المساعد الشخصي الرقمي

مشاهدة النسخة كاملة : هات القـــــــــــــــــاف

بن سلمان
07/02/2009, 10:35 PM
الرد طبعاً متاح للجميع الله لايهينكم

البـــــــــــــــــــدع

التمور الي تطيح من النخل تلقى لها تلقاف
شفت بستان النخيل وشوقتني ديرته وطروق
ياهني الزارع الي جاب تمره من قصى يده
واهني الكف ذيك الي تحمل بالتمر وتقوله
تجني التمر الذي دعه زلال الما بدايعه
والتمر مايعشق الا ديرةً ماحلها الفيراسي
لاسقى الله ديرةً يتلف عذوق التمر دودها
علي السبيَه
07/02/2009, 11:15 PM
صح لسانك يابن سلمان يامبدع واسمح لي بهذا الرد المتواضع


الرد:علي السبيه=
.=
مرحبا ياكل شاعر هات ماعندك وهات القاف=
ان بغيت اللعب والموال والا للزمل واطروقه=
كل من قصد تميز مستوى شعره قصايده=
يابن سلمان انت شاعر والقصيد اتميزه وتقوله=
شاعر متمكن بنضمه في ردوده في بدايعه=
وانا شاعر قيف وابيات القصايد والحكم في راسي=
ابنجمّل في بدوع الحكمه والا في ردودها=
بن سلمان
07/02/2009, 11:31 PM
الله يصح لسانك على ردودك الاكثر من رائع ويشرفني مجاراتك وودنا ناخذ عليها قارعة ان كان ماعندك مانع

البـــــــــــــــــــــــدع

هقوتي بالله ماصدقت لاكاهن ولا عراف
كملي آحق النظر والشوف مايتعب بكثر حقوقه
وأعرف الشهم الوفي في صدرته ولا عوايده
والشرف له منزلاً كلاً تمنى جيته ووصوله
طبعوه في الكتب والله يامحسن طبايعه
والشعر له طعم حالي مثل طعم التمر والجلاسي
ولا مثل الرزمه الي ماحداً يكره نقودها
مسفرالفضيلى
07/02/2009, 11:57 PM
بن سلمان


علي السبيه


صحت السنتكم قلوبكم والله يعطيكم الف عافيه


والله علم يشرح الصدر وينومس

الله يوفقكم
علي السبيَه
08/02/2009, 01:46 AM
اتشرف بمجاراتك يابن سلمان


الرد:علي السبيه=
.=
في الحقيقه ماغدى كلن لنضم القافيه عراف=
انما في صفحة النّت كيف للشاعر يضمن حقوقه=
والحرامي سرقة ابيات القصايد من عوايده=
ما نتوه ونعرف العلم الرزين ومنهجه ووصوله=
نهجنا نهج الندى والطيب يامحسن طبايعه=
كل مجلس ماالمجالس سمعته تبقى من الجلاسي=
ومجالسنا نديّه مابيلحقها نقودها
علي السبيَه
08/02/2009, 01:48 AM
اقتباس:
المشاركة الأصلية كتبت بواسطة مسفرالفضيلى http://www.ruba3.com/vb/tl4s_ruba3/buttons/viewpost.gif (http://www.ruba3.com/vb/showthread.php?p=236889#post236889)
بن سلمان


علي السبيه


صحت السنتكم قلوبكم والله يعطيكم الف عافيه


والله علم يشرح الصدر وينومس

الله يوفقكم



.................................................. .................
صح بدنك يافضيلي ومرورك نعتبره تاج على روسنا
بن خضران
08/02/2009, 05:42 AM
الله الله الله مبدعييييييييييييين صحت السنتكم ياشعار
همسة شوق
08/02/2009, 10:55 AM
بن سلمان
علي السبيَه
صحت السنتكم ودام نبضكم
يعطيكم الف عااافيه ماقصرتو
تقبلو مروري المتواضع
لاهنتم ..,,
بدر البدور
08/02/2009, 01:47 PM
يعطيكم العافيه
مبدعين
بن سلمان
08/02/2009, 04:55 PM
نشكر كل من شرفنا بمروره والله يعطيكم العافية
بن سلمان
08/02/2009, 05:16 PM
البـــــــــــــــــــــــــدع

أنا قد شبتني الامراض وين الطب والاسعاف
كل شي له ذوق واما الشر ماحياً يطاوع ذوقه
سطوته ماتنقدر والله يامقوى جرى يده
وأنا قد لي كم سنه والمح له الجولات والمح صوله
مره اتجنبه ومرار اقبل احكامه وبايعه
كم الي اتحمل شرور الوقت ومع ذالزمان القى سي
والبشر مثل الشجر والوقت يكم لاي عوده(لوى اعوادها)
علي السبيَه
08/02/2009, 09:45 PM
عجيب يابن سلمان تشقر القصايد بطريقه محترفه تفوق الشعار الكبار
وانا اخاف ردودي المتهالكه ماتجمل من هذه البدوع المحبوكه


الرد:علي السبيه=
.=
النخيل الباسقه فيها عذوق التمر والاسعاف=
والتمر راس النخل مصيون ماحى(ن) يطاو اعذوقه=
نخل بيشه والمدينه والقصيم ارهى جرايده=
لا تقل وين انت ياتمر العراق ومن يلم محصوله=
اهبط لا سوق التمر وانشد عنه واتشوف بايعه=
المزارع كندروها في توالي ذا الزمان القاسي=
والسنين الاوله ماضن وقتي لي يعودها=
أحمد مطر
08/02/2009, 10:05 PM
عوافي عوافي
وعساكم على القوه
أبدعدتم صحت ألسنتكم
ولاتحرمونا
بن سلمان
09/02/2009, 12:35 AM
وافي يابو طلال وانا من طلابك طال عمرك

