قصصي مع الجن (أحداث حقيقه حصلت لي مع الجن)

[صقر الجنوب]

السلام عليكم ورحمه الله وبركاته

اخواني انا بصراحه بطرح لكم موضوع وهي قصص حصلت معي مع الجان والقصص كثيرة ولكن سأكتب

اللي اذكره

واقسم بالله اني لن اكذب عليكم بما سأخبركم به لأن بعض الحاجات ماتدخل المخ يعني خياليه

وخاصه ان اقرب الناس لي لم يصدقوني الا بالإثبات ^_^

في البدايه اسئل الله ان يبعد عنكم كل سوء وانا بالبدايه كنت بتجنن من الخوف والرعب

بس مع الوقت تعودت يعني الان ماعندي مشكله ادخل وسط مقبره في آخر الليل بمطنقه جبليه ويطلع لي جان

لأن اللي شاهدته أكبر من هذا كله

بالبدايه عمري 24 سنه الان والبدايه كانت عندما كنت في مرحله الإبتدائيه

فقد كانت جدتي الله يرحمها يدخل فيها جان اسمه برقان وكان مسلم وحافظ للقرآن واكثر سبب دخوله لجدتي

هو عندما يضربني احد من اخوتي فقد كا يدخل فيها وينادي اللي ضربني ويهدده

اذكر لما كنت صغير تلقفت عند اختي الكبيره وصفقتني لما بكيت وقتها دخل الجني برقان بجدتي

وكانت الله يرحمها تصيح وتنادي اختي والكلام الان بسان الجان برقان ولكن بصوت جدتي

برقان: يافلانه ينادي اختي

اختي: نعم ياجده (تدري اختي انه برقان)

برقان: ليش تمدين يدك على عماد

اختي:غلط وضربته

برقان:عاهديني انك ماتمدين يدك عليه ولاتضربينه

اختي:انا ما اعاهد الا الله

برقان:ناظر في اختي بطرف عين وقال لها انا علمتك (نظره تهديد)

المهم انا لما كبرت علموني بالسالفه زين لأني ماكنت اذكر زين لأني صغير

كنت وانا صغير اسولف مع برقان وادري انه جان لأن كان حولي اخواني واهلي وماكنت اخاف مره

كنت اسئله واقول على نياتي وبكل برائه تعرف اندرتيكر المصارع الحانوتي لأني كنت اشوفه يخوف

وكان يضحك اذا سئلته المهم اذكر لما كان يسولف مع اخوي يقول حنا من كثرنا موجودين لافين حول ديرتكم

ديرتي انا بن مالك من عائله المالكي تبعد عن الطائف دقائق بمنطقه الحجاز المهم كان يقول حنا عندنا حضاره

لو تجلسون مئات السنين ماوصلتوا للي وصلنا له نحن وكان لما يجي يطلع لأن مايطلع بالقرآن لانه مسلم

اذا جبنا مسجل وحطيناه عنده يمسك المسجل ويرفع صوت القرآن يعني كان يطلع بالأخلاق

المهم قبل مايطلع سئله اخوي وين بتروح قال بروح لليمن سئله اخوي قال له كم تجلس

من وقت علشان توصل تدرون وش قال ؟

قال بغمضه عين وانا باليمن وعرفنا انه من الجان اللي يطير لأنه بعضهم يزحف وبعضهم يطير وبعضهم يسبح

وراح اواصل لكم سلسله القصص وماراح ارد على الأعضاء الا بعد ما اكتب لكم كل حاجه حصلت لي


منقول

[صقر الجنوب]

المهم نواصل لما جاء يطلع برقان قال لنا ان في بيتنا القديم بالديره بيت اجدادي والوالد الله يرحمه البيت هذا

كان مبني من الحجر

قال لنا انه فيه كنز عباره عن 5 صناديق مليانه كنوز لو يوقف على طرف الصندوق الواحد رجال ماراح يميل من ثقله

المهم قال لنا اماكن الصناديق وموجوده في بيتنا اثنين اذكر قال تحت الدرج وواحد بالحوش واثنين نسيت وين قاله

قال اللي يدخل ويطلعه راح يموت الا واحد من عائلتنا له علامه المهم طلع والى وقتكم هذا بيتنا فيه 5 من صناديق

واغلبيه الجماعه يدرون عن الشيء هذا بس محد يقدر يدخله خايفين منهم قبل فتره تحلمت بالكنوز انا وفسرته عند

مفسر اسمه ابو ابراهيم وقال لي انا مستعد اروح معك ونطلعه بس اخوي رفض الشيء هذا المهم طلع برقان

من جدتي الله يرحمها وكان يجيها كل اسبوع تقريبا عده مرات المهم لما توفت جدتي الله يرحمها انقطع برقان عنا وماكنا نعرف حاجه عنه

لما كبرت وكنت بمرحله 3 ثانوي بديت اشوف في منامي

احلام تخوف بالتدريج وكان يجيني جاثوم وهو جان على الصدر ومع الوقت سرت اشوفهم قدامي والله ياشباب اشوفهم على الطبيعه بس بهيئات غريبه راح اذكرها لكم

وانا نايم حسيت بواحد يمسكني من جهه كليتي من الجنب له 3 اصابع وكان يضغط عليها بقوه ويوجعني صحيت توقعته حلم الا بعد ماسكني مسكت يده وحسيته ابي ابعده ماقدرت

اليد صغيره وقريت اسور وتفلت وراح

لما راح جلست على السرير واشوف طفل صغير يناظر فيني من عند الباب انا بصراحه الحست توقعته ولد اخوي الصغير وبنفس الوقت ملحس مره ثاني من اللي مسكني من الجمب

لما يحصل لك مواقف مثل هذا بالبدايه تكون مستغرب وملوحس وبعد ثواني او دقائق لما تستوعب الوضع يجيك حاله خوف وتعرف انهم جن

المهم كان مطلع رأسه من ورى الباب ويناظر فيني لما بديت اتأكد انه مو ولد اخوي الصغير والله ياشباب جاني وماكان يمشي كأنه يطير يعني جسمه كأنه واقف وهو يمشي بسرعه جهتي

ولما قرب من عندي اختفى ما ادري هو دخل تحت الأرض او دخل بالجدار اللي خلفي او اختفى المهم اختفى انا لما شفت الوضع كذا تخيوا ماقمت اصايح لا جلست جالس على السرير

