههههههههه

صح بدنك ياابو سند والسفر مصمم عليه لكن اخاف
ابن الجنوب ما يتلقاني في المطار ووين عاد اروح

[علي السبيَه]

صح لسانك ياعلي .... انفدا خشمك... على هذه البدعه ...................وننتظر الشيخ ابن الجنوب ليكمل الأبداع

تسلم يانيس الاجرد وصح بدنك ياالنشمي واشكر لك مرورك الكريم

[هاوي الشعر]

ايوه الله يقويكم نبغى نقرا كلمات تنقال وتطرب المسامع
صحت السنتكم ولا يهينكم

[علي السبيَه]

تسلم ياابن الجنوب وصح بدنك يا معلم وبعدين وسع خاطرك ياصاحبي
خلنا نتقاصد من سعه والخطّر والحمدلله صافيه


البدع:علي السبيه=
.=
رصاصي اللي زعت به من علو الفلق باح=
اعموني العالم وصاحو عليه المربشين=
والسيف الاجرب غير ماهو سواة النافعي=
ياكم وياكم من دروب المنايا مر بشر=
والخلق محكومين تحت المقدّر والفنا=

[علي السبيَه]

ايوه الله يقويكم نبغى نقرا كلمات تنقال وتطرب المسامع
صحت السنتكم ولا يهينكم

تسلم ياهاوي الشعر وصح بدنك ياالنشمي ونشكر لك مرورك الطيب

[إبن الجنوب]

طيب ياخيه صح لسانك وانا ماهللآ أخذ آخر كلمه لكن مثلك يقدّر...

الرد:إبن الجنوب=
*=
يالله لاتكتب لي أدنى معرفه في القباح=
واللي خلقته لجل ياذي البشر يامر بشين=
ومن يضرّ الناس ماهو سواة النّافعي=
وصاحبن يعرف وجوبي ولا يأمر بشر=
أقول له حيّاك ربّي تفضّل والفنا=

[نيس الأجرد]

وافي يا ابن الجنوب ............بيض الله وجهك ...........

[ملك الليل999]

سلام ومحبه لكم من الرياض الى امريكا
ودخيلك يابو طلال خذني معك وابن الجنوب يستاهل

[علي السبيَه]

سلام ومحبه لكم من الرياض الى امريكا
ودخيلك يابو طلال خذني معك وابن الجنوب يستاهل

ابشر ياابو احمد عندي ثلاث تذاكر لي واحده ولك واحده
ونحتصي بالثالثه للي بغى يرافقنا

[almooj]

الغالي الحبيب أبو طلال صح لسانك لاهنت وآنا فداك . تسلم أستاذي الكريم ابن الجنوب وصح لسانك ياتاج راسي

[علي السبيَه]

صح بدنك ياابن الجنوب وانت معلم ولا يكمل بدوعي
المتواضعه اللي ردود المحكومه يا حاكم القيفان


البدع:علي السبيه=
.=
الشيّن من يوم انصهر ماح والدنياس ماح=
والسوق ما يغنم به الا قروش المسلمين=
والا سعى للرزق ماضن يتونّا سعي=
تلّ الحجر من راس منعا على طول الدّهر=
والغصن مهما طال يحنا ورى يمدا حنا=

[علي السبيَه]

تسلم أستاذي الكريم ابن الجنوب وصح لسانك ياتاج راسي .
الغالي الحبيب أبو طلال لاهنت أخي الكريم وآنا فداك .

فداك اللاش ياالجندبي وبعدين وشرياك ترافقنا انا وملك الليل
ترى ناوين نروح لبن الجنوب والتذكره جاهزه ان ودك تخاوينا

[almooj]

ياخي أبو أبو طلال أخوتكم ترفع الراس وتشرفني والله ، وآنا والله ما أكذب عليك
قبل خمسة وعشرين سنة يمكن ما رحت إلا الكويت مرة واحدة والامارات مرتين
بعدها والله ما سافرت ولا مكان كلها في ربوع بلادي الله يعزها ، لكن مروا علينا
الشرقية الله يحيييكم تراحيب السيل ونترايا .

[إبن الجنوب]

أشكر الجميع على المرور ولا خلا ولا عدم ياتاج رأسي...

الرد:إبن الجنوب=
*=
أسمح مادام العذر مقبول والدّنيا سماح=
هذى من أطباع الخلايق وشرع المسلمين=
ماقد حكم خنطول وإلآ تولآ النّاس عي=
وأنحن مواقفنا تشرّف على طول الدّهر=
وإللي يخاوينا لك الله لرآى أمداحنا=

[شاعر بالمفضل]

الله الله الله


هنا معنى ومغنى

وشي يطرب له الخاطر

هذي العلوم اللي ترفع الرأس وهنا دفن المعنى الذي لا يجيده سوى المبدعين امكثالكم


علي السبيه


ابن الجنوب



صحت الالسن وتعافت الابدان


لا خلا ولا عدم يا النشاما

[علي السبيَه]

الله الله الله


هنا معنى ومغنى

وشي يطرب له الخاطر

هذي العلوم اللي ترفع الرأس وهنا دفن المعنى الذي لا يجيده سوى المبدعين امكثالكم


علي السبيه


ابن الجنوب



صحت الالسن وتعافت الابدان


لا خلا ولا عدم يا النشاما

تسلم ياابو زياد وصح بدنك ياالنشمي
ومرورك يشرفنا ونعتبره تاج على روسنا