القهر في كبودها

[بن سلمان]

بدعة متواضعة والرد متاح للجميع الله يحييكم

البــــــــــــــــــــــدع

ياقلبي اللي ماتشافى ورى علجاه
هذا قضاء ربي وحكمه وله مقدار
أصبحت حتى من ورى الضيق بي حنّاس
ماعاد في ثوبي لماي العطر شماتي
روحي تكابد والقهر في كبودها

[السياف]

السلام عليكم ورحمة الله وبركاته

الــــــــــــــــــــــــــرد

الله يامحسن كلامك ياراع الجاه
مدام له حب (ن) بقلبي وله مقدار
ماهمّه اعلام (ن) تجي من قبيح الناس
والوقت لاحدك على اصحابك الشُماتي
خل الزعل والغيض يقهر كبودها

[بدر البدور]

بن سلمان
صح لسان يالغالي وعساك على القوه
وبارك الله فيك

السياف
صح لسانك على الرد الوافي

ولكم خالص الشكر والتقدير والاحترام

[علي السبيَه]

الله يكفينا شر القهر وصحت السنتكم وابدانكم ياشعار

[بن سلمان]

حياك الله يالسياف والحمد لله على السلامة بعد شرفتنا بتواجدك ولي الشرف بمجاراتك

البـــــــــــــــــدع

حايلت راع الارض حتى شريت ارضاه
لكن خيرني وانا مابغي الاخيار
وعلى مداخلها سلاسل وشي متراس
وأخلف عليه فرحت القلب ومنياتي
وهروجه أدخل مزحها في جدودها

[بن سلمان]

الله يكفينا شر القهر وصحت السنتكم وابدانكم ياشعار


هههههه حياك الله يابو طلال ويعجبني فيك سرعة بديهتك وتبقى أستاذنا مهما كان

[بن سلمان]

بن سلمان
صح لسان يالغالي وعساك على القوه
وبارك الله فيك

السياف
صح لسانك على الرد الوافي

ولكم خالص الشكر والتقدير والاحترام

حياك الله يابدر ومرورك شرف لنا طال عمرك

[أحمد مطر]

بن سلمان ............ السياف

الله يعطيكم العافيه يامبدعين صحت ألسنتكم وعساكم على القوه

[صقر الجنوب]

بن سلمان
السياف
صحت السنتكم يا المطاليق

[همسة شوق]

بن سلمان..
السياف ......{
صحت السنتكم لاهنتم
ابدعتو وامتعتو
يعطيك الف عاااااااااافيه
وعساكم ع القوه
لاهنتم
تقبل مروري
ارق تحيه ...,

[عبدالله اللبيدي]

بن سلمان

السياف

صحت السنتكم وفالكم التوفيق

[علي عيظه]

مبدع دائما يابن سلمان

السياف كفيت ووفيت بس لاتتأخر على بن سلمان شكله حامي


بالتوفيق للجميع

[السياف]

الرد
لي صاحب (ن)ياليتني ماشريت ارضاه
شريّر وانا احسبه واحد من الاخيار
وقلت بترده مذاهب وشيمة راس
والعيب كل العيب ندريبه امن اياتي
عزوته مانجهل كرامة جدودها

[بن سلمان]

البــــــــــــــــــــــدع

مدري متى تفهم كلامي وتاعي باه
كم قلت لاتهتم وان طول المشوار
لكن قلبك صاف درب القدى ونحاس
واصحاب الاخدود انتهوا مالهم شيفاتي
لكن في نجران تالي خدودها

[السياف]

الرد
ياوجد روحي يالرفاقة وياعيباه
على الذي ماسمعو النصح والاشوار
يخلطون في المثل فضة (ن) وانحاس
لكن بعد تحزن وتندم على شي فاتي
وتعض اناملها وتلطم خدودها

[بن سلمان]

