وش رايكم في محاورة رباعية(لمن وده يشارك)

[بن سلمان]

ودنا بمحاورة رباعية والمجال مفتوح لمن جازت له
نقطّع بها الوقت وناخذ ونعطي مع بعض شوي


البدع=
يقول أبن سلمان ياحضرة الشعار=
بديت بالمحراف يارب يامعين=
نبغى أربعة والحكم في قبضة الجمهور=
أثنين ضد أثنين والليل ياسماره=
حتى لو أن وجيهكم مانشوفها=

[علي السبيَه]

صح لسانك يابن سلمان يامبدع وننتضر اكتمال عقد المحاوره واتمنى لكم التوفيق

[بن سلمان]

صح لسانك يابن سلمان يامبدع وننتضر اكتمال عقد المحاوره واتمنى لكم التوفيق

وش اللي يمنع ماتكون طرف فالمحاورة يابو طلال ولا ماحنا قد المقام
ماتدري ان مشاركتك في أي محاورة لها رونقها الخاص طال عمرك

[علي السبيَه]

ابشر بي يابن سلمان ويشرفني اشارك في اي محاوره انت فيها
ولكن جهازي اي كلام واخاف ما يصمل معي احتمال ينطفي في
اي وقت وقصايدي اي كلام اخاف ما تجملني منك يابن سلمان


الرد:علي السبيه=
.=
ابنعرف البندق من الرقم والشعار=
ليت السماء في كل حزه ليام عين=
والقاع يهري غايص البحر والجم هور=
لا تكسر المسمار في اللوح يا سماره=
متى الصحاري يروي الماء نشوفها=

[عاشق المها]

صحّت ألسنتكم يالنشامى والله يقويكم ...

وأنا اُرشح الشاعرين عبدالله غازي ونديم القوافي واتمنى ذلك ومتأكد بأن المحاوره ستكون رائعه جداً ...

[بن سلمان]

هههههههههههه الله عليك يابو طلال أنا من زمان قلت لك ان يعجبني فيك تواضعك=
وانا اعترف أنك أحد الذين تعلمت منهم الشعر بصراحه=
يكفي لاقلت لاحد عن بدعه وقالوا من رد عليها قلت علي السبية بكل فخر=
ويكفيني من ردودك هذا بيت جلست أضحك منه كثيراً وذلك أعجاباً يشهد الله=
(لا تكسر المسمار في اللوح يا سماره)=

[ابو عبيد]

طيب طيب

اعجبتني القارعه وحبيت المشاركه

وياليتني اتجمل معكم



جيت احضر الميقاف واسجل الحضار=
ون كان شي قسمه ترى ما نبي الثمين=
هات الهجير انكان وده وله مقدور=
ون كان شي للشعر تختار هو تختاره=
يحكم على ابيات الشعر من صفوفها=

[ابو عبيد]

نديم القوافي
صح لساااااااانك مليون

دخيلك اسمحني وربي ما شفت بدعك والظاهر انا بدعنا سواء


دخيلكم احذفو بدعي وربي انه شرهه



ابى ينحذف معي

[بن سلمان]

طيب طيب

اعجبتني القارعه وحبيت المشاركه

وياليتني اتجمل معكم



جيت احضر الميقاف واسجل الحضار=
ون كان شي قسمه ترى ما نبي الثمين=
هات الهجير انكان وده وله مقدور=
ون كان شي للشعر تختار هو تختاره=
يحكم على ابيات الشعر من صفوفها=


أبو عبيد الله يحييك ويطول عمرك بدعه رائعة بروعة صاحبها
لكن المحاورة بين اربعه والشاعر نديم القوافي بدع وننتظر من يرد
عليه فلا يجوز انك تبدع والبدعه اللي قبلك ماحد رد عليها
مشاركتك تشرفنا فباقي لنا واحد ونكمل اربعه اذا ودك تكون الرابع
وترد على نديم فحياك الله(اربعة شعار ماهو اربعة بلوت هههههه)

[ابو عبيد]