البـــــــــــــــــــــــدع

لادعتنا المعركة نبدي ونعدي مالنا مصياف
في نهار النيمسي تزخر مقابيس الخطر من سوقه
مانبي فزعة من الخاين ولا نبغي رفايده
المعارك ماتهون الا على الي خالها بخيوله
كيف لو يقفي لريع المعركة وأقفى ترايعه(الترعة الطريق)
انحن الي نردع الخصام والغلطان لاسوى سي
في نهاراً تصبح انواع الفتن تقدح زنودها
بن سلمان
10/02/2009, 01:14 AM
اشكر كل من شرفنا بمروره والله يعطيكم العافية وننتظر رد ابو طلال
علي السبيَه
10/02/2009, 01:21 AM
صح لسانك ياشيخ وانت شاعر محترف واتشرف بمجاراتك


الرد:علي السبيه=
.=
في فجوج العاصمه والخبت الاجرد مالنا مصياف=
وسوق الاسهم ماجنينا الا خساير فادحه من سوقه=
العوض في راس مالي لا رجع وبغير فايده=
عن ميادين الملز ودي انتشد من خالها بخيوله=
واتنشّد عاالجياد اللي لها وقفات رايعه=
قل لمنهم يعسفون الخيل ماالعربان والسواسي=
الخيول الدهم في وقت السبق تقدح زنودها=
بن سلمان
10/02/2009, 05:41 PM
شرفتني وطولت راسي يابو طلال بردودك الاكثر من رائع بصراحة وهذه بدعة وبعتبرها ختامية المشاركة ونتقابل على خير في مشاركات اخرى

البـــــــــــــــــــــدع

ياعلي خلك سياسي وأعرف الميراد والمهداف
عش وخلك مستريح البال حتى القلب يلمس روقه
وأن هرجت أهرج بقولاً ماتشكك في وكايده
لاتوحد عيشتك لاتسكن الا ديرةً ماهوله(بها اهل او سكان)
وان تغانيت ابتعد عن لقمةً من مال ناسعه
وانصح العقل الذكي قدام مايضحك عليه الناسي(كثير النسيان)
وان عرفت اصل السيوف فلا تنشد عن حدودها
علي السبيَه
10/02/2009, 08:38 PM
اتشرف بمجاراتك يابن سلمان وانت شاعر تشرف كل من يقصد معك
ابدعت في بدوعك الرائعه وارجو منك المعذره ان حصل مني قصور



الرد:علي السبيه=
.=
لو يجي للسارق المزّاح في بعض الديْر مهداف=
حمّلوه اهل المنازل والديْر باالعازه المسروقه=
واللي يجكر منك رُزّ الشوكه في عينه وكايده=
ليت كلن يقتنع قلبه ولا يطمع بشي ماهو له=
في محلات الشحاحه والبخاله مالنا سعه=
من حكم نفسه فلا يندم ولا يضحك عليه الناسي=
والشريعه ماتعاقب غير من عدى حدودها=
بن سلمان
10/02/2009, 08:46 PM
صح لسانك يابو طلال وماحصل قصور الله يوفقك
أحمد مطر
10/02/2009, 10:41 PM
محاوره رائعه تكتب بماء الذهب
أبدعتم و أمتعتم لاعدمناكم شعرائنا الغالين
وتقبلوا مروري
تحياتي
عبدالله اللبيدي
12/02/2009, 12:07 PM
اساتذه وشعار كبار علي السبيه وبن سلمان صحت السنتكم وانا فداكم والله هذا الشعر اللي يشرح الصدر وماهو غريب عليكم الابداع
من جد انا في غاية السعادة وفقكم الله
علي السبيَه
12/02/2009, 10:17 PM
اقتباس:
المشاركة الأصلية كتبت بواسطة عبدالله اللبيدي http://ruba3.com/vb/tl4s_ruba3/buttons/viewpost.gif (http://ruba3.com/vb/showthread.php?p=239152#post239152)
اساتذه وشعار كبار علي السبيه وبن سلمان صحت السنتكم وانا فداكم والله هذا الشعر اللي يشرح الصدر وماهو غريب عليكم الابداع

من جد انا في غاية السعادة وفقكم الله




.................................................. ..................................
حىالله المعلم والاستاذ الاول عبدالله اللبيدي شرفت الصفحه بمرورك
الكريم ونشكرك جزيل الشكر على اشادتك واطرائك الطيب لنا ولا نحن
الا قطره في بحرك الغزير ولولا جودة قصايد الشاعر بن سلمان في هذه
القارعه ماكان لقصايدي اي معنى
الغريب
13/02/2009, 01:16 AM
صحت الالسن يامبدعين
علي السبيَه
13/02/2009, 01:25 AM
اقتباس:
المشاركة الأصلية كتبت بواسطة الغريب http://www.ruba3.com/vb/tl4s_ruba3/buttons/viewpost.gif (http://www.ruba3.com/vb/showthread.php?p=239469#post239469)
صحت الالسن يامبدعين


...........................
صح بدنك طال عمرك