بن سلمان مـــــــــــــــات

[بن سلمان]

الحقيقة اني مامت لكن يشهد الله لمر علي شهر محرم هذا بكل عنف (اللهم لاطيرة ولا تشائم) لكن حقيقة انها لتوالت المصائب علي في ذالشهر بكثرة واخرها حادث البارحة ببرحرح وسلمت والحمد لله وعساه اخر الشر. فهيضت علي القريحة واقبلوا المتيسر والي بيرد حياه الله

البـــــــــــــــــــــــــدع

مدري على من تقوم الشيمه وعلى من تهون
ليتها ماترتحل وينكد العيش الرحال
الشيم سيلاً ومن بعده يديس الما نحي
لو نمت بالغرس ماظني يبنسى الما نمات
ونحن لو نقطف الريحان ماظنه محرم
له شذا نغمظ عليه العين وشذاً نحسبه

[المزيونه]

الحمدلله على سلامتـك وطهور ان شاء الله

وصح لسانك عل الابيات الرائعه

[عبدالله اللبيدي]

اولا مساك الله بالخير والحمد لله على سلامتك ياخوي والمؤمن مبتلى والله يجعلها اخر المصائب
ثانيا هذا الرد على قد المعرفة واني مستعجل لا احد يسبقني عليه


الرد من اللبيدي

كلنا في حكم رب العرش الاعلى منتهون
بعضنا عاش النعيم وبعضنا في شر حال
يالله اني احمدك مادام ان بن سلمان حي
ابيتكدر خاطري لوقيل بن سلمان مات
والمقادير ابتجينا في صفر ولا محرم
لا تقعد لا مر شهر ن قلت وش ذالنحس به

[علي السبيَه]

البدع:علي السبيه=
.=
كلنا ياشيخ عُرضه للمقدر والمنون=
ياعسى عمرك يطول ولا يجي شمسك زوال=
ياشاعر في منهجه يشبه للشعر المالحي=
ابن سلمان الذي يحكم نضام القافيات=
الكريم الوافي اللي في ميادينه مقدم=
ياالله ياربي تجنبه الوقوت المنكبه=

[برق الجنوب]

الحمد لله على سلامتك يابن سلمان وما تشوف شر والله يجعل ايامك كلها رغد وسعاده ..
وصح لسانك على هذا البدع الرائع ..

وصح لسانك يا لبيدي على هذا الرد الوافي اللي جى بكل تأكيد على مافي خاطر بن سلمان ..

تحياتي للجميع

[بن سلمان]

حياك الله يابو طلال وشرف لنا جميعاً ان تكون معنا في هذه الرباعية

[علي السبيَه]

حياك الله يابو طلال وشرف لنا جميعاً ان تكون معنا في هذه الرباعية

.................................................. .............................
تسلم يابن سلمان والحمدالله على السلامه والشرف لي طال عمرك
في مجاراتكم خاصه وجا معك الشاعر الكبير اللبيدي وانا اعتبر نقطه
في بحوركم الغزيره

[برق الجنوب]

الرد / برق الجنوب=

....=

لا يهمك يا علي هرج القوافي والمنون=
انسها يا صاحبي فكة مقاعد والزوال=
الذي عطشان ما يروى بماي المالحي=
وانت لا تنظر لهرج الشامتي والقافيات=
الاوامر واضحه هذا عقيد وذا مقدم=
والجندي ما يحتمل رتبة ملازم منكبه=

[بن سلمان]

هههههههههه والجندي مايحتمل رتبة ملازم منكبه طيب يابرق الجنوب شرفتنا حياك الله

[بن سلمان]

البــــــــــــــــــــــدع

ياعلي باح المطر واهل القوافل منيخون
والابل متعوده من طبعها تبغي رمال
من يدور للحيا في واديً مايستحي(مايستحي ماينبت به حيا)
ياحليل الحادي الي مامعه غير العصاة
كان عايش قبل يحداه الزمن في خير ونعم
وبلش في وقت ماله لانظير ولا شبه

[عبدالله اللبيدي]

صحت السنتكم يابن سلمان وعلي السبيه وبرق الجنوب شكلكم تبغون تطردون القحم

الرد من عبدالله اللبيدي


من هو اللي يكتمل حمل الامانة ومن يخون
الله يكفي الشر ياتاجر تموت بغير مال
تنتهي الثروات بايدي واحد ن ما يستحي
ويوزع راس مال المومنين على العصاة
ليته اقفى عند مطنوخ ن وفيه الخير وانعم
غير سلمته بخيل وطال راس اللاش به

[علي السبيَه]

اتمنا لك يابن سلمان طولة العمر والصحه والسلامه وقصيدتي
هذه من باب المزح والموانه وانا اخوك لاتاخذها بمحمل الجد


البدع:علي السبيه=
.=
هزّني العنوان لكن ياغبوني ياغبون=
بعض الاخبار ودي نشتريها باالريال=
احسن من وبل المطر لا انّدح منه الماء دحي=
الخساره في اللي اقفى والعوض في اللي جيات=
لا انقطع عرق المولّي لا نصيح ولا بنندم=
وش بعمرك فايده يامن على المْن عشت به=

[برق الجنوب]

الرد / برق الجنوب=
....=

ياصفا وشفيك ماتهتزه مما يلغبون=
والقناه بدون إشاره ما بيلقطها الريال=
استمع وانا ابن عمك في هروج المادحي=
اللي مثل الموج لأصبح عاتيٌ والليجيات=
لا تدمونه ولا تسرون عنه ولا بنندم=
انا برخي له عصاتي وانت بالمنع اشتبه=

[صقر الجنوب]

