ياقمر غبت عن عيني وزاد الضلام

[علي السبيَه]

هذه القصيده اخر انتاج علي السبيه الغلبان
ان مريتم مشكورين وان طنشتم مشكورين


ياقمر غبت عن عيني وزاد الضلام=حسبك الله ليش احرمتني من ضياك
مادريت ان هجر العاشق اكبر حرام=واكبر الذّنْب لما تختفي من سماك
ياقمر شف عيوني في غيابك صيام=والخوافق تحنّ وتشتكي من جفاك
في غيابك على الدنيا نقول السلام=ليلها سرمدي ولا تبي الا رضاك
والمشاعر لها في وسط قلبي احتدام=مدري بعدك سباني او فوادي سباك
تاهت الاجوبه واحتار كل الكلام=والعاشق للكواكب والنجوم اشتكاك
من غيرك كلها الدنيا مجرد حطام=ماتساوي بعيني لمحةً من بهاك
غيبتك ياقمر لازم تخلّ النضام=مايزيّن مساء ليل المحبه سواك
انت رمز المحبه وانت رمز السلام=وانت جمله لها معنى حروفك علاك
ياقمر في غيابك كيف عيني تنام=والخافق بك يهوجس والضمير احتواك

[فهد قزعه]

طيب يابوطلال طيب صح لسانك والحال من بعضه عبدالواحد يقول
(اعتبرها سحابة صيف واتعدي)
تعجبني قصايدك يابوطلال الله يوفقك واصل ابداعك ولا تتوقف

[لؤلؤة زهران]

والمشاعر لها في وسط قلبي احتـدام
مدري بعـدك سباني او فوادي سبــاك

علي السبيه
شاعر الذوق الرفيع

صح لسانك وعلا شانك ابيات قمة الجمال والاحساس
عندما اقراْ قصايدك وقصائد الشاعر الهمس
اجد نفس المشاعر والاحاسيس جمال في انتقاء المفردات والابداع والعذوبه تشابه قريب جدا بينكم في المهاره الشعريه يجعلنا نتذوق اشعاركم ونستمتع بها

اجمل تحيه واعذب سلام


لؤلؤة

[علي السبيَه]

طيب يابوطلال طيب صح لسانك والحال من بعضه عبدالواحد يقول
(اعتبرها سحابة صيف واتعدي)
تعجبني قصايدك يابوطلال الله يوفقك واصل ابداعك ولا تتوقف


تسلم ياشيخ فهد واعجابك اعتبره وسام فخر على صدري وتاج على راسي

[علي السبيَه]

والمشاعر لها في وسط قلبي احتـدام
مدري بعـدك سباني او فوادي سبــاك

علي السبيه
شاعر الذوق الرفيع

صح لسانك وعلا شانك ابيات قمة الجمال والاحساس
عندما اقراْ قصايدك وقصائد الشاعر الهمس
اجد نفس المشاعر والاحاسيس جمال في انتقاء المفردات والابداع والعذوبه تشابه قريب جدا بينكم في المهاره الشعريه يجعلنا نتذوق اشعاركم ونستمتع بها

اجمل تحيه واعذب سلام


لؤلؤة

وش جاب لجاب يالؤلؤة زهران وين انا وين الهمس الهمس يعتبر
شاعر محترف وانا حىالله عليمي وقصايدي لا تودي ولا تجيب
والله يجبر بخاطرك ويسعد ايامك واجمل تحيه وارق واعذب سلام
لشخصكم الكريم ولمرورك اللي اعتبره تتويج للقصيده ولصاحب
القصيده الغلبان

[همسة شوق]

الله الله
صح لساااانك فعلا مبدع ومميز قلمك ماشا ءالله عليك
كل الكلام اللي ينقال بحق القصيده ومهندسهاالمميز قليل والله قليل
يكفي انى نقراءها ونعيدها اااااالف مره ونلقى انى نكتشف فيها شي جديد ..

يعطيك العااااافيه تسلم يمناااك وعساك على القوه لاهنت

تقديري واحتراامي لشخصك الكريم .....//

[متعب الدوسي]

صح لسانك مدد بلا عدد يابوطلال
ولايستغرب الأبداع من اهله

[almooj]

صح لسانك يا تاج راسي أبو طلال .

[علي السبيَه]

الله الله
صح لساااانك فعلا مبدع ومميز قلمك ماشا ءالله عليك
كل الكلام اللي ينقال بحق القصيده ومهندسهاالمميز قليل والله قليل
يكفي انى نقراءها ونعيدها اااااالف مره ونلقى انى نكتشف فيها شي جديد ..

يعطيك العااااافيه تسلم يمناااك وعساك على القوه لاهنت

تقديري واحتراامي لشخصك الكريم .....//

تو مانورت القصيده ياهمسة شوق وتسلمين يابنت الاجواد
واشكرك جزيل الشكر على اطرائك الطيب ومرورك اعتبره
تتويج لي ولقصيدتي المتواضعه

[علي السبيَه]

صح لسانك مدد بلا عدد يابوطلال
ولايستغرب الأبداع من اهله

تسلم ياشيخ متعب وصح بدنك ياالغالي
والابداع يتجلا في مرورك الطيب ياطيب

[علي السبيَه]

صح لسانك يا تاج راسي أبو طلال .

صح بدنك ياالجندبي واشكر لك مرورك الطيب ياطيب