الغربه .... يأبن الجنـــــــــوب

[الهجيــــر]

إبن الجنوب أنت أستاذي وأنا ترى والله ما يردني ما أبدع لك
الا ليقيني التام اني مهما قلت لن يصل لمستوى شعرك وذائقتك
ولكن أعتبرني طالب يريد ان يقيس قدرته مع استاذه
ان نجح خير وبركه وان رسب فلا حد بيلومه
وهذي وأضن انها آخر ما في المسبت


البدع=
وشبك ياغصن الغلا لا ماتت أوراقك ولا نيميت=
أما عش وأسقيك من بيرٍ توارثنا رشاه وغربه=
وإلا مت وأنسمني آخذ حول جذعك لف وادًيار=
مأضعف الأغصان لا جاها لهيب الشمس والفي بالي=
وأنت تدري باللهب كم يبًس الأغصان والغى لين=
لا وردت أسقيك يا غصن الغلا وأشتاق لك في صدري=
وأنت لا قلبٍ يحس ولا معك عينٍ ترى بها=

[فهد قزعه]

الله واكبر على كل كبير كلام ينعد مثل الفرانسه قدام ابداع يالهجير واني احب قصايدك لانها ماتخرج الا من القلب
ابيجيك ابن الحنوب يكمل هذا الابداع بابداع
تقبل مروري

[سمّار]

اذوب كلي وانصهر في حرف قافك يالهجير
من وين هي هذا الدرر اغديتني للقاف اسير

صح لسانك وسلم بنانك
كلام يداوي المعلول
لاخلا ولاعدم

[جار الله الخامس]

ياسلام يالهجيرررر كلام متعوب عليه جدا الله يوفقك.

[نديم القوااافي]

لا وردت أسقيك يا غصن الغلا وأشتاق لك في صدري
وأنت لا قلبٍ يحـس ولا معـك عيـنٍ تـرى بهـا


لا اله الا الله وش هذا العلم وش هذا التمهيد وش هذه الحرفنه ..صح لسانك يالهجير وعسى مسبتك عامر يالذيب ... ننتضر ابن الجنوب وهو خير من يوصف الغربه

[إبن الجنوب]

صح لسانك يالهجير ملايين وأشكر لك تواضعك وسماحك لمثلي يردّ على قصايدك فانت غير عادي وأنا المستفيد من المحاوره معك والعين ماتعلا على الحاجب ...كما أشكر كل من مر كل واحد بإسمه...

الرد:إبن الجنوب=
*=
أنا بين الناس وحداني ولا ني حي ولاني ميت=
لامتى قاعد على ذا الحال وانا في شتات وغربه=
واشغل التفكير وأتذكّر مكان الربع والدّيار=
اللي غابوا عن نظر عيني ولكن كلّهم في بالي=
لو قضيت العمر كلّه مانسيت أحبابي الغالين=
ياوطن لو كان تدري بي وما كنّيت لك في صدري=
كان حتى البيد تبكيني ويفقدني ترابها=

[نيس الأجرد]

مبدعوووووووووووووون والله يعطيكم العااااااااااااااااااااااااافية .........................صحت السنتكم ..............