ثواني يعني ماني مستوعب شيء بعدين لما استوعبت سرت اركض واصارخ بالبيت جوني اهلي وحكيت لهم احس ان بعضهم مو مصدقني بس مع الوقت صدقوني وراح اكمل لكم شلون صدقوني

وسلسله الأحداث اللي حصلت لي وسالفه ارتفاعي من الأرض الى السقف

[صقر الجنوب]

شباب انا ماني بزر اقول الاعيب علشا ترتاحون انا حلفت واحلف لكم مره ثاني

اقسم بالله ان القصص كلها حقيقه وحصلت معي وان الكلام مو مقلب او حاجه

المهم نكمل القصص مره اهلي طلعوا لحي الخزامى بشمال الرياض لان نسيبي سوا له فله وكانت عظم وكانوا بعض الأحيان يروحون اهلي ويجسلون هناك بالحديقه

المهم كلمني اخوي وقال لي اني اروح معهم وكنت وقتها تعبان ودايخ نوم قلت مايمديني المهم دخلت الغرفه واهلي راحوا وشغلت التلفزيون على قناة المجد للقرآن ورحت انام

والله ياشباب واقسم بالله ما كذبت عليكم بحاجه الشغلات اللي بقولها ماتدخل العقل بس وش يحدني اكذب عليكم اقسم بالله هذا اللي حصل

دخلت الغرفه وانسدحت وجلست شوي واسمع شخير واحد جمبي وتنفسه كأنه جمبي نايم المهم حسيت ببروده بجسمي وخفت وسميت بالله وقمت اخذت الفراش ورحت للمجلس

غيرت المكان وجلست على الكنب والفراش تحتي افكر بالموقف وجلست اصارع نفسي علشان ما انام ووقتها ماكان عندي رصيد بالجوال وماكان في شيء اسمه كول مي ترسل ويتصلون عليك

والله كنت اصارع النوم وانا منهك ما ادري الا وانا طايح ونايم المهم حسيت بواحد يمسكني من الجمب وانا منسدح واقسم بالله لما فتحت عيني وانا رأسي تحديدا خشمي بيني وبينه السقف يمكن سم واحد

قريب مره من السقف يعني طرت وشايلني واقسم بالله ماكذبت عليكم المهم كان يرفعني وينزلني ويرفعني وينزلني وجسمي كله قشعريره لما نزلني شفت له شارب مثل القطط ورب الكعبه

ما اكذب عليكم كان طالع شوي من خلف اللحاف اللي كنت لابسه ولما شفته انكمشت وغمضت عيني وجالس اقراء القرآن مسك شحمه اذني بفمه وجالس يعض فيها شوي شوي

حتى راح لما راح فتحت وبدون شعور ركضت خارج البيت ودقيت على الجيران وجلست اسولف معه وهو كان عارف انه لي قصص مع الجان كنت اسولف اريح نفسي شوي

ونفس الوقت انتظر اهلي كان صديقي هذا من بني شهر الشهري والله والنعم فيه المهم لما وصلوا اهلي علمتهم السالفه وقالوا سم بالله وتعوذ من ابليس ومن الشغلات هذي

السلسه اللي بعدها قصه الجان وتشبهه بأخوي بالغرفه وابتسامته لي

[صقر الجنوب]

المهم مره اذكر كنت نايم بغرفه اخوي هو على يسار وانا على يمين تحلمت ذاك اليوم حلم يخوف لما صحيت

وجيت اقوم لقيت اخوي اللي بجمبي واحد متشبه من الجان عليه وواقف عند الباب ويناظر فيني ويبتسم

المهم انا الحست سرت اناظر في اخوي اللي نايم واللي واقف اثنين نفس الشيء

رجعت غطيت نفسي وجلست شوي ابعد اللحاف شوي شوي حتى اختفى وقمت وجلست بالمقلط افكر باللي حصل

وماكان الخوف مره لأني بديت اتعود مو مثل اول

واذكر مره نفس الشيء لما كنت نايم جاني حلم يخوف وصحيت ولقيت اخوي جمبي واقف وكان يبي يفصل شاحن الجوال اللي بجمبي

وانا منسدح مسكت رجله وهزيته لان لساني كان ثقيل من الجاثوم ومعروف اذا جاك جاثوم ماتقدر تتكلم ابداً

المهم مسكت اخوي ابيه ينتبه ويروح الجاثوم الا ناظر فيني وضحك طلع الجاثوم هو اخوي اللي يبي يفصل الشاحن

والله بعدت يدي وغمضت عيني وجلست اقراء حتى حسيت ان جسمي بدا يروح عنه التخدير شوي شوي وصحيت

وطلعت ابي اتأكد انه جني او اخوي سرت ادور اخوي في البيت ومالقيته اتصلت عليه جوال وقلت له فينك قال عند اخوياي

قلت من متى قال من زمان قال لي ليش قلت له ولا حاجه لما تجي اقول لك

عرفت انه جني لما جاء اخوي قلت له

ومره اذكر سافرنا من الرياض الى الطائف واستاجرنا شقق مفروشه وكنت نايم بالغرفه مع الوالده الله يطول بعمرها كانت على السرير وانا كنت نايم تحت اذكر لما صحيت

شفت واحد واقف بين الوالده وبيني وكان عباره عن شخص كل جسمه خيوط يعني تحس انه مثل المومياء اللي بمصر كان يهز بشكل سريع حتى اختفى قدامي المهم قمت من الغرفه

ورحت للمجلس ولقيت نسيبي لأنهم كانوا معنا بنفس الشقه وقلت له السالفه وكالعاده سم بالله وتعوذ من ابليس

القصه اللي بعدها الجنيه وخطفها لي ومحاولتها لممارسه الجنس معي والزواج مني (الأحداث اللي بكتبها الجايه طويله واقسم بالله انها حقيقه واللي مو مصدق رجاء لايكتب رد او حاجه يكرمني بسكوته)

[صقر الجنوب]

المهم تخرجت من الثانويه وقدمت بالطب ممرض والحمد لله توفقت فيها ودخلت وكنت ادرس بمستشفى العسكري بالرياض

بس الله ماكتب انجح لأني رسبت وطردوني مع الباب هههههه

المهم لما كنت ممرض كان يجينا في حصه خاصه شيخ ويقول محاضرات وشغلات كذا

المهم كنت افكر اكلمك الشيخ عن الاشياء اللي تحصل لي

وتجيكم السالفه

مره كنت نايم بالغرفه وكان عندنا ولد خالي جالس بالمقلط يعلب بلايستشن المهم كنت لوحدي بالغرفه