بن سلمان ونا فدى خشمك

ماني غشيم بنظام المحاورات وربي ماشفت بدع نديم القوافي الا بعد ما نزلت بدعي

وصفحة التعديل والحذف ابت تفتح معي الشيطان


عاد هذا شغلكم يالمشرفين احذفو بدعي الذماه والله انه شرهه قدام بدع نديم القوافي


ونا لكم من المتابعين

[نديم القوااافي]

طيب طيب

اعجبتني القارعه وحبيت المشاركه

وياليتني اتجمل معكم



جيت احضر الميقاف واسجل الحضار=
ون كان شي قسمه ترى ما نبي الثمين=
هات الهجير انكان وده وله مقدور=
ون كان شي للشعر تختار هو تختاره=
يحكم على ابيات الشعر من صفوفها=

صح لسانك يا ابو عبيد .. انا حذفت بدعي احترام لشخصك الكريم ويشرفني اكون خويك في هذي المحاوره


رد : نديم القوااافي=
0

احنا تمدّنا وصرنا من الحضار=
ما نشري الا غالي اللبس والثمين=
ما دام سعره في يدين الغني مقدور=
بنشري الشي الذي عيننا تختاره=
واكادميتكم تجمل صفوفها=

[مسفرالفضيلى]

صحت السنتكم والله يعطيكم العافيه يا النشاما

الله يوفقكم

[بن سلمان]

البدع=
ماظن فيه آمر من شجرة الصبار=
مايختلف لو عاش فالهجر والهجرين=
وأنا مزارع يبن عمي وأنا صبور=
وأعرف صنوف الحب في صبرة الصبارة=
والروح عن مايتعس الحظ أروفها=

[عاشق المها]

صحّت ألسنتكم ..إبداع رائع ...

واصلوا ونحن متابعون لكم إلاّ إن كان ما ودكم يابن سلمان ...لأنّي آشوفكم تجاوزتم مشاركتي لكم فالبدايه ..

موفقين بإذن الله ... لكم منّي أجمل تحية .

[عبدالله غازي]

الأخوان الشعار
بن سلمان وعلي السبيه
وابوعبيد ونديم القوافي
صحت أفكاركم وقلوبكم
يالنشاماعلى هذا الكلام
اللي ينومس لكم جميعاً تحياتي.

[علي السبيَه]

الرد:علي السبيه=
.=
ياالشيخ بن سلمان وش حيلة الصبار=
الى بلوه الناس باالهجر والهجرين=
كلن يحب العذر ويقول انا صبور=
لكن مدري وش مدى الوقت يا صباره=
لا شانت الدنيا وضاقت ضروفها=

[عبدالله الكناني]

صحت السنكم يالنشامـــا و بيض الله وجيهكم ولا هنتم يالذيابــــة ..

واصلوا واصلوا ..

و اعد نفسي اول مسنتر هنا لمشاهدة ابداعاتكم لا عدمناكـم ..

تحياتي ::/ الكناني ..

[ابو عبيد]

البدع=
ويش العمل ليا الولد بار والاخ بار=
تربا الولد والى كبر جاء ذبحك ابشين=
واخوك يضلمك ويمينه كلام الزور=
ياليت سمحان ان هدر يحتمي هوداره=
والله ماللفتنه الا كفوفها=

[شاعر بالمفضل]

طيب طيب طيب

محاورة من الوزن الثقيل وبين اربعه من الصفوه

بيض الله وجيهكم وصحت السنتكم يا النشاما

واصولا ونحن متابعين بشغف

[نديم القوااافي]

البدع=
ويش العمل ليا الولد بار والاخ بار=
تربا الولد والى كبر جاء ذبحك ابشين=
واخوك يضلمك ويمينه كلام الزور=
ياليت سمحان ان هدر يحتمي هوداره=
والله ماللفتنه الا كفوفها=


الف شكر لكل من مر وشارك وصحت السنة الشعار وقدرك على العين والراس يا عاشق المها


اعذروني على التاخير في الرد والله هزيمة الاتي نكدت المزاج الله لا يسامح لجنة الانظباط



الرد : نديم القوااافي=
0=

يا ابو عبيد ابشر بنوجز لك الاخبار=
النمر في وسط الفلا بت له كبشين=
واما الجمل سمحان برّكه وعلى الزور=
النمر حن ينضر بعينه وخذ له داره=
ايديه يا مسرع لطايم كفوفهااا=

[خالد الشيخي]

هذا الكلام ولا بلاش

[بن سلمان]

البدع=
سبحان رباً بيده الحكم والمقدار=
والشيعه الأنذال كفار ومغالين=
كبيرهم ماقد حفظ سره المسرور=
وأنا تراني تاره أصد والمح تاره=
وجنب أدروب المهالك وأصوفها=

[محارب]

صحت ألسنتكم جميعا
والله يعطيكم العافية على هذا الابداع ..
فعلا محاورة جميلة ورائعة بروعة من فيها ...

