القلــب يـا مزيــون مـاهـوب لعبــه

[almooj]

الزوار الكرام : السلام عليكم ورحمة الله وبركاته ، بعض الخواطر جادت بها القريحة
عسى أن تنال ذائقتكم الشعرية .

القلب يا مزيون ماهوب لعبـه
لعبه تقلبها بكيفك وترميه
لا شك فرقى المحبين صعبـه
ليل وسهر ودموع عين تشقيه
إن كان جاني الموت أو شفت رعـبه
ما والله أنساك والموت وش فيـه
كل البشر بتموت من دون سبـه
والا مرض والا مقادير تنويـه
إلا أنا يا ساكن الروح حبـه
تعبت اداري خاطـر ما يسليـه
........................... المـوج

[بدوية]

المـوج
صح لسااانك ملآآآآيين


ابيات رائعه من شاعررائع ومبدع

[الهجيــــر]

صح لسانك يالموج
لا هنت
وانتبه للوزن !

[almooj]

الأخت في الله : بدوية

جزاك الله خير ، ولك الاحترام والتقدير لوجودك الكريم أختي بدوية.

أخوي الغالي وتاج راسي : الهجير .

صح بدنك أخوي لاهنت ، وابشر والله لكن تعرف حنا نتعلم الشعر غصبا علينا بالعافية .
وتسلم يا تاج راسي وجودك تاج على راسي ويعطيك العافية لوجيهك الدائم وتسلم
أستاذي الكريم وشاعرنا الغالي الهجيـر .

[علي السبيَه]

لا شك فرقى المحبين صعبـه

ما والله أنساك والموت وش فيـه
.
البيتين اللي اعلاه لو كانت بهذا الشكل تصير افضل
على شان تمشي على وزن القصيده:

ياصاحبي فرقى المحبين صعبـه

والله مابنساك والموت وش فيـه

وصح لسانك ملايين ياالجندبي وننتضر جديدك وبكل شوق

[همسة شوق]

صح لسانك لاهنت

يعطيك العاااااافيه على الابيات ..
دمت بخير .....//

[almooj]

الأخت في الله همسة شوق لك كل الاحترام والتقدير لتواجدك الكريم
والدائم ولك كل الشكر والثناء أختي .

الغالي أبو طلال : تم تعديل القصيدة وكذلك عدلت البيت اللي قبل الأخير ويعطيك العافية لتوجيهك الكريم دائما أستاذي وتاج راسي علي السبية لاهنت ياغالي ودوبني انتبه ورجعت للموضوع بعد التصفح اليوم وآحس إن قصايدي ملخلخه لكن الله يعين على هاذي الدنيا وأشكر للجميع جميلهم في هذا الموضوع ولهم الشكر والتقدير
والثناء وخالص الوفاء .

القلب يا مزيون ماهوب لعبـه
لعبه تقلبها بكيفك وترميه
يا صاحبي فرقى المحبين صعبه
ليل وسهر ودموع عين تشقيه
إن كان جاني الموت أو شفت رعـبه
والله ما بنساك والموت وش فيه
كل البشر بتموت من دون سبـه
والا مرض والا مقادير تنويـه
وأنا بعد يا ساكن الروح حبـه
تعبت اداري خاطـر ما يسليـه

[صقر الجنوب]

صح لسانك وبدنك على هذا الابداع يابو محمد