المساعد الشخصي الرقمي

مشاهدة النسخة كاملة : سبحان الله يالصدفه

بن سلمان
16/02/2009, 06:15 PM
هذه قصيدة اثارة قريحتي لما تفاجئة بل اندهشت بمعنى اصح لما قرأت اسم احد أعضاء هذا المنتدى الغالي وأكتشفت بأني اعرفه تمام المعرفة وله من التقدير مالله به عليم لكن الايام والاقدار باعدتنا عن بعض على كل محبة وطيب وكنت ابحث عنه وعن اي معلومات توصلني له فلم اجد وسبحان الله يالصدفة الي جمعتنا بهذا المنتدى.هذا الصديق الغالي هو استاذي بكل شرف الاستاذ(احمد مطر )فياليت يقبل مني هذه القصيدة ويجاريني بردوده المعروف والله يحيي الجميع

البــــــــــــــــــــــدع

سلام ياحمد بن مطر يالكريم أبن الكرام
يالصاحب الي صادفتنا به اقدار الزمان
سنين مرت وانتهت كنها ساعة ويوم
والله جمعنا صدفه بمنتدى قرية رباع
الوافية ميزة للأشراف ورباع اهلها
المزيونه
16/02/2009, 06:20 PM
بن سلمان صح لسانك

واشكرك من اعماق قلبي على الاخوة الصادقه
بن سلمان
16/02/2009, 06:58 PM
اقتباس:
المشاركة الأصلية كتبت بواسطة امير القلوب http://ruba3.com/vb/tl4s_ruba3/buttons/viewpost.gif (http://ruba3.com/vb/showthread.php?p=240970#post240970)
بن سلمان صح لسانك


واشكرك من اعماق قلبي على الاخوة الصادقه

يشرفنا مرورك يامير والله لايهينك
أحمد مطر
16/02/2009, 09:46 PM
بسم الله الرحمن الرحيم :
أولاً :شهادة حق ليس لي من وراءها أي طائل سوى قول الحق . لقد صحبت هذا الرجل المتواضع والخلوق والشاعر العبقري زمناً فما رأيت منه إلا كل مايثلج الصدر ويرفع قدر من يصاحبه أو يلتقيه ثم افترقنا على غير رغبة منا نحن الإثنين ثم كان الفضل لله ثم لمنتدى رباع الذي أعاد هذه العلاقه لما كانت عليه ثم للمعلوميه أنا من ناحية الشعر لاأقارن أبداً بإبن سلمان فهو معلم أجيال في الشعر وماكنت إلا واحداً من تلاميذه وسأظل لأن ذالك شرف لي
وهذاردي المتواضع جداً أورده على استحياء أمام إبداع أبوسلمان :

الرد:

يامرحبا بك عدّ طلع المجاني والكرام
من بعد وقت(ن) كل مااحسبته اقدا رزّمان
ماكنّه الاّ سيف يشـّـر على راسي ويوم
واليوم ليت الله يردّه كما خيل(ن) رباع
يصهل على كسب البطولات وارباعه لها
مسفرالفضيلى
16/02/2009, 11:08 PM
بن سلمان

احمد مطر


صحت قلوبكم والسنتكم والله يعطيكم الف عافيه يا النشاما


واسال الله ان يديم المحبه بين الجميع

الله يوفقكم
بن سلمان
16/02/2009, 11:21 PM
البـــــــــــــــــــــــدع

هات القصايد وأنتبه من حلالاً وأحترام
الشعر مثل الورد يزهر على الروس أزهران
بيوت مثل الشهد وبيوت من مر وسقوم
يروى بها الي يعشق الوافية واللاش جاع
وأنا أعشق الاشعار وأطرب لها وأرجالها
أحمد مطر
16/02/2009, 11:41 PM
صح لسانك يابن سلمان وهاك الرد يالطيب
الرد:
الشاهد الله لك محبه وقيمه واحترام
وانا اعتبرتك يابن الاجواد من روس ازهران
شرواك اعدّه بين جمع العرب مرّوس قوم
واللاش ماظلى من اهل الندا والاّ شجاع
وانحن هل الوقفات وابطالها وارجالها
بن سلمان
17/02/2009, 12:02 AM
البـــــــــــــــــــــــــــــدع

