الى متى ونحن نعلمك ياعلي

[بن سلمان]

ودنا بقارعة خفيفة يابو طلال ولا هانوا الاخوان ان كان ماعندك مانع وتراني ناوي لك بنية الله يعطيك خيري ويصرف عنك شري

البـــــــــــــــــــــدع

يقول أبن سلمان يالله يامعين
العالم أبدوا شيب راسي وصبري باح
ولا أشره الا عالمُوالي وعالقريب
وانته من الناس الذي شاب منهم راسي
الا متى ونحن نعلمك ياعلي

[بدر البدور]

صح لسانك يا بن سلمان
ولك خالص شكري وتقديري

[جبل هادا]

الله الله

إلا متى إلامتى
صح لسانك يابن سلمان وشغل معلمين
اسعدك ربي وانا في المدرج

[علي السبيَه]

الله يعطيني خيرك يابن سلمان ولا لقيت الا انا تفتري فيه
وترى بيني وبينك انا متعود اندبغت من الشعار لين قلت امين



الرد:علي السبيه=
.=
لا رعد لا برّاق شفته ولا معين=
وين الذي ينتج ويربح وصب ريباح=
ما ينزفون البحر باالدلو والقريب=
وان كان شرك بين الاضلاع من هم راسي=
يالله تشفي كل معلول يا علي=

[بن سلمان]

أسمح لي لو ضيقت بعض القوافي.لوما اعرف انك أبوها وجدها ماخليتها كذه

البـــــــــــــــــــــدع

ماظن لك عندي ديوناً ولا لي دين
قد جيتني بالقفل وأعطيتك المفتاح
والود واضح والمعاريف ماتعيب
لكن لو يحداني الفقر والفلاسي
ماقلت عطني من حلالك ولا أهب لي

[علي السبيَه]

خذ راحتك يابن سلمان ويكفيني شرف وفخر مجاراتك في هذه الصفحه


الرد:علي السبيه=
.=
لي جهد مايفتر ولي عين وايلي ايدين=
مانحسب الاعمى يضلي كما المفتاح=
الدرب واضح لا صعيب(ن) ولا تعيب=
وشفي القلوب الغُلّف الخاويه الفلاسي=
ماجا من الفحمه شرار(ن) ولهب لي=

[بن سلمان]

البـــــــــــــــــــــدع

ماصفت عنكم لايساراً ولايمين
والعلم وأضح مايبي له ولا شيراح
لن كان فالمشرق ولن كان فالغريب
والقاضي اللي سيس المحكمه بسياسي
يامصرعه يكتب في اللوح لفت لي

[مسفرالفضيلى]

بن سلمان


علي السبيه


صحت قلوبكم والسنتكم والله يعطيكم الف عافيه يا النشاما

علم يشرح الصدر وينومس الله يوفقكم

[بن خضران]

الله الله صحت السنتكم يالمطاليق تسلمون

[علي السبيَه]

الرد:علي السبيه=
.=
انشاءالله مايلحق علي لوم لايمين=
في حاضر الاعمال والا على شي راح=
سد الشفا نقاده يااللافي الغريب=
وان كنت ذا محتال بين االعرب واسياسي=
ماني مصدّق هرجتك لو حلفت لي=

[بن سلمان]

البـــــــــــــــــــــــــدع

انا في الدنيا مجاهد وباذل حين
في حزة الممسى وفي حزة المصباح
خلوني ارمي صوب الاهداف لين أصيب
الى متى وانا مع ذالزمان القى سي
ماعاد اريد أسمع ورى الذم هجو لي

[علي السبيَه]

الرد:علي السبيه=
.=
ذلحين ننشد من بيرفض وابا ذلحين=
ياشيخ نور الشهر ماهو كما المصباح=
جا لك نصيب(ن) في حياتك ولي ناصيب=
لا تعصر اللين ولا تكسرون القاسي=
والمنتسم ماهو كما اللي مهجولي=

[أحمد مطر]

صحت ألسنتكم يالمطاليق معكم معكم
واصلوا وأمتعونا


تحيااااااتي

[بن سلمان]

البـــــــــــــــــــــــــدع

لضيفتي قدمت ضيفه بشاه دين
واتعبت قلبي في غدوك وفالارواح
سايرت دربك واثر دربك بعد نشيب
والحقت من شرك بكل الدول دناسي
وأسرفت في ظلم البشر وأنتقلت لي

[بن سلمان]

الشكر موصول لكل من شرفنا بمرور والله يحيي الجميع

[علي السبيَه]

الرد:علي السبيه=
.=
الداعي المحتال جانا بشاهدين=
والصدق بين الناس يبقى وفا الارواح=
عمر الصبا لو زان وقته بعد نشيب=
من الفوايد مانقول بد ولد الناسي=
وشلون تجحد هرجتك وانت قلت لي=

[بن سلمان]

وش لون تجحد هرجتك وانت قلت لي هههههه

البـــــــــــــــــــــدع

ترى القصايد تشبه الصارم السنين
وان كان لك قرنين انا جاهزاً لنطاح
والشعر له مجنى كما التمر والبيب(اللباب)
قصايد العرضات والشقر والاجناسي
زينتها باللول والماس محتلي

[مصفي]

محاوره رائعه الله يقويكم

مافيكم حيله الا ثنين

[علي السبيَه]

شكلك ناويني يابن سلمان الله يعينني عليك
مامعي الا نضبه وابتبيحها في هذه القارعه


الرد:علي السبيه=
.=
ياصاحبي يتعاقب الوقت والسنين=
يستاهل اللي سار فوق الخطر لن طاح=
عندي معاني خافيه تفحم اللبيب=
ماالدوله كم وافد خذا منحة الاجناسي=
اما تسلم غصب والا سمحت لي=

[بن سلمان]

البــــــــــــــــــــــــــدع

الحمد لله لي مكانه وجاه زين
واللاش وان كان العطر في لباسه فاح
مابمضي ادياره ولا اطبها طبيب
افضلي أتلمس من اهل الوفى لمواسي
والعود له شداً وكيفات حملي(حمل)

[العالم المثالي]

صحت إلسنتكم وبارك الله فيكم

[رياض]

كلام مليان من شعار لهم صيتهم في المنتدى وغيره ... واصلو واحنا معكم ياشباب ....

[صقر الجنوب]

شعراء كبار مثلكم لايسعنا الا ان نقول بيض الله وجوهكم وصحت ابدانكم

[علي السبيَه]

الرد:علي السبيه=
.=
اهل القباحه ساعة الشر جاهزين=
والحنظله ماعمرها عودت تفاح=
والحمق مافاده علاج(ن) ولا طبيب=
بااحسّن اللحيه القبيحه بحد امواسي=
جزاك يااللحيه القبيحه تحملي=