حسيت بحراره انفاس عند اذني شوي الا وحده بصوت حرمه جالسه تقول كلمات غريبه ملخبطه يعني تقول لغه هنديه او فرنسيه ما ادري وش تقول

لما دخل ولد خالي سمعتها تصيح بقوه لما شافت ولد خالي وسمعت اصوات رجلها على السراميك وهي هاربه ولد خالي مايدري وش الطبخه

لما جلست قلت له فهد سمعت شيء قال لي لا ليش

المهم علمته السالفه وخاف وانخرش وراح للوالده وقال لها وكالعاده الوالده قالت لي سم بالله وتعوذ من ابليس
مره كنت نايم مره حسيت بواحد تحت رأسي وله فم ما ادري شلون جاء تحتي الى الان ماني مستوعب اللي حصل

كانت تمص من فمها من تحت رأسي وتقرب شفتها واحس بحراره انفاسها المهم نزلت يدي والله هذا اللي حصل مسكت وجه عباره عن ملامح مختفيه

وفي النص فم فقط وله براطم وانياب لما مسكته حسيته بعدت يدي من الخوف لما راحت انقلبت على بطني علشان ما افتح عيوني واشوفها

الا اقسم بالله جت على ظهري وجالسه تسوي لي مساج ورب الكعبه مساج تقول اني في محل الرجل القوي او وقت اللياقه من فوق الى تحت وانقلبت مره ثانيه على ظهري

وكنت مغمض عيوني وادف فيها رفعت يدي وضربتها على ظهرها واقسم بالله ان جلد ظهرها مثل التماسيح يعني كله مطبات شيء يخوف

لما ظربتها سمعتها تصيح بقوه وهربت وقلت لخويي السالفه وخويي الله يهديه قال لي لازم تتأسف لها انك ظربتها لان خويي اخوه شاعر وتجيه جنيه دايم ويعرف للأشياء هذي

خويي خوفني وقمت اوسوس انها راح تضرني وكنت ماخذ همها بصراحه دخلت الغرفه بالظهر وجلست اكلم نفسي بالهواء واقول انا معليش اني ضربتك وانتي خوفتيني

فكانت هذي رده فعلي ومن الكلام هذا

والله هذا اللي حصل يا اخوان

نمت بالليل ومانمت الا عند اخوي في تمام الساعه تقريبا 6 الصباح بيوم الخميس كان بالغرفه نور شوي توها طلع الفجر

كنت نايم وصحيت وجالس اناظر في المكيف لأنه من نوع اسبليت كنت انتظر الهواء متى يوصل واعد الوقت يعني فاضي

لأني اذا صحيت من النوم اجلس دقائق على الفراش قبل ما اقوم واخوي كان تحت المكيف نايم

المهم لما جيت اقوم شفت لي حاجه سوداء متجه جهتي مثل عبائه المرأه كأن واحد فاردهها علي المهم كانت علي جسمي وطحت على ظهري

ولما جيت اقوم ورب الكعبه شفت لي ثعبان متين مثل اللي تشوفونها في افريقيا من نوع الصل اللي يلف حول الشخص لونه اسود

كان الثعبان هذا يلف حول جسمي ويضغط علي توقعت بموت ما دريت الا وانا مغمى علي

المهم حسيت بصوت وحده تقول لي ابو سلطان انا ينادوني ابو سلطان وابو عدنان يعني اشكل بالإسم

المهم كانت تقول ابو سلطان او ابو عدنان فتحت عيني وكانت حاطتني في غرفه مثل غرفنا فيها كنبات اذكر لون الغرفه مايل للون البنفسجي والأزرق (لوني المفضل)

كانت حاطتني على فراش ولما فتحت عيني اشوفها جالسه على يميني بعيد وانا اناظر قدام ما اقدر التفت عليها بس اشوفها من الجمب وكنت امسك يدي

واقرص فخذي ابي اتأكد انا في حلم او حقيقه لاني ماني مستوعب

شفتها قامت وجايه متجه لي لما قربت والله ياشباب ما اشوف الا بياض كانه نور لما قربت غمضت عيني ومسكت يدي وقالت ليش خايف

وكنت اقول لها رجعيني للبيت وكل ماتكلمت قلت لها تكفين رجعيني للبيت واذكر سئلتني عن ولد اختي كيفه ومن الكلام هذا حتى بكيت عندها واقول لها تكفين رجعيني

المهم اذكر يدها ناعمه مره وانا مغمض شالت يدها وحسيت بشيء حول بطني عرفت انه الثعبان نفسه اللي كانت متهيئه عليه اللي جابتني لمكانهم وتبي ترجعني

حسيت بطني ينضغط واغمى علي وقالت لي فتح عيونك لما فتح لقيت نفسي بنفس الغرفه واخوي قدامي نايم

قمت مثل المجنون فتحت الباب ولقيت اخوي بالقلط يقول لي عماد كنت بتكلم مين انا الحست قلت له وش كنت اقول اخوي يحسب اني اكلم اخوي بالغرفه او احد بالجوال

لما شافني خايف قال لي وش فيك قلت له وش كنت اقول قال لي بصوت عالي وش السالفه وحكيت له كل القصه ولما قلت له الكلام اللي قلته

جحد اخوي قال ماكنت تقول شيء لما قام اخوي الكبير شفته اخذه وراح المجلس وكان يقول له اللي قلته وما ادري انا وش كنت اقول

المهم رحت للمستشفى وقابلت الشيخ واخذته على جمب وقلت له قصتي والله ياشباب لما كنت اقول له ان فخوذي وركبي تتحرك لوحدها واناظر بالشيخ كان يناظر في فخوذي وركبي

لان الجنيه اذكر قالت لاتقول لأحد اني اجيك وانا خلفت بكلامها وقلت للشيخ بعدين قال الشيخ وجلس يخفف عني وانصدمت انه يعرف قصص اكثر مني

يقول اعرف واحد تجيه الجنيه تاخذه ايام وترجعه للبيت وقال لي حاجه خوفتني قال الجنيه لما مسكت يدها اكيد كانت رجولها رجل حيوان لأن مايقدرون يتسكلون للبشر كاملين

تفضحهم رجولهم او يدهم والله يهديه خوفني بالكلام والله ماكذبت عليكم باللي حصل وتجيكم اشياء والكلب الله يكرمك اللي كان بغرفه نوم ولد اختي

[صقر الجنوب]

