والله اريد الشاعر فهد قزعة للمجاراة

[@ملك العزلة@]

مساء الخير انا بصراحة من المعجبين بقصائدك وابي اتحاور معاك وخلنا نتوكل على الله

البدع
يافهد يارفيقي يالرفيق الحبيب
اسمع العلم دام العلم جانا وكيد
القصايد كما الكورة بلعب(ن)وفنا
غير ماكل بيت جاء نغني بها

[فهد قزعه]

حياك الله ياملك العزله اقبل هذا الرد ان اعجبك والا شبه


الــــــــــــرد
مرحبا سرت بالاقدام والا حبيب
هات علمك عسى مافيه ضيقه وكيد
سيف ابو طالب اعدم روس واجد وفنا
كلمة الحق فالموقف نغني بها

[@ملك العزلة@]

اشكرك على هذا الرد

يافهد حالتي مافاد فيها الطبيب
والطبيب المداوي مادرى وشنريد
حالتي لو يشخصها على ماتمنا
ماعرف علة(ن)بالقلب واسبابها

[شاعر بالمفضل]

طيب طيب


كلام وعلم يهول


ملكـ العزلة

فهد قزعه

صحت الالسن وتعافت الابدان

[فهد قزعه]

شاعر بالمفضل صح بدنك
ملك العزله اقبل هذا الرد الملشلش والا احذف به من راس المنتدى


الـــــــــــــرد

الهموم اللذي في وسط قلبك طبيب
مــد يمناك للمعروف لا تحتري ايد
الله يغفر لموتاكم ومن مات منا
جنة الخلد مثوى والونس بابها

[ابن المساريه]

ياسلام ياملك ويافهد ... ؟؟

[@ملك العزلة@]

صح لسانك
علمنا يافهد من غير شك(ن)وريب
لاتحاول ترامينا بصكات حيد
والبشر كلهم يدرون عنكم وعنا
شاعر محترف واعرف لساليبها

[محمد الحسني]

رااااائعين وجسدتم الإبداع في أفضل صوووره



لا خلا ولاعدم وعساكم ع القوه يارب

[شايب العشرين]

ملك الغزله هذا الصح شاعر وبدوعك محكومه بيض الله وجهك
قزعه ردود وافيه من رجل وافي
تقبلو مروري

[جار الله الخامس]

كلام جيد (ملك فهد موفقين الى الامام)تحياتي.

[فهد قزعه]

اشكر كل من مر وعلق كل باسمه صحة ابدان الجميع


الــــــــــــــرد

ياملك علمكم فايت ولا هو قريب
انا ماني محايد لو بعلمك تحيد
احنا ندري وش اللي جا بقلب المعنا
هرجته واضحه لومارسى لي بها

[علي السبيَه]

ملكـ العزلة
فهد قزعه

صحت السنتكم وابدانكم