أكاديمية الحكيم القرشدي

[قرشد]

شاعر على مبدا الوفا ماهو ردي= شاعر كبير ..مواهبه متعددة
قصايده جزلة بلحن المنشدي= يطربك جزل الشعر يوم يردده
لا خوف يمنعني.. مصيري في يدي=ماني رقيقاً في مهانة سيّده
لا همني جاهل وناقد مبتدي= ولا حقوداً للخطأ يتصيّده
ومن كرهني ما بيعرف مقصدي= مادام حاقد وش لنا من مقصده
يزعل نهار اليوم .. يرضى في غدي= صغير سن وما بيحرز مقعده
ومن تضايق له شراب مبردي= الى زعل يشرب مياة مبردة
ولكم تحيات الحكيم القرشدي= قرشد مميز في زمان القرشدة

[أبـو مشاري]

على القوة

[صقر الجنوب]

داخل هجوم وكأنك تنتقد الناس قبل ينتقدونك .. وأكاديمية .. وقرشد ؟ .. زمان القرشدة ؟

[فهد قزعه]

طيب ياقرشد صح لسانك تقبل مروري

[قرشد]

على رسلكم يا اخوان
اخوكم قرشد ودّه يتعلم منكم فلا تجفلونه ترونه مطيور
يعلم الله انيه احبكم يارفاقه

[نديم القوااافي]

يعلم الله ما يحبك هذه القصيده الا شاعر محنك .. صح لسانك يا قرشد حتى يلين راس صميد

[قرشد]

الله يحفظك يا نديم القوافي والله يجبر بخاطر مثل ما جبرت بخاطريه
لا وانا اخوك ترى ما عندي حنك حتى اصبح محنك
بعد بعد يالييييييييييييل مطولك

[القرش]

مع اطيب تحية وتقدير لرجال لمنتدى رباع طويلين الباع هذه مشاركة بسيطة لي معكم ومشكورين على ماقدمتموه من مساحة للاعضاء وحبيت بهذه الكلمات . مع اطيب تحياتي معكم اليوم ودوم ..




مابهدي الجزلا من اشعاري هدي = بس الكلام الي ترى مستسردة
خل الجزاله لهل طولات المدي = والقاصرة تاتيك من مستوردة
قال الشمالي .. مرحباُ بك يبعدي = يامال من قفى وشاور لي بيدة
مانجبر القافي على ترك الردي = ومانزبن العادي ولا المتشردة
ماشوم للهزلا واهرول مفردي = والي ضما من حرنا مانوردة
ومن بنا ساسة على جرف الحدي = لايامن النيشان دارة يصعدة
ون كان ساق التين عود امجردي = ماهو غريب الغصن يتبع سيدة
من قال انا عاقل وصفق باليدي = وهو على بعضه توسد مقعدة
مابينت شمسه بليل السرمدي = ون طال به ليله كذا يامقردة
ذي كلمتي تعلو بعلوات الجدي = وكل حلم يموت حدي واجلدة
ولو تزيد النار فالعود الردي = مازاد فيه الطيب حتى اترمدة
والصقر مايشبة كبيرات الحدي = والذيب يبقى ذيب لو بتوسدة
التاجر العاقل يصرف كل دي = لوله مصالح فيه ..ماكان ابعدة
والتاجر الخاسر شرا بالقرش دي = لافادة الديدي وضاع القرش دة

[صقر الجنوب]

صح لسانك وبدنك ياشاعر ترانا دائما نحب المزح والمداعبة بعيدا عن الرسميات لكنك شاعر متمكن

[القرش]

تسلم يالغالي ......... والأخو لزوم يتحمل المزح الثقيل من اخوة ... ويشرفني ويسعدني مرورك .

احترامي وتقديري للجميع ......