سافرت لساحل وعمت البحر والكل عام
ماتعبني الا نظرتي للبحر والشيبحان
قامت تدمدم عينةً بالمطر والما يدوم(ديمت المطر)
أثر البحر ماله وداعات ياراع الوداع
أما يغر الناس ولا يشرع مالها
علي السبيَه
17/02/2009, 02:44 AM
بن سلمان
احمد مطر

تعيشون ياالنشاما وصحت السنتكم وابدانكم اثنينكم مبدعين
نضمتم القصايد على اصولها وحفظتم هيبة الشعر واصلو
في هذه المحاوره الرائعه واحنا مستمتعين بماتقدمونه من روائع
أحمد مطر
17/02/2009, 02:44 AM
سلمت يابطل واعذرني على التأخير والله ظروف خاصه وانت سيد العارفين
الرد:
أشوف بعض الناس جدّد شبابه كل عام
ماقال طال العمر في هجرتي والشيب حان
ولادرا ان الوقت يفني شباب(ن) مايدوم
حليل من غرّته دنياه عن يوم الوداع
والروح ماتتعاقب الاّ بشر اعمالها
علي السبيَه
17/02/2009, 03:02 AM
اقتباس:
المشاركة الأصلية كتبت بواسطة أحمد مطر http://www.ruba3.com/vb/tl4s_ruba3/buttons/viewpost.gif (http://www.ruba3.com/vb/showthread.php?p=241147#post241147)
سلمت يابطل واعذرني على التأخير والله ظروف خاصه وانت سيد العارفين
الرد:
أشوف بعض الناس جدّد شبابه كل عام
ماقال طال العمر في هجرتي والشيب حان
ولادرا ان الوقت يفني شباب(ن) مايدوم
حليل من غرّته دنياه عن يوم الوداع
والروح ماتتعاقب الاّ بشر اعمالها



.................................................. .....................
كلام ثقيل وينعد مثل عد الدراهم وين كنت غايب عنا كل
هذه المده يااحمد مطر صح لسانك وعلى شانك ياشيخ
صقر الجنوب
17/02/2009, 03:14 AM
بن سلمان
احمد مطر

أجدد الترحيب بكم في منزلكم وبين اخوانكم
وخبر تعارفكم ولقاءكم من جديد اثلج صدورنا
خاصة عندما نعرف ان ذلك بسبب منتدى رباع
المنتدى الذي نطمح ان يجمع كل المبدعين والرجال النشاما امثالكم
دمتم دائما على المحبة ونقاء القلوب
صحت السنتكم يا النشاما
واصلوا لاعدمناكم
انثى راقيه
17/02/2009, 03:53 AM
شاعرينا الكريمين...

احمدمطر.. بن سلمان ...لكل منكما........

صح لساانك دووووووووووووووم.......

وجمعك الله بكل من تحب في الدارين..........

تقبلوا مروري ...........مع اطيب تحية.....
أحمد مطر
17/02/2009, 02:15 PM
شاعرنا الكبير علي السبيه بارك الله فيك وكثر من أمثالك هذا بعض ماعندكم ومانحن إلا بكم وبتعاونكم معنا

صقر الجنوب حياك الله ملايين ومرورك على موضوعنا شرفٌ لنا يالغالي

أختي أنثى راقيه لك الشكر ومرحباً بك شرفتينا بمرورك العطر .
بن خضران
17/02/2009, 02:40 PM
لله دركم من شعار ابدعتم بكلامك وقصائدكم الرنانه