المهم مع الأيام كانت تجيني واحسها الله يكرمكم تلمس ذكري وبعض الأوقات تقرب جسمها من الخلف وتلصق فيني والعياذ بالله وتضع يدها على بطني

وتجلس شوي وتروح وبعض الأحيان كنت احس اني بحتلم لما تروح ويجيني شعور الشهوه ما اجد حاجه

ماكنت متخيل الاشياء اللي تحصل معي

اذكر مره كنت نايم ودخل اخوي الغرفه وجلس يناظر فيني ويضحك وطلع

استغربت انا من الوضع مو من عوائد اخوي

اخوي هذا ماشاء الله عليه ملتزم ومطوع المهم لحقته انادي فيه مالقيته

اتصلت على جواله

انا:الو

اخوي: هلا

انا:فينك

اخوي:ليش

انا:ياخي فينك

اخوي:وش فيك ليش تسئل فيك شيء

انا:قلت له اني شفتك داخل علي

اخوي:اي انا كنت عندك بالغرفه

انا:كنت اسمع اصوات حوله وقلت له فينك انت

اخوي:بإستراحه

انا:شلون تقول انا كنت عندك والان بإستراحه وانت اول ماطلعت انا لحقتك (اخوي كان ينصب علي مايبي يخوفني وبعدين شوفوا النصب متى يمديه يروح للإستراحه وتوه طالع ههههه)

اخوي:لما اجي اكلمك

انا:ياخي انا ماني صغير اذا مو انت عايدي قول لي ماراح اخاف لأني متعود وشفت اشياء اكبر من هذي

اخوي:جالس يضحك تبي الصراحه انا بالإستراحه من زمان وماجيت عندك

انا:اوكي يعطيك العافيه في آمان الله

اخوي:في آمان الله

وقفلت وجلس افكر باللي شفته

واذكر مره رحت عند نسيبي ونمت بغرفه ولد اختي ولما كنت نايم حسيت بحاجه ثقيله على رأسي

مديت يدي امسكه الا امسك الله يكرمك رأس كلب اذكر مسكت اذنه ورأسه لما حسيته بعد يدي ورميت المخده نقز على الأرض وجالس يركض خارج من الغرفه

متجه تحت كلب ما اذكر لونه بالضبط بس ماكان اسود مثل الثعبان اعتقد مدموج بكم لون بس يميل للسواد أكثر شيء

انا بصراحه سرت متعود ولحقته اشوف وين راح اخر ماشفته لاف على الدرج وبعدها اختفى

جلست بالصاله افكر فتحت الثلاجه اخذت لي حليب صافيو وكيك جالكسي وجالس أكل وافكر حتى جت بنت اختي وجالس احكي لها اللي حصل

وكانت امي تقول يمكن تكون شاعر او حق آبار تعرف اماكن المياه ومن الشغلات هذي

والقصه اللي بعدها اكتشاف موهبه نفسي وكتاباتي لمواضيع واشعار لم اصدقك اني انا اللي اكتبها وتفكري لكلام الوالده الله يحفضها وهل فعلا الحروف تخرج مني او من الجان
ووضع بعض من الكتابات اللتي كتبتها

[صقر الجنوب]

المهم مع الوقت كان ولد اختي مو مصدق للشغلات هذي وكان يقول لي انا لو يجيني جاثوم او حاجه يمكن اموت

مع الوقت اتصل علي وقال انه جاله جاثوم ومسكه وحكى لي قصته وقام من الغرفه وراح نام مع ابوه

بالصاله لان نسيبي يحب ينام بالصاله خاصه مع صوت التلفزيون ولأخبار

وقال لي والله لو تقول حاجه اصدقك ومن الكلام هذا وجلست اضحك انا

مع الوقت كنت اجلس آخر الليل وافتح مستند واجلس اكتب فيه يعني افضفض كنت اكتب اكثر حاجه آخر الليل ولازم يكون جمبي نسكافيه او شاهي

المهم اكتب شغلات واشوفها باليوم الثاني وانهبل ما اتوقع اني انا اللي كاتبها

وسرت افكر بكلام الوالده قالت يمكن تكون شاعر وشغله كذا حاولت اكتب شعر عامي ماعرفت سرت اكتب شعر باللغه العربيه

اذكر كتبت ابيات في اقل من دقيقتين اتوقع وانا كان الشعر بوادي وانا بوادي يعني ما ادري وش الشعر

اول ماكتبت

ابتعد عني يادهري ابتعاداً --- واترك تقلب الزمن ميعاداً

فهمها فعلت بقيت حطاماً --- ومهما بقيت سأبقى عناداً

فأرتاح يادهري لك قسطاً --- ولاتشغل بالك عني فكراً

لأنك بعيني مجرد طفلاً --- يلعب بدميته وبألوانه رسماً

كلمه حطاماً في الشعر هو لقب لي مسمي نفسي الحطام

سكرت المستند بالليل وقمت احوس بالمنتديات ونمت وصحيت اليوم الثاني وشفت المستند وقريت المكتوب بديت انصدم شلون ركبتها ما ادري شلون طلعت كلمات منها ما ادري

جلست اضحك على نفسي شوي وقلت ياولد وش الطبخه لان الكتابات بوادي وانا بوادي اخذت الجوال واشتغل اتصالات على اخواني واخواتي اقول لهم الأبيات وهم انواع الترفيع لي

وماشاء الله ومن الكلام هذا

الكلام هذا كان عام 2007 تقريبا لاني كنت اكتب بمنتدى لواحد من الأقارب وكنت اكتب مواضيعي فيه

وكنت ادخل بعد موقع اسمه الساخر لأن عباقره الكتاب كلهم موجودين فيه

وبديت اوسوس بنفسي من الشغلات هذي وكنت ادخل شاتات كتابيه لأني ما اطيقها واشوف واحد كبير بالعمر وادخل اسولف معاه لغه عربيه فصحى

وتحديات بالكلام ويرد علي وارد عليه ويسئلني عن عمري اقول له 21 وينصدم

المهم هذا اللي حصل معي وبشوف لكم موضوع كتبته قبل 3 سنين كتبت كلمات غريبه فيها وسأطرح الموضوع هنا واللي مايفهم شيء يكلمني اقول له كل حاجه

المهم من فتره معد سرت اتحلم ومعد سرت اشوف حاجه ولله الحمد

اذكر مره رحت لشيخ بغرب الرياض محل عطاره وجمبه فتحه فيها غرف فيه شيخ يقراء على الناس رحت عنده وقراء علي والحمد لله ماحصل لي شيء

