اللبيدي ..مطلوب

[محمد بن شعتور]

بسم الله الرحمن الرحيم

السلام عليكم ورحمة الله وبركاته

الحمدلله والصلاة والسلام على رسول الله وعلى آله وصحبه أجمعين



البـــــــــــــــــــــــــــــــــــــــــــــــ ـــدع

لاتدير اسمي ولا اسم اخوي جنب يامدير
الاداره ليش تحدانا على مد اليسار
مد اخي يمناه وانا زدت مديت اليمين
انت صافحت العرب ياخوك بيده والا بيدي
مدري بيدير اسم اخونا والابيدير اسمنا

[فهد قزعه]

صح لسانك ياشعتور والله شقور تنشرا تقبل مروري

[محمد بن شعتور]

اخوي فهد القزعه..
تسلم لي على مرورك وتعليقك يالغالي والحقيقه صحبتكم اللي تنشرى الله يحفظك..
الحقيقه طرحت هذا الموضوع وصار له يوم.. والظاهر ان اللبيدي مشغول ..
معذور يابو عابد..ولنا لقاء اخر بحول الله..

الـــــــــــــــــــــــــــــــــــــرد

ليت هب الريح ما ينقل محلك يامدير
مد لي الميسور وانا مثلك امد اليسار
يا يمين الكفو وشبك دون مدي تليمين
طالما حنا رسمنا لوحة(ن) لك ياللبيدي
ودي لو كملت معنا ياللبيدي رسمنا

[محمد بن شعتور]

الشكر موصول للجميع حتى ولو لم اجد تعليقاتكم مشاهدتكم تكفي ..

[نديم القوااافي]

صح لسانك يا محمد بدع راقي ورد رائع بس لو انتضرت ما بتطير الدنيا .اللبيدي يمكن مشغول هاليومين

[محمد بن شعتور]

اذا مشغول يومين على قولك اتحاور معه ثالث يوم...هههههههه
تسلم يالغالي ..على المرور وذا انت فاضي ترى ابدع لك..

[علي السبيَه]

صح لسانك يابن شعتور واللبيدي اكيد ماشاف البدع لانه من كم يوم
ما دخل المنتدى ولو انك انتضرته افضل ولكن خيرها في غيرها

[محمد بن شعتور]

اشكر لك مررورك الكريم شاعرنا القدير ابو طلال..
المشكله اني احب انهي القارعه من وقتها ..
وخيرها في غيرها