سر الجاذبيه

[مسفر بن شنيف]

ردية على الشاعر شجاع السبيعي (البكار الوضح وش هي سالفتها..........
(000000000000000000000000
(امتثل لامري وقل سمعاً وطاعه 000000)




مرحبا يا شاعر(ن) عينه عمتها = والأمر لله ما للعبد طاعه

سالفتها كم قلوب(ن) حطمتها = وكم عيون(ن) بعد ما شافت فجاعه

واهني من شل عنها ملثمتها = وارتشف من ماءها العذب وجراعه

الدواء والداء صادر من شفتها = والضواري دونها باتت جياعه

استباحتنا ذنوب وصورتها = وارسلتها فتنة الأرض المشاعه

وقفة(ن)وانشهد انها وقفتها = خلت ابن شنيف ياقف ع صباعه

ميلة(ن)كم من عقول(ن) ميلتها = بري حالي يوم شمر عن ذراعه

بين وقفتها وميلة خاصرتها =البيوت الشارده فيها صراعه

ايه سر الجاذبيه من جهتها =ما علينا من نيوتن واختراعه

سجلوها بسمها وبماركتها =واعلنوها في الصحافة والاذاعه

البكار الوضح هذي سالفتها =يا شجاع ان كان في راسك شجاعه

[أبـو مشاري]

صح لسانك

[بدوية]

كلكم رأسين على علم .

قصيدة ابداع
تحمل الكثير من المعاني العذبة
ومشاعر مفعمة
بيض الله وجهك شاعرنا

وننتظر جديدك
ودمت سالما

[ابواسامه]

صح الله لسانك على هذه القصيدة ابداع

[علي السبيَه]

منتهى الابداع من اهل الابداع وصح لسانك مدد بلا عدد يامسفر بن شنيف