بس حسيت بخمول في الجسم

الموضوع اللي بعده سأطرح لكم موضوع من كتابتي طرحت بمنتدى واحد فقط ولم اطرحه بمدونتي

وعندي كتاب كاتب فيه كذا موضوع اذا فضيت سدحتها لكم

ولكن الفتره هذي معد سرت اكتب يعني كل ماجت اكتب شيء اتكاسل ما ادري ليش

انتظروا الموضوع اللي بعده

[صقر الجنوب]

السؤال الاول بما انها قريبه وتمشيء انت 160 وصلت لها بسرعه وكلامي بدقائق لأنها قريبه
وشكرا لك على الإيضاح

السؤال الثاني
ماتدري عن قصه عمر بن الخطاب عندما صرع ابليس ؟
كان سيدنا عمر بن الخطاب فى احد الايام ذاهب الى المسجد ليصلى احد الفروض خلف الرسول

-صلى الله عليه وسلم- فبينما هو فى الطريق قابله رجل عجوز فقال له هذا الرجل:اين انتا ذاهب..؟؟

فاجابه سيدنا عمر: انه ذاهب ليصلى هذا الفرض فى المسجد.

فاخبره هذا الرجل ان الصلاة قد انتهت وانها قد فاتت سيدنا عمر فرجع سيدنا عمر الى البيت ليصليها

هناك.

فى اليوم التالى ايضا بينما سيدنا عمر ذاهب الى المسجد لتادية الصلاة المفروضه فقابله هذا الرجل

فسأله نفس السؤال:اين انتا ذاهب فاجابه سيدنا عمر:انه ذاهب للمسجد لتادية الصلاة

فاخبره هذا الرجل ان الصلاة قد فاتت سيدنا عمر. فعاد سيدنا عمر الى البيت ليصلى هذه الصلاة

وفى اليوم الذى يليهم حدث نفس الشىء فعاد سيدنا عمر الى البيت لتادية هذه الصلاة

عندئذ ساله النبى فى نفس اليوم مالذى يجعله لا يأتى لتادية الصلاة فى المسجد ...؟؟؟

فاخبره سيدنا عمر بهذه القصة..!! .

فعلم النبى ان هذا هو ابليس اللعين فاخبر سيدنا عمر ان هذا الرجل الذى يقابله كل يوم هو ابليس

ففى اليوم التالى اذا بسيدنا عمر ذاهب ليصلى فاذا بهذا الرجل فيسأل هذا الرجل سيدنا عمر نفس

السؤال.فعندها.......

فعندها قام سيدنا عمر بضرب الشيطان واوقعه على الارض وجلس فوقه وظل يضرب فيه

حتى ان الرسول -صلى الله عليه وسلم- علم بهذا فاخبر النبى-صلى الله عليه وسلم- اصحابه

بأن يسرعو الى عمر قبل ان يقتل ابليس فتقوم القيامة ...لاننا نعلم ان ابليس مخلد الى يوم القيامة


من بعدها لم يرا الشيطان سيدنا عمر سالك طريق الا سلك غيره


السؤال الثالث
اثباتي قصه عمر بن الخطاب عندما صرع ابليس
شلون مسكه وصرعه وهو من نار ؟


وبعدين اذا كانوا من نار تذكر قصه الملائكه لما ذهبوا الى قوم لوط وكانوا قوم لوط يريدون الإعتداء عليهم



واذا تريد اثباتات اكثر من قصه عمر بن الخطاب رضي الله عنه

فأبشر

[صقر الجنوب]

بسم الله الرحمن الرحيم





هذه فتوى تعجبت منها... وأحببتُ أن تطلعون عليها من باب الفائدهـ ..


جزاك الله خيرا فضيله الشيخ وبارك فيك

هل الجن يتزوج من الانس ؟؟
واذا كان نعم لماذا لا ينجبون انس ؟

وجزاك عنا خيرا ونفع بك





هل تتزوج المرأة من جني ، ويتزوج الرجل من امرأة من الجن ؟
وهل موضوع أن الجني يتشكل للمرأة في صورة رجل
ويعاملها معاملة الأزواج شيء له دليل في الشرع ؟




فأجاب :

يُمكن وقوع الاستمتاع عن طريق التلبس .
ولأن الجن يتصوّرون بصور شتى .
وقد جاء في تفسير قوله تعالى :
( وَيَوْمَ يَحْشُرُهُمْ جَمِيعًا يَا مَعْشَرَ الْجِنِّ قَدِ اسْتَكْثَرْتُمْ مِنَ الإِنْسِ وَقَالَ أَوْلِيَاؤُهُمْ مِنَ الإِنْسِ
رَبَّنَا اسْتَمْتَعَ بَعْضُنَا بِبَعْضٍ وَبَلَغْنَا أَجَلَنَا الَّذِي أَجَّلْتَ لَنَا )
أن من ذلك الاستمتاع زواج بعضهم ببعض .
والجن أعطاهم الله القدرة على التصوّر بصور شتى كما أسْلَفْت .




قال الإمام السمعاني في تفسير قوله تعالى :
(وَشَارِكْهُمْ فِي الأَمْوَالِ وَالأَولادِ)
قال : وفي بعض المسانيد عن ابن عباس أن رجلا أتاه وقال إن امرأتي استيقظت
وكأن في فرجها شُعلة نار .
قال : ذاك مِن وطىء الجن . قال : فمن أولادهم ؟ قال : هؤلاء ال****ون .





وعن جعفر بن محمد :
إن الشيطان يَقعد على ذَكَر الرَّجُل فإذا لم يُسَمّ الله أصاب امرأته معه
وأنزل في فرجها كما يُنْزِل الرَّجُل .
وروي قريبا من هذا عن مجاهد . اهـ .




وقال شيخ الإسلام ابن تيمية :
صَرْع الجن للإنس قد يكون عن شَهوة وهَوى وعِشق ، كما يتفق للإنس مع الجن
وقد يتناكح الإنس والجن ويُولد بينهما وَلد ، وهذا كثير معروف
وقد ذَكَرَ العلماء ذلك وتَكَلّمُوا عليه .
وكَرِهَ أكثر العلماء مُنَاكَحَة الْجِنّ . اهـ .
والله تعالى أعلم .


فضيلة الشيخ
عبدالرحمن السحيم
حفظه الله

[صقر الجنوب]

اعوذ بكلمات الله التامات من شر ما خلق .
اعوذ بكلمات الله التامات من شر ما خلق .
اعوذ بكلمات الله التامات من شر ما خلق .
اعوذ بكلمات الله التامه من كل شيطان وهامه ومن كل عين لامه .