أما انا فباروح اقعد فوق ذاك العراق جنب الكناني وابو غازي واستمتع بتالقصايد الهيلة .. واسره ياليل ...

وترانا بنبدا نسجل الغياب والحضور ...

بالتوفيق .........

[شاعر بالمفضل]

ابدااااااااااااااااااااااااااااااااااااااااااااااا اااااااا ع

[صقر الجنوب]

بيض الله وجوهكم وصحت السنتكم يا المطاليق
محاورة رائعة رائعة ونحن متابعين ومشجعين

[علي السبيَه]

الرد:علي السبيه=
.=
يااهل النضر وش قيمة الكيل والمقدار=
تجّار سوق الخرده باالخرده امغالين=
كم كيس من محصولهم سره المسرور=
والاقمشه لو كان عينك بها محتاره=
ارجوك لا تخلط وبرها و صوفها=

[ابو عبيد]

البدع=
للمعصيه والظلم في شرعناكفّار*=
كفّر وتب ياللي تدور صلاح الدين=
الموت واسرافيل لامن نفخ في الصور=
ثنتين لا توبه وراها ولا كفاره=
بحور من بالشرع ياصل سيوفها=



*كفار=تكفير عن الذنوب

[نديم القوااافي]

الرد نديم القوااافي=
0=
سيف الصحابه جندل الكفر والكفار=
وعادو الكرّه وجاهم صلاح الدين=
باقي نزلزلهم وباقي ندك الصور=
القدس يزهمنا ويعتاذ من كفاره=
اشتاق للسنّه وناصل سيوفهاا=

[طير الهدد]

الله الله الله
كلام جميل وكل ماحميت القافيه يطلع الكلام الزين
لاتفكون القارعه حتى تشيب تقبلو مروري الشعراء
الاربعه المبدعين

[عبدالله اللبيدي]

بن سلمان

علي السبيه

ابوعبيد

نديم القوافي

صحت السنتكم وقلوبكم عسى الله يوفقكم

[بن خضران]

الموت واسرافيل لامن نفخ في الصور
ثنتين لا توبـه وراهـا ولا كفـاره


الله الله صح لسانك يابو عبيد كلاااااام يجمل

نديم القوافي
بن سلمان
علي السبيه

صحت السنتكم وبيض الله وجيهكم

[بن سلمان]

نأسف على التأخير ياخوان لكن ظروف الدنيا الله يعين عليها


البدع=
الشور ماله طعم لاطول المشوار=
والنور تبهج به وجوه المسافرين=
والحلو يلغي لذعت الصبر والمرور=
والعاقل اللي تاخذ الناس من مشواره=
لو طافته فكره فهو مايطوفها=(يطوفها بمعنى يعديها)

[بن سلمان]

خل شورك من لبيب العقل والمشوار
واكد الحجز وافطع تذكره للمسافرين
ولا تجي درب من خالف نظام المرور
امافي بداية مشاويره ولا وسط مشواره
طفت بيت الله بمكه وغيري ما يطوفها

اخي(ونه جنوبية) اشكرك على مرورك على هذا الموضوع
عندي ملاحظة بسيطة ياليت تنتبه لها ان المحاورة لها كم يوم
ومحدده بين أربعة شعار فما ادري هل انت مانتبهت لهذا الشي ولا كيف؟
على كل حال أشكرك على شاعريتك الجياشة وياليت تتكرم بحذف
ردك لأن الرد على هذه القصيدة موجه لشاعر علي السبية

[علي السبيَه]