اويه ياخيه تفاول على عمرك والله ياخيه لضاقت بنا الدنيا لغلاك ماهو لتصريف المقدر

وحمد لله على سلامتك والله يبعد عنك وكل من يقرأ هذه السطور كل مايكدر خطركم جميع

يالله اني احمدك مادام ان بن سلمان حي
ابيتكدر خاطري لوقيل بن سلمان مات

[رياض]

المصيبه اني ما اقدر امدح واحد دون الثاني كلكم مايحتاج تاج على راسي من فوق واخصوصا( صاحب القارعه ابن سلمان ) اللي اتحفنا بهذه القارعه الجميله .. استمروا وما قدامكم الا التوفيق ...
اخوكم ابو بندر

[إبن الجنوب]

سلامات يابن سلمان ماتشوف شر ...وعوافي للمشاركين في القارعه وعساكم جميعا على القوه

[Pr!Nce$$ j0ry]

الحمدلله ع سلامتك
ويعافيك ربي
لاهنت
نتريا يديدك

[بن سلمان]

اويه ياخيه تفاول على عمرك والله ياخيه لضاقت بنا الدنيا لغلاك ماهو لتصريف المقدر

وحمد لله على سلامتك والله يبعد عنك وكل من يقرأ هذه السطور كل مايكدر خطركم جميع

يالله اني احمدك مادام ان بن سلمان حي
ابيتكدر خاطري لوقيل بن سلمان مات

مايجيك الشر يابو احمد ولا يجي المسلمين وشاكرين لك اهتمامك وعواطفك الطيبة

[بن سلمان]

طيب طيب امزح يابو طلال والله يعينني عليك

البـــــــــــــــــــــدع

لاتتيهنا بدرباً به متالف وشيكون
كلنا نمشي بدرب الموت مشياً بالرجال(الارجل)
مانرد الموت لو جبنا التمايم والمحي
الحياه اطوار والدنيا حيا ولا وفات
المهالك والمتالف لاتمناها لمسلم
خل عاد الصاحب الي مذهبك من مذهبه

[عبدالله اللبيدي]

الله الله ياحبانيه ولو ان رفيقيه احسه ما عليه منيه شويه


الرد من عبد الله اللبيدي


انا ما اهتميت من بعض الخلايق وش يكون
طول عمري خاطري ما يفرح الا بالرجال
ياعيوني وصفي بعض المواقف والمحي
والماضي خيره وشره باح قد ولى وفات
والبظاعه الهيلة عندي حاظر بحاظر ومسلم
بالجنيه الجرج والا بالسيوف المذهبه

[بن سلمان]

الله الله ياحبانيه ولو ان رفيقيه احسه ما عليه منيه شويه





الرد من عبد الله اللبيدي


انا ما اهتميت من بعض الخلايق وش يكون
طول عمري خاطري ما يفرح الا بالرجال
ياعيوني وصفي بعض المواقف والمحي
والماضي خيره وشره باح قد ولى وفات
والبظاعه الهيلة عندي حاظر بحاظر ومسلم

بالجنيه الجرج والا بالسيوف المذهبه


وش الي خلاك تحكم علي بهذا الحكم ان كان من ناحية معنى القصيدة فياليت تقرا بدعت السبية وتعرف ان الهدف موجه لسبية ماهو لك.وان كان غير كذه فياليت توضح وش تقصد ماعتقد اني تكلمت بأي كلمة تمسك باي شي .وان كان على الاحساس فاعتقد اول مره تقصد معي صعب الحكم بهالسرعة .والي اشوفه اني اجتهد في تمهيد البيوت والشقور من شان ترتاح لكن لعل هذا الشي يضايقك.على كل حال الله يسامحك.وياليت تاخذ هذا المثل بعين الاعتبار(ليت رقبتي بطول رقبة الجمل من شان افكر بالكلمة قبل اطلعها)

[عبدالله اللبيدي]

وش الي خلاك تحكم علي بهذا الحكم ان كان من ناحية معنى القصيدة فياليت تقرا بدعت السبية وتعرف ان الهدف موجه لسبية ماهو لك.وان كان غير كذه فياليت توضح وش تقصد ماعتقد اني تكلمت بأي كلمة تمسك باي شي .وان كان على الاحساس فاعتقد اول مره تقصد معي صعب الحكم بهالسرعة .والي اشوفه اني اجتهد في تمهيد البيوت والشقور من شان ترتاح لكن لعل هذا الشي يضايقك.على كل حال الله يسامحك.وياليت تاخذ هذا المثل بعين الاعتبار(ليت رقبتي بطول رقبة الجمل من شان افكر بالكلمة قبل اطلعها)

لا لا يابن سلمان الحكاية كلها مداعبة ليس الا وانت وافي في بدوعك وما قصرت لكن اخاف ان ردودي ما اعجبك وان كان ضقت ابشر بالحق

[علي السبيَه]

انتم ياالاثنبن وافين والمسأله مزح لا اقل ولا اكثر وانا لو ما امون
على بن سلمان واعرف ان خاطره طيب ماكان بدعت قصيدتي الاوله
واللبيدي اعرفه تمام المعرفه انسان خلوق وشاعر كبير ولا يقصد
الاسائه لاحد وكلامي ليس من باب الدفاع عنه فهو يقدر ويكتمل في
كل موقف ولكن من باب الاخوه والمعزه فيما بيننا لذالك وشرايكم
نكتفي واللي حصل فيه الخير والبركه ونتقابل في محاوره اخرى

[صقر الجنوب]

رأيي من رأي ابو طلال وانتم جميعكم يشهد الله غالين علينا ولا ودنا بشي يكدر خطركم