[د.ليل الوعد]

أبو أحمد بارك الله فيك ورعاك وحرسك من كل سوء 00قسم بالله ما قدرت أكمل شعرت بنوع من الخوف وقلت خل الموضوع اقراه فى النهار احسن والشمس طالعة 0الله يسامحك يا ابو احمد لو انتظرت فى النهار ونزلت الموضوع ما كان احسن مشكور استاذى

[صقر الجنوب]

اخي الدكتور ليل الوعد اعرفك تحب المزح واعرف ان قلبك اقسى من الحديد لكنك كعادتك تحب تضحكنا

انواع الجن


الجن : هم مخلوقون من مارج من نار اى من اللهيب الازرق

الذى فى اعلى النار الشديدة وهم تطوروا من النار

الى الصفة الاثيرية اى مثل الهواء وان كانت كثافتهم

تزيد قليلا جدا على الهواء مثلما تطور الانسان

من الطين الى العظام واللحم والدم وهم يتناسلون

ولهم عقول وقادرين على التشكل وهم قبائل وعشائر
ومعنى كلمة جن اى الاستتارة او الشئ الخفى


غذاء الجن : الشياطين والكفرة غذائهم روث البهائم

والدم والابخرة ذات الرائحة الكريهة

والمسلمين غذائهم البخور ذوى الرائحة الطيبة



انواعهم :

العامر :

وهو نوع من انواع الجن وهم يسكنون البيوت والمراحيض

واغلب من يسكنون المنازل معنا من المسلمين

وهناك من ديانات اخرى طبعا لكن اغلبهم مسلمين

وهم لا يؤذون الا فى حالات نادرةجدا واما سكان

المراحيض فكلهم من الشياطين ولذلك يجب الاستعاذة

من الخبث والخبائث قبل الدخول الى الخلاء والحمامات


القرين :

وهو شيطان يوكل بالانسان من ساعة مولده وحتى

وفاته فانه يخرج من جسد الانسان وعمله

ان يوسوس للانسان بفعل الشر وهناك لكل انسان قرين

من الشياطين وقرين من الملائكة فالذى من الملائكة

يحث على فعل الخير والذى من الشياطين يحث

الانسان على فعل الشر


المارد :

وهو نوع من اانواع الجن يتميزون بالحجم الكبي

وبطول القامة ولهم شغل التخيلات والاعمال

وخلافه لكنهم ليسوا اقوى فئات الجن


العفريت :

اقوى فئات الجن على الاطلاق وليس شرط الحجم فى ذلك

فلربما ارى ان عفريتا صغيرا من الاقزام يقوم بقتل ماردا

عملاقا من المردة و حتى عندما قام واحد من الجن لياتى

بعرض بلقيس لسيدنا سليمان قام عفريت من الجن


القرينة ام الصبيان :

ولها اسماء عديدة مثل ام ملدم وهى من رائها سيدنا سليمان

على بساط الريح وهىتسقط الاجنة وتمنع المراة عن الحمل

وتتسبب فى موت الاطفال الذين دون 7 سنوات

و تفسد الزواج وتمتص فم الطفل دون ان يغسل فمه ويديه

فتقل قواه ويكثر على الطفل القئ والامراض ويضعف

ويصير هزيلا وهناك حديث فيما معناه ان الشيطان حساس لحاس



وهناك فرق بين القرين وام الصبيان

فالقرين نوعين من الملائكة ومن الجن

ويلازموا الانسان الى الممات



وهناك تحت هذه التقسيمات صفات فيما بينهم فمنهم الطيارين

ومنهم الغواصين ومنهم ساكنى الجبال

وساكنى الكواكب وانواع اخرى كثيرة



ولكن اشد نوع من انواع الجن حين يقوم بمس الانسان

صعب اخراجه منه ذلك الجن الطيار لصعوبة الاحاطة به

ولانه عندما ياتى الراقى ليرقى المريض يخرج ويهرب بعيدا

عنه وهو نوع صعب لكن كما خلق الداء خلق الدواء ايضا له



وهناك من الجن على ديانات كثيرة

فمنهم المؤمنين المسلمين الموحدين بالله

وهم لايؤذون المسلمين ولكن يساعدونهم فى اغلب الاحيان

وهناك النصارى واليهود وعباد الكواكب

وهناك الشياطين اولاد ابليس
منقول للفائده

[صقر الجنوب]

الخبابة:

يقال إنها امرأة طويلة متشحة بـالسواد من رأسها إلى أخمص قدميها تختطف الجهال وتغوى الرجال وتعرف أيضا بأنها تظهر في المزارع الكثيفة والغابات. واغلب الظن إنها مجرد أكذوبة كانت الأمهات تخوف بها أولادها لكي تمنعهم من الخروج ليلا.



السعلوة:

يقال إنها امرأة ذات شعر طويل وقوام ممشوق كانت تظهر للرجال ليلا فتغويهم وتسحرهم فيتبعونها حتى تصل بهم لمكان منعزل فتقتلهم. وهناك من يزعم إنها ليست أكثر من غوريلا صورتها الحكايات على إنها تلك المرأة التي تظهر للرجال وتغويهم. وقد قرأت صفاتها في بعض الكتب القديمة وزعم إنها ربما تزوجت بمن تحب من الرجال وهو لا يعرف عنها ويقال منها من تظهر من بعيد ليلا كنها نيران مشتعلة وأغلب الظن أنها أتت من وحي قصص الرجل القرد بالهند.


أم حمار:

تصورها الحكايات الشعبية على إنها امرأة لها وجه إنسان ورجلي حمار وهناك من يزعم إنها تظهر على شكل رجل أيضا بنفس المواصفات تصطحب الناس ليلا إلى العين فتغرقهم. وتسمى أيضا بـ حمارة القايلة حيث يشاع أن حمارة القايلة أو مثيلاتها لا يظهرون إلا القايلة أي وقت أشتداد حرارة الشمس وتوسطها السماء ظهرا وكانت توصف حمارة القايلة أنها مزدوجة الشكل فنصفها حيوان ونصفها الأخر ادمي رأسها وأرجلها من الحمار وجسمها جسم ادمي …فهي وحش يشبه الآدمي تدوس كل ما تراه أمامها من الأولاد الصغار. ثم تأكلهم ومن خلال هذه الحكايات والأساطير وربما اخترعت هذه الأسطورة الأمهات لكي تمنع أطفالها من الخروج وقت الظهر.