صحت السنتكم ياشعار واصلو وانحن متابعين

لا بداعكم المميز لا عدمناكم ...
بن سلمان
17/02/2009, 06:55 PM
الشكر موصول الى كل من شرفنا بأطراءه ومروره الكريم والله يقوينا ونأتي بكل ماينال ولو الشيء اليسير من رضاكم طالت اعماركم
بن سلمان
17/02/2009, 07:24 PM
أشكرك يابو مطر على هذه الردود الاكثر من رائعة انا اشهد انها ردود تعطي الواحد يجتهد في البدع بقدر المستطاع

البـــــــــــــــــــــــدع

أنا معي هجمه على أهل القصايد وقتحام
ماهمني شياً غلي فالمثايل وشي هان
أكل قلوب الناس وكبودها وأكل لحوم
ولا أقتنعت من المثايل وفضلت القناع
خليت شياً يجتنبها وشي ينفى لها
أحمد مطر
17/02/2009, 09:48 PM
تسلم يابن سلمان وانا منك ودون ماأتعدك أبداً

الرد:

ماشاق عيني غير صقر(ن) تعلـّى وقت حام
خلّ العقاب ادري عنه مايشابه شيّهان
هذا الصقر ياصاحبي مكسبه في كل حوم
يشوقني في الجو ولاّ مقنـّع بالقناع
وامّا النـّصور الله خلقها وشيّن فالها
بن سلمان
18/02/2009, 02:13 AM
البـــــــــــــــــــــــــــدع

أسمع بحفلات المزاين ولا أدري وين تقام
من كثرها صارت كما جمراً معاه أدوخان
والبادية قامت تساوم جمال الشرق سوم
تذرعت من كثر جولاتها كل الذراع
وأتعبتها يالي من أول تبي نفعى لها
رياض
18/02/2009, 02:35 AM
الله الله الله وش ذالعلم ياخواني والله شي شين يخلي اللي مايحب القصايد يحبها من فوق خشمه.. بيض الله وجيهكم يابن سلمان وابو مطر...
أحمد مطر
18/02/2009, 02:38 AM
الرد :

يحق للمغدور يسعى لثار(ن) وانتقام
من صاحب(ن) قد كان بالطيبه امعاهد وخان
هذاك يلقى له من اهل الردى والشر قسوم
والله مانال الجمايل بطولات الذراع
يوم النشامى في المواقف تبين افعالها
بن سلمان
18/02/2009, 03:28 PM
اقتباس:
المشاركة الأصلية كتبت بواسطة رياض http://ruba3.com/vb/tl4s_ruba3/buttons/viewpost.gif (http://ruba3.com/vb/showthread.php?p=241645#post241645)
الله الله الله وش ذالعلم ياخواني والله شي شين يخلي اللي مايحب القصايد يحبها من فوق خشمه.. بيض الله وجيهكم يابن سلمان وابو مطر...

حياك الله يارياض وشهادتك فخر لنا طال عمرك
بن سلمان
18/02/2009, 03:44 PM
البــــــــــــــــــــــــــــدع

شوقت عيني يالذهب يوم أشوف حللك لام
غالي ولا يشريك راع الفقر والفيلسان
وماأنت يالي تعشق البل يالكفو الهموم
الى نهرت العود سمحان راع العنق طاع
ربى في ديار المكارم وبيت أفضالها
أحمد مطر
18/02/2009, 04:00 PM
الرد :
يالشيخ ابن سلمان مانعطي إلاّ احلى الكلام
والمعرفه بتبين في فعل وإلاّ في لسان
الله يكفينا ويكفيك من شرّ الهموم
لكن لاتقطع تراني نهيتك عن قطاع
اتعب على صحبتك مااقول ابيت افضالها
بن سلمان
21/02/2009, 01:29 PM
صح لسانك يابو مطر والمعذرة فالانقطاع الحقيقة لكنت في منطقة مافيها شبكة اتصال لمدة 3ايام وعلى كل حال حصل خير وأرى أن ماحصل فيه بركة والشكر لك ولكل من مر على هذا الموضوع ولكم تحياتي
صقر الجنوب
21/02/2009, 02:28 PM
صحت السنتكم يا المطاليق واصلوا وانحن متابعين لهذه الروائع