[center]اخي(ونه جنوبية) اشكرك على مرورك على هذا الموضوع
عندي ملاحظة بسيطة ياليت تنتبه لها ان المحاورة لها كم يوم
ومحدده بين أربعة شعار فما ادري هل انت مانتبهت لهذا الشي ولا كيف؟
على كل حال أشكرك على شاعريتك الجياشة وياليت تتكرم بحذف
ردك لأن الرد على هذه القصيدة موجه لشاعر علي السبية

انا حذفت رده يابن سلمان وياليت رده مجمل
لكنه كلام فارغ واللحن في ديره وهو في ديره

[علي السبيَه]

الرد:علي السبيه=
.=
ياالشيخ بن سلمان لو طول المشوار=
ماعد بي الا لا يتوه المسافرين=
واللي يخالف يحجزونه في المرور=
والمرسدس يرهي له الخط من مشواره=
ياكم قرنبع في مساره يطوفها=

[بن خضران]

والمرسدس يرهي له الخط من مشواره
ياكم قرنبـع فـي مسـاره يطوفهـا



صح لسانك يابو طلال رد جميييييل

[ابو عبيد]

البدع=
التاجر الغشاش والتاجر السمسار=
اثنينهم نفس الطبايع ولايقين=
طاحو سوى في قبضة الحاكم الدكتور=
حليلهم من جور حكمه ومن عزياره=
يبطون وايديهم تشاكي كتوفها=


الحاكم الدكتور=الدكتاوري

[الطير الحر]

ما شا الله تبارك الله على هذه الرباعيه الجميله تحياتي يا ابطال كلاّ با اسمه الله يوفقكم كلام جميل

[نديم القوااافي]

البدع=
التاجر الغشاش والتاجر السمسار=
اثنينهم نفس الطبايع ولايقين=
طاحو سوى في قبضة الحاكم الدكتور=
حليلهم من جور حكمه ومن عزياره=
يبطون وايديهم تشاكي كتوفها=


الحاكم الدكتور=الدكتاوري


الرد : نديم القوااافي=
0=

لا تربطون الاذرعه فيكم السم سار=
افعالكم ماهي صحيحه ولا يقين =
ما عاد ينفع لا الممرض ولا الدكتور=
لو ما في الانعاش حارس ومنع زياره=
الجثتين ابتنسحب من كتوفهااا=

[صقر الجنوب]

صحت السنتكم شعراء كبار نسعد بكلامهم وقصائدهم ونتشرف بمتابعتهم

[بن سلمان]

ههههههههه الله عليك يابو طلال(ماعـد بـي الا لا يتـوه المسافريـن)


البدع=
أشطر ولا تنقص في الشطر ياشطار=
السوق يوم السبت يالحد يالأثنين=
غريتني وانا بعقلي منا مغرور=
لاعاد تعرقل خطوة أقدامي السياره=
وخزنتك شبه ميتها بلوفها=

[علي السبيَه]

تسلم يابن سلمان وصحت السنتكم جميع


الرد:علي السبيه=
.=
عسى فهمتم غاية الشرح يا شطار=
والا نعيد الشرح والدرس للاثنين=
من الذي مغلوبً امره من المغرور=
والسارق اللي فزعته من ورى السياره=
متى تصل به لو تعطل بلوفها=

[ابو عبيد]

البدع=
البندق اللي فيد منهو معثر ثار=
اخطى الهدف وانحن من اول معلمين=
شف كيف من رميه وحيده غدا منثور=
الحمد لله مالنا في مجالا" كاره=
والجايزه عنكم ترى فيت لوفها=



معلمين""اقصد معلمين الهدف

[صقر الجنوب]

صحت السنتكم وابدانكم وتعافت قلوبكم من كل شر

[نديم القوااافي]

البدع=
البندق اللي فيد منهو معثر ثار=
اخطى الهدف وانحن من اول معلمين=
شف كيف من رميه وحيده غدا منثور=
الحمد لله مالنا في مجالا" كاره=
والجايزه عنكم ترى فيت لوفها=



معلمين""اقصد معلمين الهدف



الرد : نديم القوااافي=
0=

الابكم الاصنق تخاوا معثر ثار=
في قصدهم يغدو قضاة اومعلمين=
ويعلمونا شعر شعبي معا منثور=
وسوس لهم شيطان ويطبقون اف كاره=
عقولهم من فعلته في تلوفهاااا=