الغول:

معروف الغول في وقتنا الحاضر من انه نوع من أنواع الحيات الخطرة والحكايات الشعبية تصنفه من ضمن الجن المتشيطنة ويقال انه يظهر بشكل حيات في البيوت والغابات وسرعان ما تتحول لجان.


العفريت:

طبعا العفاريت معروفة وقد ورد ذكرها في القرآن الكريم وهى مخلوقات لديها قدرات وقوة عجيبة وخارقة للعادة كما ورد في القرآن الكريم في قصة نبي الله سليمان وإحضار عرش بلقيس. والناس تطلق كلمة عفريت على كل من له حركة غير عادية أو نشاط حركي ملموس ومتميز عن أترابه والقصص في التراث العربي مملؤه بالقصص عن العفاريت وأشهرها مصباح علاء الدين.


الراعية:

تصورها العامة على إنها امرأة من الجن تسكن البيوت وتظهر لأصحاب البيت بين فترة وأخرى وربما عملت بعض الأعمال الضارة لهم أو بعض الحركات أو إصدار بعض الأصوات أو التشكل بعدة صور مثل الحيوانات وتسمى أيضا في بعض الراويات بالعمار.



الدعيدع:

يقال انه جان يظهر على شكل رجل في المقابر أو النخيل ولم اعثر على ان العامة تجعل له مؤنث. وهو كثيرا ما يطلع للفلاحين عند حلول الليل وربما تشكل لهم بعدة صور وقلد بعض الأصوات لكي يغوى أو يخدع الناس. وسوف نورد له بعض القصص لاحقا وهناك نوع من الرطب يسمى بنفس الاسم ويطلق عليه البعض أصابع البنات واعني الرطب وليس الجني نظرا لشكله فهو ضعيف وطويل ولونه أحمر ولكن طعمه يميل للمرارة لهذا اختفى الآن.

ويقول حسين محمد أحد الباحثين من البحرين « تسمى في البحرين إدعيدع ومديدع المقبرة وتسمى في الكويت إدعيدع وضو إدعيدع (أي نار إدعيدع) .. وهي أيضا من الخرافات التي يخيفوا بها الأطفال في الماضي ... ووصفها كما قيل أن يرى الشخص نارا أو نورا وإذا اقتربت منه اختفى ..... و لا أدري إذا كانت تعرف في باقي دول الخليج». وهذ مشهورة عندنا أيضا أي أنه ربما طلع وكأن هناك نار مشتعلة بنخل أو بيت فيجري الناس للمساعدة وعند وصولهم تختفي وقد حدثت هذه لأحد زملائنا بالعمل فقد راى نار وعند استدعاء قسم السلامة وحضورهم اختفت النار وكأن شي لم يكن.


أبو مغوي:

هو جن يظهر لأهل البحر من السماكين الذين يصطادون ليلا فيناديهم بأصوات زملائهم لكي يتبعوه زاعما أن الصيد عنده وفير حتى يدخلهم الغبة أو الأماكن الغزيرة لكي يغرقهم ومن هنا أخد اسمه أبو مغوي من إغواء البحارة وإضاعتهم. وايضا يفعل هذا مع الفلاحين وغيرهم كما سوف نعرف ذلك من خلال القصص فيما بعد.


عبد العين:

تزعم العامة انه يوجد في كل عين جان يسكن في التنور وهو مكان منبع الماء من تحت الأرض وهو ربما سحب احد السباحين لمسكنه حتى يغرقه وتزعم بعض القصص أن بعض الأعيان تسحب واحدا في كل سنة لهذا يوجد ببعض الاماكن ان السكان يقدموا بين فترة وأخرى الرز واللحم او الرز مع السكر والزبيب هدية لعبد العين لكي يتركهم في حال سبيلهم.


الصالحين:

كانت الأمهات تدعوا الجن الذين يعيشون في البيوت ودون أن يضروا أهله بالصالحين لهذا عندما يقع بعض الأكل أثناء الطبخ تنهى الأمهات أطفالهم عن أخده ويقولوا لهم دعوه للصالحين ولعلهم نفس الراعية أو العمار وربما فعلت الأمهات ذلك لكي تسترضي الجان وتأمن شرها.


أم إرعام:

لم اعثر على تصور لها سوى إن العجايز عند ذكرها يقولوا « بسم الله الرحمن الرحيم الشر برى وبعيد بينا بينهم حجاب اللهم صل على محمد وآله الطاهرين». واظن ان أم مرعام مجرد سبه تطلق لتدل على البشاعة وسوء الخلق ومنها أيضا أم هجام أم خصوي والله أعلم.


الطنطل:

تصوره الحكايات الشعبية وبعض الكتب بأنه جان على صورة رجل طويل للغاية لهذا الناس تدعوا كل طويل بالطنطل. وهم يزعمون انه ربما بلغ طوله ارتفاع النخلة العالية جدا وجاء في معجم حنظل: «الطنطل كائن من الأشباح طويل القامة عظيم الجسم». وروي القناعي في كتاب «صفحات من تاريخ الكويت» عن خرافات أهل الكويت ومنها الطَنْطل وهو يوصف بسواد الجسم طويل الخصى. بحيث إذا مشى يسمع لها صوت، وهو يتمثل للسارين في الليل ويلعب معهم ولكن الحيلة في دفعه إن يكون مع الساري مسلة (سلاية) فإذا رآه «صاح هات المسلة».


الجاثوم:

هو جان يقال انه يجلس على صدر الإنسان ويسحب لسانه بأحد يديه وبالأخرى يخنقه فيجلس الإنسان ولا حول ولا قوة له فلسانه معقود ونفسه مخنوق وربما قتل الإنسان. ولجلوسه على الصدر تدعوه بعض المناطق بأبي ركيب ويقول الباحثين أن هذا ليس جان وإنما هو مجرد كابوس نظرا للإكثار من للأكل قبل النوم. وحيثما ينام الإنسان يوجد ( عثيون ) فقد يكون في البيت أو في البستان أو في المركب أو في العراء. لايوجد انسان ليست له حكاية مع ( عثيون ) أو ياثوم فالكوابيس شر لابد منه في حياتنا المعقدة هذه، والإنسان المكروب بالهموم، المثقل بالعناء، المقهور بالمعاناة، لا يتبقى له إلا كثرة الكوابيس التي يتكفل بها ( عثيون ) .