البـــــــــــــــــــــدع

راع الغشش مالي ببيعه ولا شرواه
لانه مثيل الداب في داخل الاخبار
ويشبه الثعلب وفي حلية النوماس(النمس)
ولا وراه الا التحاسيف واللوماتي
عزوته مانعرف كرمها وجودها

[علي السبيَه]

المحاوره ساخنه والقصايد سيوف قاطعه والشعار محترفين
بن سلمان والسياف صحت السنتكم وابدانكم ياالنشاما

[بن سلمان]

المحاوره ساخنه والقصايد سيوف قاطعه والشعار محترفين
بن سلمان والسياف صحت السنتكم وابدانكم ياالنشاما

حياك الله يبو طلال ومرورك فخر لنا طال عمرك يشهد الله.وحنا من طلابك

ومن ناحية القصايد بعد انت سمعت شي ؟بعد تابع وخلك وتشوف وش يجي.وبعد بيجي سيوف وجنابي و........

[السياف]

الرد

يعيش بن سلمان شاعر كما شرواه
ويزيد عنهم يعرف العلم والاخبار
رباه ابوه على المراجل وعالنوماس
لكن قلي ويش حال الشعر لوماتي
بتفقد ابيات القصايد وجودها

[بن سلمان]

البـــــــــــــــــــــــــدع

وش عاد نبي بالصدق لو كان زاورناه
الصدق شمعه بعدها النور والاسفار
والكاذب الجاسوس ماهمني لن جاس
بعطيه علقه لجل ينبه ورى علقاتي
ويتضح له نقصها من زيودها

[مسفرالفضيلى]

بن سلمان

السياف


صحت السنتكم وقلوبكم والله يعطيكم الف عافيه يا النشاما






يعيش بن سلمان شاعر كما شرواه

(يعيش يعيش )

ويزيد عنهم يعرف العلم والاخبار

( ونعم ونعم )

لكن قلي ويش حال الشعر لوماتي

( سوال وجيه )

بتفقد ابيات القصايد وجودها




الله يوفقكم

[السياف]

البـــــــــــــــــــــــــدع

وش عاد نبي بالصدق لو كان زاورناه
الصدق شمعه بعدها النور والاسفار
والكاذب الجاسوس ماهمني لن جاس
بعطيه علقه لجل ينبه ورى علقاتي
ويتضح له نقصها من زيودها



الـــــرد
العام رحنا دار صنعا وزاورناه
ومعي خوي (ن) ونعم (ن) يعشق الاسفار
وطحت انا وياه في ديرة الانجاس
سكانها تصبح وتمسي وهي عالقاتي
حتى الحضارم ماتداني زيودها

[بن سلمان]

بن سلمان

السياف


صحت السنتكم وقلوبكم والله يعطيكم الف عافيه يا النشاما






يعيش بن سلمان شاعر كما شرواه

(يعيش يعيش )

ويزيد عنهم يعرف العلم والاخبار

( ونعم ونعم )

لكن قلي ويش حال الشعر لوماتي

( سوال وجيه )

بتفقد ابيات القصايد وجودها




الله يوفقكم


حياك الله يامسفر ولاعليك زود طال عمرك والسياف الله يحفظه كبرها شوية لكن ان شاء الله ان فينا الخير جميعاً

[بن سلمان]

البــــــــــــــــــــــدع

تراني اعرف قاصي العلم من دنياه
وأعرف حقوق الضيف واعرف حقوق الجار
ولي من ابطال العرب عزوةً ولباس
والوادي الي مابه ادروب وساعاتي
ماهتم بشجاره ولا ماي عودها

[السياف]

اسف على التأخير يابن سلمان ونختم بهذا الرد

الرد..

يعين ربي ولد سلمان في دنياه
لو جارو اصحابه وفي ذالزمن لوجار
لكن تصبر يابن عمي يزول الباس
المشكلة ماهي بفي عقرب الساعاتي
المشكلة في صاحبك مايعودها