[بن سلمان]

صح لسانك يابو عبيد وصح لسانك يانديم القوافي فيه بيت
ودي تفسره لي يانديم والله ماعرفته ماعليش(عقولهم مـن فعلتـه فـي تولفهـاااا)


البدع=
الحمد لله صار حظاً وبخت صار=
من بعد هاذاك الخطر والمدى اللعين=
صرنا ولات ديار صرنا ولات دور=
وراحت الحيره ولا عاد انا في حاره=
ياخالقي ستر عيوبي وخوفها=(خوفها بمعنى خفها من التخفي)

[ملك الليل999]

الله الله الله
حقيقه استمتعت بالمحاوره من رباعيه لشعار كبار
الله يبيض وجوهكم ياالنشامى
روعه وكلام جميل ومبادره رائعه من بن سلمان اكملها النشامى
اسمحولي احييكم جميعاًً
تصفيق

[نديم القوااافي]

وسوس لهم شيطان ويطبقون اف كاره
عقولهم مـن فعلتـه فـي تلوفهـاااا




ابو سلمان الكلمه الاخيره فيها خطا املائي وتم التعديل .. اشكر ملاحضتك واذا باقي ما وضحت الصوره ابشر بسعدك

[علي السبيَه]

الرد:علي السبيه=
.=
اعطوني الموجز من العلم بختصار=
وشهي حياة اهل الترف والمدلعين=
كنا نضن الارض توقف ولا تدور=
اشغلتم العربان باالصيح يااهل الحاره=
واقلوبكم ماطمّن الوقت خوفها=

[ابو عبيد]

البدع=
الشوف من ربي خلقني ولع باقمار=
والسوق له ورده وصدره وهابطين=
وانا ليا حنيّت ياتي ورى الحن جور=
قم يا رفيقي عنقفا الداب واتبع ثاره=
واوصيك بالسكين حدد حروفها=

[شاعر بالمفضل]

لله دركم

ابدااااااااااااااااااااااااااااااااااع

تميييييييييييييييييييييييييييييييييييز

واصلوا والله يعطيكم العافيه

[نديم القوااافي]

البدع=
الشوف من ربي خلقني ولع باقمار=
والسوق له ورده وصدره وهابطين=
وانا ليا حنيّت ياتي ورى الحن جور=
قم يا رفيقي عنقفا الداب واتبع ثاره=
واوصيك بالسكين حدد حروفها=



بن سلمان ابو طلال ابو عبيد صحت السنتكم ملايين يا كبار .. وكلي اسف على التاخير
.. والف شكر لكل من تداخل

الرد:نديم القوااافي=
0=
الشعر ماهو سمسميه ولعب اقمار=
ارفع بيوته فوق وش لك بهابطين=
اوزن بيوته قبل تطلع من الحنجور=
ولملم المعنى ورى الطيش وتبعثاره=
حتى القصيده تعجبك من حروفهااا=

[بن سلمان]

بأسمي وبأسم أخواني الشعراء علي السبية وابو عبيد ونديم القوافي
نشكر كل من مر وكل من علق على هذا الموضوع وأتمنى أن نكون
قد وفقنا في كتابة ماحاز على رضاكم.
وبدوري أشكر الشعراء على تكرمهم بمشاركتي بقصائد ترفع الراس
وخير الكلام ماقل ودل
ونتقابل على خير في مشاركات أخرى

[ابو عبيد]

وانا كذاك بدوري اشكركم جميعا شعار وجماهير

واتمنى ان اكون قد وفقت وتجملت معكم فما انا الا طالب في مدرستكم

واتمنى منكم جميعا العذر والسموحه

[علي السبيَه]

وانا كذالك اشكركم جميع وشكر خاص لبن سلمان واطلب العذر
منه ان حصل في ردودي قصور وتشرفت بمجارات الشعار الكرام
في هذه المحاوره وتحيه وتقدير للجميع كلن بااسمه

[صقر الجنوب]

وانا ايضا اشكركم جميعا يا المطاليق على هذه الرباعية المتميزة من شعراء مبدعين ومتميزين
تابعنا واستمتعنا
فجمل الله احوالكم وبيض الله وجوهكم