يقول أحد الرواة: أن عثيون ماهو إلا جني صغير، وهو لايضر إلا نادرا، لكنه يحب العبث بمنامات الناس فيقلق نومهم ويفزعهم ونادرا ما يحاول القضاء على الضحية. كما ان اسلوبه واحد وهو أن « يبرك على صدر الواحد ويمط لسانه» الى خارج فمه .ويقول الراوي: كنت اسارع الى الاستعاذة من الشيطان الرجيم وأقول بعض الأدعية فتبعده عني.


أم الخضر والليف:

هي النخلة وقد استخدم هذا الاسم الأمهات والجدات لكي يخوفوا الأطفال ليلا عند امتناعهم عن النوم ليست أسما لجان. وان كانت توهم الأمهات أطفالهم من أنها جان.

ربما هناك مسميات آخرى نسيتها أو لم أعلم بها وربما التعاريف تختلف من مكان الى آخر وربما شاب التعاريف بعض القصور أو التوهم لهذا أرجو المعذرة كما أتأسف لمن تفزعه مثل هذه الأسماء والصفات أو الصور.

[شخص الزهراني]

شي ما هو غريب يابو احمد وكانوا ابائنا واجدادنا يروون لنا مثل هذي القصص

[صقر الجنوب]

نعم بارك الله فيك أخي وشاكر لك مرورك

[صقر الجنوب]

http://www.amiraa.com/bsh/uploads/images/amiraa2379dfa820.png

[أبـو مشاري]

حـوالينا ولا علينا

بس يوم عرفت اني طالع الديره يا ابو احمد قمت تسرد لنا هذه القصص المخوفه


اعوذ بكلمات الله التامات من شر ما خلق
اعوذ بكلمات الله التامات من شر ما خلق
اعوذ بكلمات الله التامات من شر ما خلق

[الساحل الشرقى]

شـكــ وبارك الله فيك ـــرا لك ... لك مني أجمل تحية .
يعطيك العافيه

[محمد الحسني]

قصص خيالية نكاد لانصدقها لولا انك بالله العظيم اقسمت



مشكوووووور ع الطررررح ولاعاد تخوفنا ثاني الله يسامحك

[صقر الجنوب]

اعوذ بكلمات الله التامات من شر ما خلق .
اعوذ بكلمات الله التامات من شر ما خلق .
اعوذ بكلمات الله التامات من شر ما خلق .
اعوذ بكلمات الله التامه من كل شيطان وهامه ومن كل عين لامه

[ملك الليل999]

اعوذ بكلمات الله التامات من شر ماخلق
شكراً لك ابو احمد على هذا الجهد
وعلى هذا الموضوع
الجن العالم الخفي
له قصص وروايات
وبين مصدق ومكذب
واختلف العلماء والمشايخ والاطباء في رواياتهم عن الجن
الا ان حقيقتهم ذكرت بادله من القران والسنه

لك كل الشكر والتقدير ابو احمد

[صقر الجنوب]

الشكر لك أخي على مرورك وحبينا ننوع في المواضيع يمكن يجينا شعارن جنن

[بن درعان]

بسم الله الذي لايضر مع اسمه شئ في الأرض ولا في السماء وهو السميع العليم

بسم الواحد الاحد رب كل شئ ومليكه

الانسان لما يكون متصل مع ربه بالصلوات بالمساجد وبوقتها اظن ماتقدر عليه الشياطين

بعدين بسألك يابو احمد انت كاتب منقول لمين هذه الاشياء اسئل الله العافيه والسلامه والله انه تحمل اشياء لايتحملها شخص اخر

وقص ايدي اذا بنت من بنات المنتدى دخلت الموضوع ومااقشعر بدنهااا واتحدى يردين على الموضوع

ههههه





الله يسامحك يابو احمد
بندقيـــــــــــــة

[د.ليل الوعد]

سبحان الله عالم الجن عالم لا يعلم مداه الا علام الغيوب 000وما أوتيتم من العلم الا قليلا0شكرا ابا احمد عالموضوع المفيد وصدقنى ما فى أحد الا أطلع عليه 0ولكن 0خليها بينى وبينك وبادعليك من قلبى

[اسد غامد]

الله يستر لا يكون الي كتب هذه القصة الجني ما هو انته

[ولد افعان]

السلام عليكم ورحمة الله وبركاته


باين من كلامك انك صادق

[صقر الجنوب]

الله اعلم انا ناقل للموضوع .. وعالم الجن عالم خفي
شاكر ومقدر مروركم جميعا

[عاشق رباع]

الشفاعه يالله ودوه عند اعريفه يقراعليه

[شايب العشرين]

أم حمار:

تصورها الحكايات الشعبية على إنها امرأة لها وجه إنسان ورجلي حمار وهناك من يزعم إنها تظهر على شكل رجل أيضا بنفس المواصفات تصطحب الناس ليلا إلى العين فتغرقهم. وتسمى أيضا بـ حمارة القايلة حيث يشاع أن حمارة القايلة أو مثيلاتها لا يظهرون إلا القايلة أي وقت أشتداد حرارة الشمس وتوسطها السماء ظهرا وكانت توصف حمارة القايلة أنها مزدوجة الشكل فنصفها حيوان ونصفها الأخر ادمي رأسها وأرجلها من الحمار وجسمها جسم ادمي …فهي وحش يشبه الآدمي تدوس كل ما تراه أمامها من الأولاد الصغار. ثم تأكلهم ومن خلال هذه الحكايات والأساطير وربما اخترعت هذه الأسطورة الأمهات لكي تمنع أطفالها من الخروج وقت الظهر.

هذي حقيقه وموجوده خاصه بتهامه وحصل لها مواقف كثيره مع الناس والى الان واسمه عبد الصمد وجه وجه انسان وجسمه عدا الرجلين ارجل حمار اكرمكم الله نقل موفق يا ابو احمد

[صقر الجنوب]

اشكركم كافة والبعض يتحاشى الحديث في هذا الموضوع

[الواصل 999]

صدقت ياصقر الجنوب في كل المذكور من شأن مواقفك مع (( برقان )) والتأكيد على هذا ابن عمه ((طنطل)) المتواجد والملازم لجدتي حيث كنت اذهب معها وانا صغير الى مكان يدعى _ بشعب الحنشى_ من اشهر الشعايب في بني حسن واسمع جدتي تعزم ناس وتقول اليوم تروحون معنا يا ( آل جواد) معنا صده ( يآل جواد )
***