الدنــيا ومافيها ....

[انين الجرح]

(( الدنــيا ومافيـها ))


انصحك يامن تقضي الدين بالـــــدين
لا تأمـــن الـدنيــا تراهــا مخيــفـــــه

فيها اختلط زين الوصايف مع الشين
وفيها عريــب الجـد ما سـل سيفــــه

وشفت فيها من يطـارد ورى الزيــن
لا ريــح اقـدامـــه ولا زان كـيـفــــه

وشفت فيها شيخ راكب لموزيــــن
اسمه مبارك مدري اسمه حذيفـه

عنده عقارات وبيـوت وملاييـــن
واذا لفاه الضيف ما عــز ضيفه

وشفت فيها من يؤم المصليــــن
هني لكم يا اهل القلوب النظيفه

وشفت فيها من يحب المساكيـــن
يقسم لهم من شربه ومن رغيفه

وشفت فيها واسطه شوفت العين
وانا على باب الله اطلب وظيفــــه

وشفت مستور العصيمي مع الفين
يتنابزون القاب وش ذا الكسيفـــــه

وشفت فيها ظبي في يوم الاثنيــــن
سافر ولا قد زارني بـيـوم طيفــــه

ويامن تنشد عن سلوم المحبين
اللي يحب انسان ماعاد يعيفـــه

وفيها جلادة نفس وفراق غالين
الله يعين اللي يفـــارق وليفـــــه


تحياتــــــ انين الجرح ـــــــاتي ..

[أبـو مشاري]

جعـلك سالم اخي الكريم

[انين الجرح]

اعـــــز انسان اشكركـ على مروركـ الكريم

تحيــ انين الجرح ــــــاتي

[ابن المساريه]

الله الله تسلم على هذا الإبداع ياأنين...؟

[فهد قزعه]

طيب ياخي طيب اطربتنا صح لسانك تقبل مروري واحترامي

[انين الجرح]

ابــــن المساريه
فهد قزعــــــــــه

مروركم تاج على راسي لاهنتم .......

تحيــــــــ انين الجرح ــــــــاتي

[علي السبيَه]

الله الله تسلم على هذا الإبداع ياأنين وصح لسانك ملايين

[انين الجرح]

علي السبيـــــه
مروركـ على الموضوع ما زاده الا تشريفا .........لاهنــت

تحيــــ انين الجرح ــــاتي